Жаз мезгілі- балалар үшін ең ұзақ демалыс уақыты. Бұл кезең - әр баланың өміріндегі тұтас бір естен кетпес дәуірі десе де болады. Балалар жыл бойы көңілді демалысты, жазғы естеліктерді, жаңа достармен кездесулерді армандайды. Олар оқу жылы аяқталғанға дейін жазда қайда және қалай демалу керек деп ойлап, жоспарларын құрып жүреді. Иә, жаз - бұл тек жыл мезгілі ғана емес, маңызды, ерекше кезең, яғни балалар өмірінің тоқтамайтын ағымының бір үзіндісі іспеттес болып та көрінеді. Сондықтан жазғы демалыс баланың бүкіл өмірінің ажырамас бір бөлігі болып табылады десек те болады. Каникул уақытында балалардың бос уақыттарын мазмұнды ұйымдастыру Қарағанды қаласы «Оқушылар сарайының» қызметінде де ерекше орын алады. Бағдарламаны тиімді іске асыру және мектеп жанындағы лагерьлер мен алаңдардың демалыс уақытындағы жұмыстарына көмек көрсету үшін Қарағанды қаласы «Оқушылар сарайының» «Жаз-2023» орталығында үйірмелер мен іс-шаралар ұйымдастырылып, өткізіледі. «Оқушылар сарайы» - ЮНЕСКО клубы» 2023 жылғы 5 маусымнан бастап сағат 10.00-ден 13.00-ге дейін мектеп жанындағы лагерьлер мен алаңдардағы оқушылар үшін би-ойын және мәдени-бұқаралық іс-шаралар мен түрлі бағдарламалар ұйымдастырады. Атап айтсақ, «Сәлем, жаз!» би-ойын бағдарламасы, «Көңілді бағдаршам» танымдық-ойындар бағдарламасы, «Ертегілер еліне саяхат» театрландырылған би-ойын бағдарламасы, «Ең, ең...» атты ойын-сауық бағдарламасы және «Көңілді старттар» ойын бағдарламалары қызықты ұйымдастырылады. Сондай-ақ, Сарай сахнасында аптасына екі рет «Брависсимо» балалар және жасөспірімдер шығармашылық орталығының жас әртістерінің қатысуымен спектакльдер көрсетіледі.

#летовдопобразовании2023 #жаз_қосымшабілімберу2023 #zhazqosymshabilim2023 @goroo_krg @rumcdo_official @gulsimkozhahmetova @saryarkadaryny.kz #элеуметтік_педагогикалык_багыт #социально_педагогическое_направление #4ТОҚСАН #ТУҒАНӨЛКЕМ #unescoclubskz @gulsimkozhahmetova @obb_qaragandy @umckrg