"Қимылмен өмір қызықты"

Салауатты өмір салтын қалыптастыруға арналған іс-шараны

 спорттық ойындармен үндестіру.

Оқушылар сарайының ҚР ОҚ Шағын ғылым академиясы онлайн демалыс аясында, Лингвистикалық орталығының  қазақ тілі үйірмесінің балаларымен жыл бойы оқыған бағдарламаны  бекіту мақсатында "Қимылмен өмір қызықты" атты спорттық ойын ұйымдастырылып өткізілді. Аталмыш шараны өткізудегі басты мақсат, балаларға жыл бойы оқытылған бағдарламаны спорттық ойындармен үндестіре отырып, білімдерін жаңғырту болды. Ойын-сабақ таза ауада өткізілді.

Ойын барысында балалар 2 топқа бөлініп «Екі тілде санаймыз», «Санаудан шатаспа», «Түстер екі тілде», «Секіргішпен секір де сана», «Қолтырауын», «Жемістерді жылдам ата», «Кім ұқыпты әрі жылдам?» сияқты бірқатар ойындарға белсене қатысты. Ойын-сабақты жүргізу барысында үйірме жетекшісі Қожахметова А.Қ. өзінің зор үлесін қосып, ойын соңында оқушыларын марапаттады. Үйірме жетекшісі мен балаларға аталмыш шарамызға белсене ат салысқандарына алғыс білдіреміз.