Жыл басы - Наурыз мерекесі қарсаңында  Робототехника зертханасында "Спорт және шеберлік" күніне орайластырылған тақырыптық сабақ өтті. Спорт пен шеберлікті робототехникамен байланыстыру мүмкін бе деп ойлайсыз ба? Әрине, мүмкін. Робототехника сабақтарында балалар түрлі шеберліктерін, яғни:

- жетек платформаларын және басқа да  құрылымдарды құрады;

- бағдарламалау жүргізеді;

- өз жұмыстарын тәжірибе жасау арқылы көрсете алады.

Біз сабақ барысында қазақ халқының ұлттық  "Теңге алу" ойынын ойнауды шештік. Теңге  алу - бұл ат- спорттық ойыны. Ойынның ережесі бойынша, қатысушы шабандоздар қашықтықтан өтіп, орамалға оралған мүмкіндігінше көп монеталарды тоқтаусыз жинауы керек. Жылқыдағы шабандоздың орнын тиындарды- бөлшектерді жинайтын тұтқасы бар жетек платформасына ауыстырдық.  "Ал, шабандоздар, алға!"- деп ойынды бастап кеттік.   "Теңге алу" - ұлттық ойыны өте тартымды өтті.  Бізді алда әлі де талай сайыстар күтеді деп тарқасты шабандоздар.