Қарағанды қаласының әкімі Ермағанбет Бөлекпаев  8 Наурыз мерекесі қарсаңында қаламыздың ардақты аналары мен қыз- келіншектерін   Халықаралық әйелдер күні мерекесімен құттықтады. Аяулы жандарды құттықтауға арналған мерекелік іс-шара қала әкімшілігі ғимаратында өтті. Кездесуге қаламыздың қоғамдық өміріне  белсене ат салушы айтулы тұлға өкілдері қатысты.Батыр аналарымызға "Алтын алқа", "Күміс алқа" белгілері тапсырылып, еңбектерімен ерекшеленген  аяулы жандар қала әкімінің мақтау қағазы мен алғыс хаттарына ие болды. Салтанатты кездесу барысындағы бар ыстық ықылас пен жылы лебіз аналардың құрметіне арналды. Ананың қоғамдағы басты мақсаты - өскелең ұрпақ бойына мейірім мен шуақ төгіп, олардың өмір жолында өз орнын таба білуге тәрбиелеу - басты мақсат болуы қажет  екені баса айтылды. Мереке барысында қаланың танымал әншілері өз өнерлерімен тәнті етті. Әсіресе, "Оқушылар сарайының" Сұрыптау елді- мекені бөлімшесіндегі "Созвездие" және "Назқоңыр" вокал үйірмесінің кіші топ өнерпаздары өнерлерімен көрермендердің қошеметіне бөленді.