1 наурыз елімізде жалпыхалықтық мереке – Алғыс айту күні. Бұл күн – қазақстандық патриотизмнің, бірлік пен достықтың жарқын мерекесіне айналуда. Қазақстан халқы бұл мейрамды алғаш рет 2016 жылы атап өтті. 2016 жылдың 14 қаңтарында президент Нұрсұлтан Назарбаев Қазақстан халқы Ассамблеясының құрылған күнін, яғни 1 наурызды Алғыс айту күні етіп жариялаған болатын.

   Біздің еліміз үшін осындай тамаша  маңызды мереке қарсаңында «SARYARQA» телеарнасы ұсынысымен   Қарағанды қаласының КМҚК «Оқушылар үйі» үлгілі хореографиялық  «Сиқырлы әлем» ансамблінің өнерпаздары    «Бәрін білгім келеді» атты телебағдарламаның  мерекелік шығарылымына қатысты.  Бұл мереке үшін дәл осы хореографиялық ұжым таңдалды, себебі «Сиқырлы әлем» ҮХА - біздің Оқушылар сарайының ең жарқын халық ансамбльдерінің бірі, қазақстандық және қарағандылық сахналарда ұлтар достығын насихаттап жүрген, мәдениеттің ең үлгілі жақтарын көпке үлгі етіп жүрген жарқын жұлдызды өнерпаздардан тұратын ұжым. Қаламызбен облыс орталығында осы ансабльдің қатысуынсыз бірде-бір мереке өтпейді. Себебі, халықтың алғысына  бөленіп жүрген бұл кәсіби би мектебі,  кәсіби ұжымның педагогтары жоғары санатты, өз ісінің ең үздік маэстролары деп айтсақ артық емес. Бүгінгі телебағдарламаның түсіру процесіне де куә болдық. Өте керемет! Балалар телестудия өміріне куә болып, қуанышқа бөленді. Көрермендер үшін  білікті маман Лейхнер Татьяна Анатольевнаның  тәрбиеленушілері өз  өнерін ұсынды. Көптің көңіліне ұнамды, көңілді, жалынды, әдемі «Барбарики» биімен өнер көрсетті. Алдағы уақыттта «SARYARQA» телеарнасынан  «Бәрін білгім келеді» телебағдарламасының  мерекелік  шығарылымын көруге шақырамыз. Баршаңызды алда келе жатқан  көктем мерекелерімен құттықтаймыз!  Шуақты күндеріңіз көп болсын!