Бүгін - ақын, аудармашы, драматург, Қазақстанның Мемлекеттік сыйлығының лауреаты, Ғасыр ақыны атағының иегері Мұқағали Мақатаевтың туған күні.Осы орайда Қарағанды қаласы “Қарағанды оқушылар сарайы” маңындағы РҚБ “Жас Ұлан” бірыңғай балалар мен жасөспірімдер ұйымының ұйымдастырылуымен #MukagaliBabamyzMaktanyshymyz атты байқау өткізілген болатын. Бұл байқауға жалпы саны қала және облыс деңгейінде 350 астам қатысушы тіркелді, былай қарасақ үлкен нәтиже тіпті рекорд десекте артық емес.

Аталған іс-шараның басты мақсаты – Мұқағали Мақатаевтың өмірі мен шығармашылығымен таныстыру. Ақын поэзиясының халыққа кең таралуының мәні және оның өміршеңдігінің сыры неде екенін таныту, өлеңдерін мәнерлеп оқып оқырман назарына ұсыну. Ақынның өмірі мен шығармашылығына арналған бұл шараларда ақынның жан дүниесіндегі толқыныстар көрініс табады. М. Мақатаевтың поэзиясы оқылып, өлеңдеріне жазылған әндер шырқалып ақын өмірінің кейбір сәттерін бейнелей отырып, бізді сонау замандарға қайта шолу жүргізгендей болады. @dsh.karaganda  @jas_ulan_krg .