«Дәстүрлі емес әдіспен сурет салу техникасы» 

тақырыбында ашық сабақ

07.03.20 жылы   «Балалар мен жеткіншектер сарайы»  Сортировка кенті  бөлімшесінде   «Асыл мұра» үйірмесінің жетекшісі   Ахметова Э.П.  «Дәстүрлі емес әдіспен сурет салу техникасы»  тақырыбында ашық сабақ өткізді.

Ахмет Байтұрсынов баланың өзіндік жұмысының маңызын бала білімді тәжірибе арқылы өздігінен алуы керектігін атап айтқан болатын. Жалпы білімге деген құштарлық - кез келген балаға тән қасиет. Күн сайын жаңа бір нәрсені білуге ұмтылу - бала үшін зор қуаныш, үлкен мерей. Баланың оқу-таным әрекетін арттырудың тиімді құралдарының бірі –бейнелеу өнері.

Шығармашылық  тұлғаны қалыптастыру – қазіргі кезеңдегі педагогикалық теория мен тәжірибенің маңызды мәселелерінің бірі.

Дәстүрлі емес тәсілді пайдалану кезінде анықтау, зерттеу қабілеті қалыптасады. Дәстүрлі емес әдіс балалардың бейнелеу өнеріне деген мотивациялық қозғаушы күші болып табылады. Сонымен қатар балалардың суретті соңына дейін «сала аламын ба» деген қорқыныштары кетеді. Балалар сурет салғанды өте ұнатады. Дәстүрлі емес сурет салу кезінде бала түрлі құралдармен,тәсілдермен танысты. Түстердің алуандығын ұғынды.  Жеке және ұжыммен жұмыс жасалды. Ересек топтың балалары, бірінші жыл қатысып жүрген балаларғы өздерінің алған білімдерін көрсетіп, бірлесіп жұмыс жасады. Жіп графикасы, бір басылымда сурет (монотипия), гратаж сияқты сиқырлы әдіспен сурет салу балаларға қатты ұнады. Осының ішінде сулау тәсілімен сурет салар алдында, қағазды таза сумен жалпақ қылқаламның көмегімен жуып алып, қағаз кеппей тұрып түстерді кезек –кезек қағаз бетіне тамызу немесе сүйкеу керек, бояу қағаз бетіне сумен бірге жайылады.Сонымен қоса осы әдіс арқылы балаларға 8 наурыз мерекесіне орай  гүлдер шоғын жасатты.  

Қорыта айтқанда, көркемдік – шығармашылық әрекеті, бейнелеу өнерінің дәстүрден тыс түрлері баланың шығармашылық қабілеттілігін, қиялдауы мен ойлауын, жауапкершілігін, өз пікірін ашық айтуын, дербестігін – барлық қасиеттерінің ашылуы мен дамуына септігін тигізеді. Дәл осы қасиеттер бүлдіршіннің болашақ өмірдегі жетістік формуласының негізі болып табылады. Эльмира Пазылбековнаға  шығармашылық табыс тілеймін, шәкірттерінің биіктен көрінуіне тілектеспін!!!