2018 жылдың 13 ақпанында№ 39 гимназия базасында  «Физика пәнінен оқушылардың функционалдық сауаттылығын арттыру» тақырыбында қалалық семинар өткізілді. Семинардың мақсаты «Оқушылардың білім алуға қызығушылығын арттыру мақсатында физика пәні сабағында қолданылатын функционалдық сауаттылық әдістерімен  өзара тәжірибе алмасу арқылы мұғалімдердің кәсіби іскерлігін жетілдіру». Жоғары санатты  физика пәні мұғалімі Исманова Умит  Жакановна   өткізген факультатив сабағында  әдіс - тәсілдерді түрлендіре отыра шәкірттерін өз бетімен жұмыс істеуге бағыттап отырды.
Функционалдық сауаттылықтың негізгі міндеті - мұғалім баланы оқыта отырып, оның еркіндігін, белсенділігін, шығармашылық тұрғыда ойлауын қалыптастырып және де баланың өз бетінше шешім қабылдауға дағдыландыру екенін көрсете алды. Сонымен қатар, № 39 гимназияның физика пәні мұғалімі Дошакова Жанар Байзаковна қатысушылырдың назарына  оқушылардың функционалдық сауаттылықтарын дамыту үшін  физикадан сапалы вертуалды және  тәжірибелік лаборатория  жұмыстарын ұштастыру әдіс – тәсілдерін ортаға  салды.  

  Семинар қорытындысы ретінде әдіскер Гульнур Узакбаевна өз сөзінде: «Функционалдық сауаттылықты жүзеге асырудың басты міндеті - оқушылардың теориялық білімдерін практикалық тұрғыда қолдануымен қатар тәуелсіз еліміздің келешегіне үлкен жауапкершілікпен қарауға үлестерін қосу болып табылады. Осы ретте, жаратылыстану бағытындағы пәндерін дұрыс жүргізе білудің маңызы зор» екендігін айтып кетті.