2017 жылдың 27 қаңтарында №27 ЖББОМ инклюзивті білім берудің Ресурстық орталығында «Біз қасыңдамыз – біз біргеміз!» жобасы аясында «Инклюзивті білім беру: мәселелер, перспективалар» тақырыбында аймақтық ғылыми – тәжірибелік конференция өткізілді. Конференция ШҚО, СҚО, Павлодар облысы және Астана қаласындағы инклюзивті тәжірибені әлеуметтік-педагогикалық жобалау қортындылары бойынша өткізілді. 

Конференцияға 80 астам адам қатысты – аймақтардың Білім басқармаларының, Білім беруді дамытудың аймақтық Оқу-әдістемелік орталықтарының өкілдері, аймақтарда инклюзивті білім беруді жүзеге асыратын педагогтер, жоғары мектептердің, мемлекеттік емес ұйымдардың, Нұр Отан партиясының, облыстық және қалалық тағылымгерлік алаңдардың, БАҚ өкілдері. 

Конференцияда бар аймақтық қордың негізінде ШҚО, СҚО, Павлодар облысы және Астана қаласындағы инклюзивті тәжірибені әлеуметтік-педагогикалық жобалаудың мәселелері талқыланды. Конференция қатысушыларының талқылауына 4 жоба ұсынылды: 

- инклюзивті білім беру Ресурстық орталығының және ерте түзету көмегінің үлгісі;

- Шығыс Қазақстан аймағында инклюзивті білім беру жүйесін дамыту үлгісі;

- Павлодар облысының білім беру ұйымдарында инклюзивті білім беру тәжірибесін дамыту үлгісі;

- Астана қаласының білім беру ұйымдарында инклюзивті білім беру тәжірибесін Психологиялық-педагогикалық сүйемелдеу қызметінің үлгісі. 

Конференция жұмысы аяқталған соң аймақтарда инклюзивті білім беруді дамыту, инклюзивті білім беру үшін  мамандарды дайындау мәселелеріне, инклюзивті білім беруді ілгері жылжыту мәселелерінде  әлеуметтік серіктестікті дамытуға арналған дөңгелек үстел ұйымдастырылды. Конференцияға және дөңгелек үстелге қатысушылар жұмыс аяқталғаннан кейін аймақтарда инклюзивті білім берудің міндеттерін тәжірибелік тұрғыдан жүзеге асырудың негізгі бағыттарын түсінуде жалпы ұстанымды мақұлдап, ұсыныстар әзірледі. Олар ҚР БҒМ, Ы.Алтынсарин атындағы ҰБА жіберіледі. 

Республикалық ғылыми – тәжірибелік конференцияға қатысушылар инклюзивті білім беру мәселелері төңірегіндегі атқарушы билік органдарының, білім беру мекемелерінің, мемлекеттік емес сектордың, БАҚ бірлескен жұмысы  білім сапасын арттыру және БҚЕ бар балаларды жалпы білім беру үдерісіне жұмылдыру үшін қолайлы жағдай туғызуға септігін тигізеді деген сенім білдірді.