Қалалық білім бөлімінің жоспарына сай 2016 жылдың 12 ақпанында «№25 ЖББОМ» КММ де «Жалпы білім беретін мектептердегі  инклюзивті  білім беруді  жүзеге асыру іс-тәжірибесінен» атты қалалық семинар болып өтті. Семинар жұмысына ПМПК меңгерушісі Ержолова Ж.А., қаланың мектептеріндеинклюзив  білім беруді  іс-тәжірибеде  енгізіп жатқан логопедтер мен дефектолог мамандар қатысты.

Қал ББ әдіскері Исатаева У.Н. семинарға қатысушыларды мүмкіндігі шектеулі балаларға медициналық, арнайы білім және  әлеуметтік қызмет  көрсету бойынша ұйымның қызметімен таныстырды.Қарағанды облысының меңгерушісіЕржолова Ж.А.ПМПКның қызметі туралы айтып, ерте жастан ДМШ балаларды анықтау мен түзету қажеттігін баса айтты.

        №25 ЖББОМ мұғалімдері инклюзивті білім беру моделін көрсетіп, күнтізбелік-тақырыптық және сабақ жоспарларын құру ерекшеліктері туралы іс-тәжірибелерімен бөлісіп,ашық сабақтар көрсетті.Өткізілген ашық сабақтар өзінің дамытушылық жағының басымдығымен, іс-әрекеттердің әр түрлілігімен сондай-ақ көрнекі және үлестірмелі материалдардың көптігімен ерекшеленіп, «Алма» атты практикалық диагностика жүргізілді.

       Барлық жоспарланған ісшаралар мен сабақтар ойын және  компьютерлік технология элементерін қолдана отырып жеткілікті жоғары деңгейде өтті деп бағаланды. 

       №27 ЖББОМ жүзеге асырылып жатқан ДМШ балалармен жұмыста командалық шаралар  туралы осы мектептің инклюзивті білім берудегі  координаторы Чумакова О.Ф.  баяндады. Семинарға қатысушылар топтарда жұмыс жасай  отырып қажеттілігі ерекше  оқушыларға көрсететін көмек түрлерін анықтады.

«Арман құшағында....» атты тұсаукесерде  арнайы сынып түлектерінің  өмірдегі кәсіби салаларда өз орындарын тапқандықтары жайлы айтылды.

Семинарға қатысушылар №25 және №27 ЖББОМ арнайы сыныптардың әдістемелік бірлестік жұмысын өте жоғары деңгейде деп бағалады

Семинардың жан-жақты ойластырылып, ұйымдастырылғанын да атап өтті.

        Инклюзивті білім берудегі  бірлік, мәселенің өзектілігі, басқа мектептермен іскерлік қарым-қатынас орнату сияқты басты мақсат орындалды.