09. 02. 16 жылы  ЖББОМ № 53 мектепте «Бастауыш сынып сабақтарында  сын тұрғысынан ойлау технологиясының элементтерін қолдану»  тақырыбына арналған қалалық семинар өтті.  

Семинар бағдарламасының теориялық бөлігінде оқу-тәрбие ісі жөніндегі орынбасары  Ж. У. Хамзина, кафера жетекшісі Т. А. Попова «Бастауыш мектептегі сабақтарда сыни-ойлау» тақырыбы бойынша баяндама жасады. Бұрын  оқу үрдісінде мұғалім басты роль атқарған болса, қазір оқушының белсенділік көрсететін кезі туды. Оқушылар сабақтың негізгі қатынасушылары  болады. Олар өздері туралы ойлап, естеріне түсіреді, бір-бірімен ойларымен бөліседі, оқиды, жазады, оқығандарын талқыға салады. Бұл жердегі оқытушы негізінен ұйымдастырушы міндетін атқарады.  Оқытушының атқаратын  ролі әр балаға өзінің бірегей болмысын танып білуіне және өздігінен дамуына жағдай жасау, көмек беру.

Семинар аясында қатысушылар әдеби оқудың, дүниетанудың және қазақ тілінің ашық сабақтарына қатысты. Соңында қатысушылар семинардың өзектілігін және тәжірибелік маңыздылығын оң бағалады. Семинар қойылған мақсатына  жетті.