2020 жылдың 26 ​​маусымында сағат 16.00-де ZOOM алаңында Халықаралық нашақорлыққа қарсы күрес күніне арналған «Жасөспірім және есірткі: қалай нашақорлықтан құтылуға болады?» тақырыбында конференция өтті. Конференцияны ұйымдастырушылар - Қарағанды ​​қаласының білім бөлімі,  Қарағанды ​​қаласының КМҚК «Балалар мен жеткіншектер сарайы» және Қарағанды ​​облысының Есірткі қылмысымен күрес басқармасы.

Конференцияда  жасөспірімдерге  өзіндік тұлғалық қабілетін таныту  мен жастарға қоғамдағы есірткі заттарының зияны туралы ақпарат беру  мақсаты қойылды.

Конференцияға қатысқан 11 мен 17 жас аралығындағы қала мектептерінің оқушылары мен педагогтарына Есірткі қылмысымен  күрес басқармасының қызметкері, аға жедел уәкіл, полиция подполковнигі Корниенко Кирилл Александрович жастар қоғамына есірткінің тигізіп жатқан зияны туралы өз пікірімен бөлісті.

Конференция барысында Қарағандыда жасөспірімдер арасында нашақорлықтың алдын алу үшін қандай шаралар қолданылып жатыр; сіздің досыңыз немесе құрбыңыз есірткі қолдана бастаса, не істер едіңіз; балалар мен жасөспірімдер арасында қандай препараттар таратылады; есірткіні қолданудың салдары қандай; есірткіні қолдану немесе тарату туралы білсеңіз немесе көрген болсаңыз, көмек алу үшін қайда барар едіңіз, т.б. көкейкесті мәселелер төңірегінде пікірлер алмасты.

Оқушылар мен педагогтар үшін конференцияда көтерілген тақырыптың тәрбиелік мәні аса жоғары болды.