8 қараша  күні «Жайық Бектуров атындағы Қарағанды облыстық жасөспірімдер кітапханасында» Қарағанды облысының мәдениет, архивтер және құжаттама басқармасының қолдауымен жазушы ,аудармашы, публицист Жайық Бектуровтың 105 жылдық мерейтойына арнап ІІ Бектуров оқуларын өткізді.

Бұл іс-шараға 15-21 жас аралығындағы жастар қатысты.

Біздің мектебімізден екі номинация бойынша 10 сынып оқушылары қатысты.

1номинация «Тағдыр таңбасы» романынан үзінді жаттау болатын Ол байқауға Кошенова Нұрбике қатысып,  ұшқыр ойлы жазушының, түрмедегі халық зиялыларының тартқан азабын кейіпкерлер арқылы шынайы жүрекке жететін сөздерін нақшына келтіріп, көрермендердің жүрегіне жеткізе білді.

2 номинация «Жайық – жазықсыз жайсаңдар жоқтаушысы» тақырыбында жазушының қоғам қайраткерлері, ұлт зиялылары туралы жазған еңбектері негізінде ойтолғау жазу болатын(эссе).Бұл номинацияға  Бағдаулет Алмагүл қатысып, өзінің жазушы туралы, оның бүкпесіз шындықты жазып, тіліне тиым, қолына кісен салынған сонау азапты жылдарда кеткен есесін қайтару үшін кейінгі жылдары бірталай дүние жазып үлгергенін өз ойтолғауында әсерлі жеткізе білді.  

Мектебіміз оқушылары екі номинациядан да құр қол қайтқан жоқ.

1 номинация бойынша  Мадақтамаға , ал 2 номинация бойынша Алғыс хатқа ие болды. Бұдан басқа ең бағалы сыйлық – Ахмет Байтұрсынов пен Тұманбай Молдағалиевтің шығармалар жинағын сыйлыққа алды.

Оқушыларды байқауға дайындаған: қазақ тілі пәні мұғалімі Утарбаева М.И.