Ыбырай Алтынсарин біздің тәуелсіз Республикамыз жоғары дамыған елдердің санына енуді көздейді.           Ия, Ұлы ағартушы-педагог Ыбырай атамыздың мерейтойы жалғасын табуда, осы орайда мектебіміздің жас маманы тіл-әдебиет пәні мұғалімі Арайлым Серікқызының ұйымдастыруымен 16-қараша күні 5 «А» сынып оқушылары аралығында «Қазақ даласының дара ұстазы» атты әдеби кеш аталынып өткізілді. Алдын ала «Шақыру билеті» дайындалып ұстаздар шақырылған болатын.

  Бұл шараны Арайлым Серікқызы жүргізіп, Алтинсариннің «Сабақ беру кезінен», «Өмір жолынан» бейнежазбалар көрсетілді. Кешіміз  Алимбаева Сабинаның орындауында  «Ұстазға мың алғыс» әнімен басталып,  Нұрәлі Абаев «Балғожа бидің баласына жазған хаты», «Жаз» өлеңдерін Аманбай Ақниет, Алимбаева Сабина, Өмірсерік Балауса; «Ананың сүюі»  өлеңін Шоменова Ботагөз, Қанат Тоғжан; «Әділдік көрмеген үшін төреге айтылған сөз» өлеңін Аюпова Альбина; «Қанағат», «Бір уыс мақта», «Асыл шөп» көріністерін оқушыларымыздың сомдауында тамашаланды. Кешіміздің соңы Аюпова Альбинаның орындауындағы «Ардақты ұстаз»  әнімен аяқталды. Кеш қонақтары: М.Ильясовна, Е.Қалықбайқызы, А.Нұрмағанбетовна, Ж.Қуанышқызы, А.Кенесовна ұстаздарымыз осы кештің өту барысына тоқтала кетіп, ұйымдастырушыларға алғысын білдірді. Оқушыларымызға мектеп директоры А.Болатұлының атынан алғыс хатттар берілді.

    Ыбырайдай асыл бабаның таза, мөлдір, кәусар бұлағынан нәрлене білейік, рухани әлдене білейік. Әрбір ұлы адам адамзатпен бірге жасайтын мәңгі өшпес, ескірмес идеяларды көтереді. Соңдықтан олар арада бірнеше ұрпақтың өткеніне қарамастан әрбір жаңа ұрпақ, жас қауымға алыстан қол созып «Жол болсын!» айтып тұрғандай болады, уақыт өткен сайын биіктей, мән-маңызы мен қадір-қасиеті арта түседі. Мәдениетіміздің тарихында Ыбырай Алтынсарин дәл осындай, үркердей санаулы саңылақтардың бірі болған еді. Өз Отанын шексіз сүйген, оған бүкіл жан-тәнімен қызмет еткен тамаша үлгілерінің бірі болып, Отанын сүйе білу, нағыз елеулі азамат болу, рухани- өнегелі тұлға болу мәселелерін көтеріп отырды. Ол болашақ жастардікі деп, олардың келешегіне сенген ұлы тәрбиеші болғанына көзіміз жетті.«Біз болмасақ — сіз барсыз, сендерге берем батамды,үміт еткен достарым» деп, сенімді үндеу таратқан ұстаздардың ұлы ұстазы бүгінгі жастарға да кеңес береді,тәрбиелейді,ғибрат алғызады.