Қазақстан Республикасы Тәуелсіздігінің 25 жылдығымен қатар еліміздің тұңғыш ағартушы педагогі, қазақ балалар әдебиетінің негізін қалаушы Ы.Алтынсариннің 175 жылдық мерейтойы да аталып өтілуде. Мектеп кітапханасында қарашаның 9-ы күні 4«А» сынып оқушылары аралығында сынып мұғалімі Ермекгүл Қалықбайқызымен бірлесіп «Дала жұлдызы- Ыбырай Алтынсарин» атты іс-шара өткізілді. Кітапхана тарапынан дайындаған тағлымы мол «Шырағын жаққан білімнің» атты көрме мен «Қазақ даласының дара ұстазы» атты бейне көрсетілімдер көрсетілді. «Ұстазым менің» әнімен ашылған бұл шарада оқушылардың қатысуымен Алтынсарин шығармаларынан «Асыл шөп» әңгімесі бойынша көрінісін Амантаева Еркежан мен Серік Гүлдәурен сомдасаа, Ахмет Аяна шығармаларын мәнерлеп оқып, «Әке мен бала» әңгімесін Қайырбекова Надия, «Жаман жолдас» атты әңгімесін Маратова Дильназ мазмұндап айтып берді. Осы кешке қатысқан оқушылар мектеп директоры Арман Болатұлының атынан алғыс хаттармен марапатталды.
Contacts