Анталияда өткен математика пәнінен олимпиадаға барып  4-жүлделі орынға ие болған Мұхтаров Мираспен де әңгіме жүргізіп, сыныптастары құттықтады. Мирас әңгіме барысында өзінің көргенін көптеген ұлттардың болғанын және әзірбайжан оқушысының 7-рет барып 6-рет жүлделі орынға ие болғанын таңданыспен айтты. Болашақта әрі қарай білімімді жетілдіріп тағы барғым келеді  және менің де осындай  Түркия елінде тегін оқу мүмкіндігім бар деп мақтанышпен достарына жеткізді. Ұстазы Ермекгүл апай Алтынсариннің сөзімен: «Оқысаңыз балалар шамнан шырақ жағылар» немесе «Өнер білім бар жұрттар, айшылық алыс жерлерден жылдам хабар алғызған» дей келе оқушысымен мақтанып осы білімнің арқасында тек қана мектебіміздің, қаламыздың ғана емес Қазақстанымыздың атын шығарған Мирасқа өз ризашылығын білдірді. Сыныптастары да Мираспен мақтанамыз, біз де осындай олимпиадаға қатысамыз, біздің де мүмкіндігіміз мол деп өз пікірлерін ортаға салды. Мирасқа кітапханашы "Тарихи тұлғалар" сериясынан кітапты  сыйға тартты. Өскелең ұрпақтың ұлтымыздың бірегей қасиетін, байырғы мәдениеті мен қайталанбас болмысын сақтап қалуда осындай игі шаралар өз нәтижесін берер деген сенімдеміз.