Абай атындағы Қарағанды облыстық балалар кітапханасының ұйымдастыруымен балалар жазушысы Құрманбай Толыбаевтың туғанына 90 жыл толуына орай "Балалар бағының бағбаны" атты телекөпірді Алматы қаласындағы С.Бегалин атындағы Республикалық балалар кітапханасымен бірлесіп өткізген болатын. Осы айтулы шараға біздің мектебімізден 5 "А", 5 "Б" сынып оқушылары қатысып қайтты, сынып жетекшілері Әсемгүл Қайыртайқызы, Зәмзәгүл Нәбиқызы. Шара барысында телекөпірге қатысушы екі қаламыздың оқушылары жазушының өмір жолдарынан көптеген мағлұмат алып, өлеңдері мен жұмбақтарын жасырып, жауаптарын айтты. Сонымен қатар Толыбаевтың ертегілерінің бірі "Жалғыз гүл" атты ертегісін біздің оқушыларымыздың қатысуымен қойылым көрсетті. Рольдерді сомдаған оқушыларымыз: Турдиева Алуа, Мажитова Гузаль, Иманбаева Інжу, Серікбаева Арайлым, Жагыпарова Жанель. Барлық телекөпірге қатысушыларымызға арнап 3-сынып оқушысы Омар Айкүнім "Тәтті" деген әнменен аяқтады. Жетекшісі Абзал Тұрарбекұлы.
Абай атындағы Қарағанды облыстық балалар кітапханасының директоры Жайлыбаева Нұржамал Өтегенқызының атынан телекөпірге белсене қатысқандары үшін Омар Айкүнім,Турдиева Алуа, Мажитова Гузаль, Иманбаева Інжу, Серікбаева Арайлым, Жагыпарова Жанель алғыс хаттармен марапатталды.