31 наурыз күні №15 ЖББОМ мектептің демалыс күндерін мұғалімдер үшін жемісті де пайдалы өткізу мақсатында жасалған жоспар бойынша «Жас мамандар күні» ұйымдастырылды. Мұндай жас мамандармен жұмыс мектеп тарихында алғаш рет ұйымдастырылды.

Жас мамандар әдістемелік қоржындарын толтыру, өзара тәжірибе алмасу мақсатында ашық сабақтар мен сыныптан тыс жұмыстарды ұйымдастыру тәжірибелерімен бөлісті. Жалпы мектепте 15 жас маман жұмыс жасайды.Сол жас мамандардың барлығы әр түрлі танымдық іс шаралар өткізді. Атап өтсек, «Шеберлік сабағы», «Саяхат сабағы», «Білімділік биржасы» т.т. Барлық шаралар топтық технология бойынша өтті. Жас мамандар қысқа мерзім ішінде жинаған тәжірибелерімен бөлісе отырып, қатысқан ұстаздардың ұсыныстары мен кеңестерін алды.

Іс шара мектеп психологының  жас мамандарға кеңес- тренингімен сәтті аяқталды.