Құттықтаймыз мейрамыңмен аталар!

Әр күлгенің бізге бақыт саналар.

Еңбегіңді еш етпейтін өмірде

Елің жұртың  ұл мен қызың бағалар.

Өміріме шуақ шашып әрқашан

Көп жасаңдар аталар мен аналар!

   Даламыздың қазына қарттарын құрметтеу, қашанда төрімізден қарттарымыз кетпеген халықпыз ғой. Жыл сайын аталып өтілетін 1-қазан Халықаралық қарттар мерекесі күні Қарағанды облыстық Н.В.Гоголь атындағы кітапхана филиалында аталарымыз бен апаларымыз, яғни кітапхана өміріне тұрақты белсене араласып жүрген зейнеткерлерімізбен  дөңгелек үстел ұйымдастырылды. 

    Құрметті қонақтарымыз: Қашқынбаев Жанайдар атамыз, Қажыбаева Бәтима, Абенова Манат, Акижанова Макижан және Аубакирова Сауле апайларымыз болды.

    Филиал кітапхана меңгерушісі Айнагүл Хамитқызы және бұл шараға №15 мектеп кітапхана меңгерушісі Айсұлу Қапиятқызы, 8 сынып оқушылары Сейдіғалиева Ботакөз, Бағдәулет Алмагүл белсене атсалысты. Қарттарымыз өздерінің өткен өмір жолдарынан әңгіме айтып, өз пікірлерімен бөлісті. Ботакөз домырамен  Майлықожаның термесін және Қ.Аманжоловтың сөзіне жазылған «Ақсәуле» әнін шырқаса Алмагүл қарттарымызға арнап өлең жолдарын мәнерлеп оқып берді. Әңгіме барысында зейнеткер апаларымыздың үйде бос отырмай өздерінің шығарған кітапшаларын, қолөнер бұйымдарын алып келіп жас ұрпақтарға насихаттады. Қарттарымыз ақ батасын беріп, көңілді тарқасты.