22 қыркүйек күні Қарағанды облыстық Н.В.Гоголь атындағы ғылыми әмбебап кітапханасы «Сен неткен бақытты едің келер ұрпақ» атты дәстүрлі «Ү Қасым оқулары» байқауы өткізілді. «Өзі қалған бір атаның ғасыры, өз халқының аспандағы асылы, сүйетін елін, жұртын, өз заманын, ойлайтын өз үйіндей дүние қамын» өз жерлесіміз өз ағамыз Қасым туралы оның «өлмес өмір өлеңінде де» сұңқар үнді өзіне де зейін сала ілтипатпен тамсана, таң қала қарап сүйінеміз, сүйсінеміз.Қасым ауылына әдейілеп барып, ақын ескерткішіне, №19 мектептегі тарихи-өлкетану мұражайына барып, Қасымның мол мұрасы мен шығармашылығын зерттеу жұмыстарын жүргізген №15 орта мектептің 9-сынып оқушысы Мұхаметрахим Арман да осы байқаудың болатынын естіп өз зерттеу жұмыстарын атаулы кітапханаға апарып көрсеткен болатын. Кітапхана ұжымы үлкен дәстүрлі шараға«Қазақ аспанында Қасым рухы» атты көлемді кітап көрмесін ұйымдастырып, осы көрмеде Арманның да жұмыстары бір бұрышынан орын алды. Сонымен қатар кітапхана директоры Аманжолова Дина Базарбайқызының алғыс хатына ие болды. Қасым оқулары негізінен төрт бөлім бойынша байқау жарияланған болатын. Байқаудың екінші бөлімі бойынша «Ей, тәккаппар дүние маған да бір қарашы» атты Қасымның асқақ жырларын мәнерлеп оқуда мектебімізден 8-сынып оқушысы Бағдәулет Алмагүл ақынның «Күлемін де жылаймын» атты өлеңін өз мәнінде мәнерлеп жақсы өнерімен танытқаны үшін Қарағанды облысының мәдениет басқармасының басшысы Е.М. Ағымбаевтың алғыс хатымен марапатталып және үшінші бөлім бойынша «Қазақтың әні мен өлеңін найзадай көтеріп келемін» атты ән байқауынан Сейдіғалиева Ботакөз 8- сынып оқушысы Қасым Аманжоловтың сөзіне жазылған, әні Ә.Еспаевтікі «Ақ сәулем» әнін орындап ІІІ дәрежелі дипломмен марапатталды.
Байланыс телефондары