Күн тәртібінде басты мәселе – қазіргі мектеп оқушылары мен ата – аналарды толғандырып отырған ҰБТ – ге дайындық, дайындық мақсатында өткізіліп жатқан сынақ – тестілерінің қорытындысы мен нәтижесі болды. Жиынды мектебіміздің ОЖТ бойынша директордың орынбасары Утарбаев М.И. ашты. Мейраш Ильясовна жалпы ҰБТ – дің нәтижелі көрсеткішке ие болу үшін оған мықты дайындық пен үлкен жауапкершілік қажет екенін атап өтті. Биылғы ҰБТ бойынша болып жатқан жаңалықтар мен ескертулерге тоқталып, ата – аналардың бала болашағына жарқын жолдың осы тесті сапалы тапсыруынан басталатынын айтып өтті. Көмекші құралдар тізімімен таныстырып, қажетті нұсқаулар берді. Бұл жиынның ерекшелігі жаңа әдістердің бірі ретінде алдын ала пән мұғалімдерінің өз пәндері бойынша ҰБТ нәтижелері бойынша оқушылардың ұпайлары мен қосымша дайындық сабақтарына қатысу туралы толық дайындығын ұйымдастырып, ата – аналардың жеке кеңес алуын, өз балалары туралы толық мәліметке ие болуға жағдай туғызды.