28.10.14 жылы №15ЖББОМ « 5 сынып оқушыларының бейімделуі және сабақтастық»  тақырыбында шағын педагогикалық кеңес өтті. Педагогикалық кеңес дөңгелек үстел түрінде өтті. Педагогикалық кеңестің негізгі мақсаты: , 5 сыныптардың  орта буынға дұрыс  бейімделуі үшін мұғалімдердің дағдысын қалыптастыру, әдістемелік көмек көрсету. Директордың ОТЖ бойынша меңгерушісі Ишмухаметова Ф.Я топпен жұмыс ұйымдастырды: бір топ ата-аналар атынан  бейімделу барысында туындайтын мәселелерді анықтаса, екінші топ мұғалімдер атынан, үшінші топ оқушылар атынан сөйледі. Талқылау барысында миға шабуыл , түсініктеме карталары бойынша жұмыстар жүргізілді.Мектеп психологы Амантаева С.О  педагогтарды психологиялық диагностиканың қорытындысымен таныстырды. Психологиялық диагностиканың бір элементі ретінде орта буында кездесетін қиындықтар мент жетістіктер туралы видеороликтер көрсетіп, оқушылардың ойымен танысты. Оқушылардың мектепке жан-жақты толық бейімделуі үшін, оқушыларға, ата – аналарға, мұғалімдерге нұсқау берілді. Шағын педагогикалық кеңестің соңында мектеп директоры А.Б. Бақтыбаев топпен жұмыс жасай отырп жүргізілген жұмыстарға қорытынды жасады, 5 сыныптарда сабақ беретін мұғалімдерге өз сабақтарында қазіргі заман талаптарына сай технология  түрлерін қолдануын ұсынды.