№15 ЖББОМ-нде «Соңғы қоңырау» үні сыңғырлады. Биылғы жылы мектепті 44 оқушы бітірді. Бір айта кетерлігі – мектептен биылғы жылы алғаш рет қазақ сыныбынан 15 түлеп ұшты.
Мектеп бітіруші түлектерге Қарағанды қаласының білім бөлімінің маманы А.Е. Қадыр, мектеп директоры С.С. Жаксыбекова сәт сапар тілеп, ақжарма тілектерін ақтарды. Бітіруші түлектер де де өз тілектерін айтып, әннен шашу шашып, бимен әрледі.
«Соңғы қоңырауды» бітіруші түлектер атынан Берікбай Абдол мен Омарханова Сабина, 1-сынып оқушылары атынан Марданов Марғұлан соқты.
Мектеп бітіруші түлектердің ата-аналары да мектеп ұстаздарына алғысын айтып жатты. Мерекелік жиын бітіруші түлектердің концерттік бағдарламасымен жалғасты.
Авторство: