№15 ЖББОМ-нде Тәуелсіздік күніне арналған «Тәуелсіздік – тәу етер жалғыз кием!» атты әде-сазды кеш өтті. Мәңгілік еліміздің тарихынан сыр шерткен кеште, мектеп мұғалімдері Абылай ханның тұсындағы Тәуелсіздікке қол жеткізуге бағытталған көрінісін қойды. Көрініс өте жоғары деңгейде, асқан шығармашылық шеберлікті көрсетті. Бұдан кейін мектеп оқушылары «Желтоқсан көтерілісі» жайлы мазмұнды көріністі көпшіліктің назарына ұсынды. Көрермендердің жанарына жас үйірткен көрініс өте тартымды сахналанды.
Мектеп оқушылары тәуелсіздік жайлы өлеңдер оқып, әндер айтты. Мың бұрала би биледі.
Көрермендердің назарына «Мектеп мұғалімдері мен оқушыларының Тәуелсіздік мерекесіне арналған бейнеқұттықтаулары» ұсынылды.
Кеш мектеп мұғалімдерінен құрылған квартет пен мектеп оқушыларының хоры бірлесе шырқаған «Жаса, Жаса, Қазақстан!» әнімен аяқталды.
Contacts
