Жиналысты ашып берген мектеп директоры С.С. Жаксыбекова Қамқоршылық кеңес мүшелері мен ата-аналарға алғысын білдіріп, мектепке көрсеткен қолдауларына  ризашылығын айтты.

Мектеп мұғалімдері Л.А. Шах пен И.В. Ким ата-аналарға тренинг өткізіп, ата-аналармен бірлескен жұмыстар ұйымдастырды. Бейнеролик арқылы бала тәрбиесіне байланысты фильмдер көрсетіліп, көрермендердің назарына ұсынылды.

Қамқоршылық кеңес төрайымы Маханова Динара Томанқызы Қамқоршылық қеңестің жұмысы бойынша есеп беріп, алдағы уақытқа жоспарланған жұмыстармен таныстырды.

Жиын соңында ата-аналар мектеп әкімшілігіне өздерін толғандырып жүрген сауалдарын қойып, тұщымды жауап алды.

Жиналысқа қатысушы ата-аналар мектеп әкімшілігі мен ұстаздарына шексіз алғыстарын білдіріп жатты.