Барысы:
Ұйымдастыру кезеңі:
Мұғалім.
Аяулы аналар, ардақты арулар мен ұстаздар!!! Көк желекті көктеммен бірге қуаныш сыйлай келетін аяулы аналарымыздың, әпкелеріміздің, қыздарымыздың, сіңілілеріміздің төл мерекесі - 8 наурыз Халықаралық әйелдер мерекесімен құттықтап, ғұмырларыңызға саулық, өмірлеріңізге саулық тілеймін!!!
Ана да күн сияқты, күннің бетін бұлт шалса, дүние бұлыңғыр тартады. Ана ренжісе, үйдің ішін қараңғылық кернейді. Ана жымиса үй ішінен шашырап күн шығып келе жатқан сияқтанады. Ана күлкісі күннің шуағы тәріздес.
Сіздер бір отбасын емес, бүкіл әлемді аялы алақандарыңызбен тербете алатын, адамзат баласының ары, рухы, жігерісіздер. Тәуелсіз Қазақстанымыздағы бейбіт тірлік пен бірліктің, жарқын болашаққа деген сенімнің, ізгілік пен мейірімділіктің ұйытқысы да өздеріңіз.
Әрқашан мына өмірге сән беріп, жылу таратып, мейірім төгіп, шуақ шашып тұрғандарыңыз үшін көп рахмет. Қашанда өздеріңіздің сыйлы, сүйікті қадірлі екендеріңізді, мына дүние сіздерсіз бос екенін ұмытпаңыздар!
Балаларымыздың сіздерге дайындаған «Ана – өмірдің мәні» аттыән-шашумызды қабыл алыңыздар.
1-жүргізуші:
Уа, ағайын, ағайын.
Көктем келді жайнаған.
Бау-бақшада бүгін той.
Қош келдіңіз ағайын.
Раушан гүлдер жайнаңдар.
Гүлдей жайнап тұрыңдар.
Құттықтаймыз сіздерді.
Мерекеңмен бүгінгі.
2- жүргізуші:
Ақ анашым, әппағым.
Өзің жайлы тақпағым.
Арналады сіздерге.
Бар баланың тақпағы.
(Балалардың тақпағы айтылады)
1-оқушы
Бір өзіңнен бастап өмір жолдарын,
Жүрегіңе, жүрегімді жалғадым.
Өзің мына сыйға берген өмірде
Ақ сүтіңді ақтап өту – арманым.
2-оқушы
Ақ сүтіңіз адам қуат алар қандай,
Бүкіл жер бір өзіңмен жаралғандай,
Алыс кетсең сағынышым басылмайды,
Жүрегім құшағыңа қамалғандай.
Ән:Жас дәуірдің түлегіміз
3-оқушы
Ананың әрбір сөзі ой талабы,
Жүректің тереңінде сақталады.
Өсеміз елін сүйген ұландар боп,
Ардақты ана еңбегі ақталады.
4-оқушы
Ерлік, еңбек атқарған,
Еңбегімен мақтанған.
Ел сенімін ақтаған,
Айналайын ақ мамам.
5-оқушы
Ана –өмірдің қуанышы тірегі,
Бала-оның жұбанышы жүрегі.
Ана –алдында ел жауы да бас иген,
Олар дәйім тыныштықты тілеген.
1-жүргізуші:
Жасыл көктем, сен көктем.
Гүлді гүлмен өрнекпен.
Ел бақытты, мейірлі,
Балалары әндеткен.
Төрлет көктем жоғары.
Көктем кіреді. (сөзі)
Көктем:
Қыс кетіп, көктем келді.
Құстар келе бастады.
Жан-жануарлар, жәндіктер ұйқысынан оянды.
Көктемде тіршілік қайтадан жаңарады.
2-жүргізуші:Біздің балалардың өнерін тамашалаңыз, бірге көңіл көтеріңіз
1-жүргізуші:
Ұйықтап жатқан жүректі ән оятар,
Әннің сөзі болмаса, мәні оятар,-дегендей кезекті әсем әнге берейік.
Ән:Ана
6-оқушы
Ана – десем, алғыс алам халқымнан,
Ана –десем, теңіз болам шалқыған.
Ана –десем, ашылады қабағым,
Ана – десем әділдікті ұғамын!
7-оқушы
Адам бар ма ана сүтін татпаған,
Алуан-алуан ауыр сынды аттаған.
Адалдықты ар-намысты сақтаған,
Мен –анамның сонысына мақтанам.
8-оқушы
Әлпештеп баласын,
Ана –бақыт, ана –күн.
Әркім сүйіп анасын,
Мақтан етер анасын.
2-жүргізуші:
Думандатып, әндетпей,
Тойдан текке қайтпаған.
Өнерлерін ұлдардың,
Тамашалап көрейік.
Би:Қара жорға
9-оқушы
Анашым, сүйенішім, жұбанышым,
Өмірдегі басты менің қуанышым.
Сенсізменбұлөміргесиярмаедім,
Шарласамдакеңәлемніңтаументасын
10-оқушы
ШексізСізгеалғысым, анажаным,
Қымбатмағансеніңыстықалақаның.
Алғысазғойөзіңдейасылжанға,
Арналадытекөзіңеәрбірәнім.
1-жүргізуші:
Ана – біздің әніміз,
Ана –біздің мәніміз.
Мейірімді шуақты,
Тірліктегі сәніміз .
Сахналық қойылым: Шалқан ертегісі
11-оқушы
Ана –көркі көгімнің
Ана – нұры жерімнің.
Ана –бағы баланың,
Мақтанышы елімнің.
12-оқушы
Өмірге бізді әкелген,
Осы күнге жеткізген.
Түн ұйқысын төрт бөліп,
Әлемді ана тербеткен.
13-оқушы
Әр сөзіңді жаттағам,
Жүрегімде сақтағам.
Анашым деп мақтағам,
Айналайын ақ мамам!
2-жүргізуші:
Мейіріміңнен айналайын анажаным,
Деп жырлайды бүгінгі менің әнім.
Айта бергім келеді мейіріміңді,
Таусылғанша күш- қуатым, бойдан әлім.
Ән:Бақытыңды аяла.
1-жүргізуші:
Мың бүралған қыдардың
Өнерін біз көрейік.
Қол соғып, арқашан
Демеулік берейік.
Би:Қыздар тобы
2-жүргізуші:
Сенің анаң асыл адам,
Сондықтан сен мақтан балам.
Ана сүтін ақтау үшін,
Алға ұмтыл қыз бен балам.
1-жүргізуші:
Аналарды құрметтейік,
Ана сүтін емген балам.
Адалдықты қолдаймыз деп
Ант береді қыз бен балаң.
2-жүргізуші:
Ал, қане балалар орнымыздан тұрайық.
Аялы да, алтын нұрлы анашым.
Жүрегіммен мәңгі бірге боласың
Сен асқарсың, сен аспансың биіксің.
Сен дархансың, сен жомартсың, данасың- деп бүгінгі шағын ғана мерекелік ертеңгілігімізді аяқтаймыз.
Қорытынды:
Міне, 8 Наурыз – халықаралық әйелдер мерекесі де келіп жетті.
- Ең күшті нәрсе не? – десе,
- Әйелдің әмірі! – дер едік.
Әйелдердің барлығын
Жердегі Тәңірі! – дер едік.
Адамзатты жарататын - әйел, ұлтын көбейтетін - әйел, ұрпақты ұластыратын - әйел, еркекті Ер ететін - әйел. Бір сөзбен айтқанда, дүниенің тірегі -әйел. Махаббаттың асыл нұры - әйел. Өмір деген алтын сарай есігінің күміс кілті - әйел махаббаты.
Әлемде нәрестеге өмір сыйлап, оны алғашқы қадам басуға үйрететін қасиеттеріңізге тең келер нәрсе жоқ. Сіздердің төзімділіктеріңіз бен махаббаттарыңызға алғысымыз шексіз! Сіздерге сәттілік пен шаттық көңіл серік болсын, ер азаматтардың сыйластығы мен құрметіне бөлене беріңіздер.
Көктемгі мерекелеріңізбен құттықтай отырып, әрдайым әдемі, жылы жүректі аналық абыройлы атақтарыңыз биіктей берсін. Зор денсаулық, мәңгі жастық пен сұлулық тілеймін!
Отбастарыңыз аман болсын. Жүздеріңізден күлкі кетпесін. Келіп тамашалағандарыңызға көп-көп рахмет. Балаларыңыздың сіздерге дайындаған сыйлықтары бар, соны қабыл алыңыздар.
Байланыс телефондары
