Балалардың демалысын, сауықтыруын ұйымдастыру және олардың бос уақыттарын қамтамасыз ету мақсатында Қарағанды қаласының білім ұйымдарында мектепішілік және бейінді лагерьлер өз жұмыстарын жалғастыруда. 2012 жылғы 2 шілдеден бастап жазғы  мектепішілік лагерьлердің үшінші ауысымы басталды. Қазіргі уақытта лагерьлерге 3000 астам бала  барып жүр. Мектепішілік лагерьлердің бағдарламасына шығармашылық конкурстардың, ойындардың, викториналардың, спортттық сайыстардың өткізілуі және қала ішінде экскурсиялар енгізілген. Өткен екі ауысым ішінде демалыс барысында балалар экскурсиямен Астана қаласына, театрлар мен қалалық хайуанаттар бағына қызыға барды  және түрлі іс-шараларға қатысты. Балалар арасындағы жол жарақаттануын алдын алу бойынша балалар мен жеткіншектер Сарайында өткізілген «Мейріміді бағдаршам» атты ойын бағдарламасына      № 3,92 және 93 гимназияларінен мектепішілік лагерьлерден балалар белсене қатысты. Сонымен қатар, қалалық білім бөлімі мектепішілік лагерьлерге барып жүрген балалар үшін ағымдағы жылдың 25 маусымынан бастап «Сарыжайлау» кинотеатрында «Батыл жүрек» мультфильмін көруді  ұйымдастырды.

Қарағанды қаласы білім бөлімінің бастамасымен 2012 жылғы 26 маусымда  Халықаралық нашақорлықпен күресу күні аясында мектепішілік және бейінді лагерьлерде есірткіге қарсы әртүрлі акциялар өтуде.  Аталған акциялар балалар мен жасөспірімдер арасында салауатты өмір салтын насихаттау, оларды спорт пен шығармашылыққа тарту, сонымен қатар өскелең ұрпақтың арасында жағымсыз әдеттердің алдын алу мақсатында ұйымдастырылды. Акциялар аясында мектепішілік лагерьлерде демалып жатқан балалар үшін спорттық сайыстар, би бағдарламалары, суреттер конкурстары және түрлі ойындар ұйымдастырылды. Аталған іс-шараларға 1000 жуық балалар қатысуда.

Қарағанды қаласы әкімдіктің конференц-залында 2012 жылғы 19 маусымда қала әкімі Б.Т. Әбдішев білім ұйымдарының түлектеріне «Алтын белгі» жалпы орта білім туралы аттестатын салтанатты табыс етті. Аяқталған оқу жылында ұлттық бірыңғай тестілеуді 65 білім ұйымынан 1861 түлек тапсырды. ҰБТ қорытындысы бойынша «Алтын белгі» жалпы орта білім туралы аттестатына 79 үміткерлердің  38 өз білімдерін растады, соның нәтижесінде «Алтын белгі» аттестатына үміткерлердің өз білімдерін растау пайызы бойынша Қарағанды қаласы облысымызда 1 орынға және республика көлемінде жетекші орындардың біріне ие болды. Қарағанды облысында ҰБТ-де «Алтын белгі» аттестатын иеленуге өздерінің білімдерін растаған қарағандылық мектептердің түлектері жоғары баллдарды алды: облыс бойынша ең жоғары балл - 124 балл - Жармұхаметова Әйгерім (№93 гимназия), 123 балл - Дос Бақытжан (№57 мектеп-лицей), 122 балл - Аймақ Аружан (№38 гимназия) және Оспанова Әлия (№45 гимназия). Жалпы 100 және одан астам баллдарды  қала  мектептерінің  243 түлегі  алды. Қала әкімі Б.Т. Әбдішев түлектерді құттықтап, оларға аттестаттарды және естелік сыйлықтар  табыс етті. Қала мектептерінің түлектері өз сөздерінде қала әкімі Б.Т. Әбдішевке және өздерінің  мұғалімдеріне алғыстарын  білдіріп, болашақ жоспарларымен бөлісті.

Қарағанды қаласының балалар мен жеткіншектер Сарайының 70-жылдығын мерекелеу аясында 2012 жылғы 13 маусымда облыстық бейнелеу өнері мұражайында «Шығармашылықтың сиқырлы әлемі» атты балалар мен жасөспірімдер шығармашылығы  көрмесінің салтанатты ашылуы өткізілді. Көрме өскелең ұрпақтың шығармашылық қабілеттерін дамыту, дарынды балаларды қолдау және балалар мен ата-аналарды шығармашылыққа, өнерге тарту мақсатында ұйымдастырылды. Көрмеге балалар мен жеткіншектер Сарайының, оның ішінде  «Творчество» сәндік-қолданбалы өнердің үлгілі студиясы, «Ала гүлдер» бейнестудиясы, «Лель» дизайн мектебі, «Имидж» шаштараз өнері мектебі, отбасылық оқу-танымдық кешені және «Алтын маржан»  үйірмесі  тәрбиенушілерінің 500 астам жұмыстары ұсынылды. Көрменің ашылу салтанатына 600 астам адам қатысты, олардың ішіндебалалар, ата-аналар қауымдастығының  және педагогикалық ұжымдардың өкілдері. Көрме ағымдығы жылдың 19 маусымына дейін жалғасады.

Қарағанды қаласы білім бөлімінің бастамасымен 2012 жылғы 08 маусымда облыстық экология мұражайында «Экологиялық плакат» атты қалалық конкурс-көрмені қорытындылау іс-шарасы өткізілді. Конкурс өскелең ұрпаққа  экологиялық тәрбие беру, балалардың  экологиялық мәдениеттерін және қоршаған ортаға жауапты қарауларын қалыптастыру мақсатында ұйымдастырылды. Конкурсқа 45 білім ұйымдарының оқушылары дайындаған 100 астам экологиялық плакаттар ұсынылды. Конкурстың қорытындысы екі жас категориясында: 5-8 сыныптар, 9-11 сыныптар арасында  үш  бағыт бойынша анықталды. Жүлделі орындарға ие болғандар: 1орын - Блялова М., Мұхаммеджанова А. (№68 орта мектеп), Хаджибаев А. (№2 лицей), Марсал А. (№1 гимназия), Луценко Е., Темірғалиева Ж. (№38 гимназия), Царегородцева Я. (№17 орта мектеп), Филиппова А. (№45 гимназия);                      2 орын - Городецкий В. (№88 орта мектеп), Шонтаева Л., Әлкеева А. (№30 орта мектеп), Ахатов Н. (№27 орта мектеп), Попова Я. (№38 гимназия), Арбатаева К. (№40 негізгі мектеп), Мариниченко К. (№17 орта мектеп); 3 орын - Лупп М. (№93 гимназия), Стукалова Д. (№66 орта мектеп), Романов Г. (№53 мектеп-лицей), Поплавский А. (№46 орта мектеп), Сапарова С. (№4 мектеп-интернат), Шедь А. (№35 орта мектеп).    

Қарағанды қаласының білім бөлімі «Біз Қазақстан балаларымыз! Біз жаңа әлемде өмір сүреміз!» атты жалпықазақстандық акция аясында 2012 жылғы 01 маусымда Орталық мәдениет және демалыс саябағында Халықаралық балаларды қорғау күніне арналған «Балалық шақ-бақытты шақ» балалар шығармашылығының  қалалық фестивалін өткізді. Фестиваль өскелең ұрпақтың шығармашылық қабілеттері мен бастамаларын қолдау және дамыту, балалардың құқықтарын қорғау, балалар мен ата-аналар үшін мерекелік атмосфераны жасау мақсатында ұйымдастырылды. Фестивальға қалалық білім бөлімінің мамандары, білім ұйымдарының мұғалімдері және шығармашылық ұжымдар, балалар және ата-аналар қатысты. Фестиваль барысында №2 өнер мектебінің оқушылары вокалды және хореографиялық нөмірлерді  ұсынды және сыйлықтарды табыс етумен балалар суреттерінің конкурсы өткізілді. Сонымен қатар, барлық қатысушыларға фестивальдің демеушісі - «Aiza» ЖШС «тәтті» сыйлықтарын табыс етті. 

  Қарағанды қаласының білім бөлімі 2012 жылғы 28-29 мамырда қаладағы мектепке дейінгі ұйымдар арасында «Біз бақытты ұланбыз!» атты қалалық көркем өнерпаздық конкурс өткізді. Конкурс балалардың шығармашылық қабілеттерін дамыту, өскелең ұрпақты эстетикалық тәрбиелеу, сонымен қатар қаладағы білім ұйымдары арасында тәжірибе алмасуды қамтамасыз ету мақсатында ұйымдастырылды.   Конкурсқа қатысқан 47 мектепке дейінгі ұйымдар мен шағын-орталықтардан жүлделі орындарға келесі балабақшалардың ұжымдары ие болды: «Алтын сақа», «Алмагүл» (Гран-при); «Айсұлу», «Аяла», «Ақниет», «Алданыш», «Мөлдір» (1 орын); «Аққу», «Айгөлек», «Ертегі», «Балақай», «Алтынай», «Алпамыс», «Ақбота», «Қарлығаш», «Толағай», №8, №68 мектептердің шағын-орталықтары (2 орын); «Балауса», «Жұлдыз», «Айналайын»,  «Қуаныш», «Ақбөпе», «Мерей», «Еркетай», «Балапан», «Балдырған», «Нәзік», «Арман», «Балбөбек», №33, №36 мектептердің шағын-орталықтары (3 орын). Конкурс қорытындысы бойынша жеке номинацияларда жеңімпаздар атанды. Қатысушылар мен жеңімпаздар Қарағанды қаласы білім бөлімінің грамотасымен және сыйлықтармен марапатталды.       

  Балалар мен жеткіншектер Сарайында 2012 жылғы 23 мамырда  «Жыл оқушысы - 2012»  бірінші қалалық конкурстың финалы өткізілді. Байқау үш жас топтарында үш тур бойынша өткізілді: I тур (сырттай) - оқушылардың жетістік Портфолиосын жинақтау және сараптау. Осы турға 170 оқушы қатысты. Екінші турға ең көп балл  жинаған 83 оқушы өтті. II тур - қатысушылар шығармашылық, жобалық және зерттеушілік жұмыстарды   ұсынды. III тур - Қарағанды қаласы білім бөлімінің сайтыда  өткен оn-line-дауыс беру. Оn-line-дауыс беру арқылы әр адам финалға өткен конкурсқа қатысушыларға даусты беруге мүмкіндік алды. Дауыс беру финалға өткен оқушылардың достары мен сыныптартары арасында қаншалықты белгілі екендіктерін көрсетті.  3 турдың қорытындысы  және интернет  арқылы  дауыс берудың  нәтижесі бойынша финалға 6-11 сыныптардың 34 оқушысы  өтті. 11 сыныптар арасында «Жыл оқушысы -2012» атағына №92 гимназияның оқушысы Жанатай Нұрлан  және  №95  гимназияның  оқушысы Сероухова Диана  ие болды. 7-9 сыныптар арасында «Жыл оқушысы-2012»: Сидорова Александра (6 сынып, №63 орта мектеп); Олифиренко Валентина (7 сынып, №3 гимназия); Сёмкин Александр (8 сынып, №9 гимназия), Килимбаева Әсемгүл (9 сынып, №39 гимназия), Стешкова Алина (10 сынып, №97 гимназия) болып танылды.  Финалған қатысқандардың барлығына сыйлықтар мен дипломдар: 1-ші дәрижелі диплом- №25 орта мектебінің,  № 1, 93, 39 гимназиялардың, № 101 мектеп-лицейдің (2 диплом) оқушыларына; 2-ші дәрижелі диплом-№ 3, 92, 93, 97 гимназиялардың, № 5, 85, 63, 36, 97, 81, 48, 17, 76  орта мектептердің оқушыларына; 3-ші дәрижелі диплом -  № 45, 39, 93 гимназиялардың,  83, 43, 82, 32 орта мектептердің,  № 101 мектеп-лицейдің оқушыларына  берілді.

2012 жылғы 24 мамырда Орталық мәдениет және демалыс саябағында Соңғы қоңырау мерекесіне арналған  жыл сайынғы  қалалық  салтанатты іс-шара өткізілді. Мереке 2011-2012 оқу жылының жалпы  қорытындыларын жасау, үздік түлектерді құттықтау, түлектердің өз Отаны үшін мақтаныш сезімдерін тәрбиелеу және болашақта елдің одан әрі дамуына  үлес қосу талпыныстарын қалыптастыру, сонымен қатар түлектер мен ата-аналар үшін мерекелік атмосфераны жасау мақсатында ұйымдастырылды. Мерекелік іс-шараға Қарағанды қаласының әкімі Б.Т. Әбдішев,  қалалық білім бөлімінің басшылығы және мамандары, мектеп түлектері, мұғалімдер, ата-аналар қатысты. Мерекелік іс-шара барысында құттықтау сөз Қарағанды қаласының әкімі Б.Т. Әбдішевке, ардагер ұстаз Б.Б. Кистафинаға, ата-аналар  қоғамдастығының өкілі  Р.Р. Зиязитдиноваға берілді. Ұстаздар қауымына алғыс сөзімен барлық түлектердің атынан №92 гимназияның түлегі, «Жыл оқушысы-2012» атағының иегері Жанатай Нұрлан сөйледі. Қалалық білім бөлімі атынан сыйлықтармен 150 астам түлектер, олардың ішінде  қалалық, облыстық, республикалық, халықаралық деңгейлерде өткен пәндік олимпиадалардың, турнирлердің; шығармашылық байқаулар мен фестивальдардың; спорттық  сайыстардың жеңімпаздары марапатталды.   Іс-шараның нағыз мерекелік көңіл-күйін жасауға балалар мен жеткіншектер Сарайының «Ритмы», «Волшебная страна» ансамбльдерінің, «Бөзторғай» вокалды тобының  музыкалық тартулары  және  басқа  музыкалық нөмірлер үлес қосты.

  Қарағанды қаласының әкімдігі мен білім бөлімінің бастамасымен 2012 жылғы 17 мамырда №101 мектеп-лицейінде «Қарағанды қаласында 2012 жылы ұлттық  бірыңғай тестілеуді өткізу және ұйымдастыру» тақырыбында интернет-конференция өткізілді.   Іс-шара 2012 жылы ұлттық бірыңғай тестілеуді өткізу ережесін түсіндіру мақсатында  ұйымдастырылды. Конференцияға Қарағанды қаласы  білім  бөлімінің басшылығы  мен мамандары,  Қарағанды облысының  білім саласындағы  бақылау жөніндегі Департаментінің өкілдері,  Қарағанды техникалық университеті жанындағы №723 ҰБТ өткізу пунктінің жетекшісі, сонымен қатар қаладағы білім ұйымдарының  түлектері мен ұстаздары, ата-аналар  қатысты. Конференцияда ҰБТ өткізу бойынша білім ұйымдарының және тестілеу пункттердің  дайындықтары жөнінде мамандардың  ақпараттары  тыңдалып,  2012 жылдағы  ҰБТ ерекшіліктері  және  оқушылардың ҰБТ тәртіптерінің ережелері түсіндірілді. Сонымен қатар, іс-шара барысында оқушылар мен ата-аналар өз сұрақтарына жауаптарын алды. 

  Қарағанды қаласының әкімдігі қалалық білім бөлімімен және «Шахтер» КМҚК  бірлесіп 2012 жылғы 15 мамырда Халықаралық отбасы күніне арналған  отбасылық командалардың қатысуымен «Біз бірге - мықты отбасымыз» атты салтанатты іс-шара  өткізді.   Іс-шара отбасылық-адамгершілік құндылықтарды насихаттау, қоғамда отбасының рөлін арттыру, сонымен қатар балаларды және ата-аналарды салауатты өмір  салтына тарту мақсатында ұйымдастырылған.  Мереке барысында отбасылық командалар бірнеше спорттық және интеллектуалдық конкурстарда сайысып, қорытынды бойынша екінші жүлделі орынға №23 орта мектебінің өкілдері - Жұмабековтер отбасы ие болды. Жеңімпаздарға қала әкімдігі атынан грамота, медальдар және сыйлықтар табыс етілді.

  Қарағанды қаласының білім бөлімі төтенше жағдайлар жөніндегі қалалық басқармамен бірлесіп 2012 жылғы 11 мамырда Орталық саябақта «Жас құтқарушы» атты ашық  қалалық олимпиада өткізді.   Олимпиада өскелең ұрпақтың төтенше жағдайларда дұрыс тәртіптің икемдерін тәрбиелеу, оқушылардың өздерінің қауіпсіздігіне және айналадағы адамдардың  қауіпсіздігіне  жауапты қарауды  қалыптастыру, сонымен қатар жас құтқарушылар командаларының қозғалысын  белсендіру  мақсатында ұйымдастырылған. Олимпиаданың алдын ала теориялық кезеңінен өткен білім ұйымдардың 20 командалары сайысқа қатысты. Оқушылар өз білімдерін және іскерліктерін өрт сөндіру жабдықтарын жазу, жеке қорғану құралдарын кию бойынша нормативтерді орындау, зардап шеккенге дәрігерге дейінгі көмек көрсету  және  басқа  бірнеше тапсырмаларды орындау  барысында  көрсетті. Сайыстың  қорытындысы бойынша жүлделі орындарға келесі командалар ие болды: №32 орта мектеп (1 орын), №77 мектеп-балабақша кешені (2 орын), №101 мектеп-лицей (3 орын). Бірнеше номинацияларда №50, 36, 44 мектептердің, №4 мектеп-интернаттың командалары және басқалар жүлдегер болып атанған. Сонымен қатар, жеңімпаздарға, жүлдергерлерге және олимпиаданың барлық қатысушыларына сыйлықтар табыс етілді.