2014 жылғы 30 қазанда Алматы, Шығыс-Қазақстан, Қарағанды және Павлодар облыстарының аймақ аралық ынтымақтастығы бойынша 2013-2015 жылдарға арналған ісшаралар Жоспарын орындау аясында білім бөлімінің қызметкерлері білім жүйесін дамыту мәселелері бойынша тәжірибе алмасу мақсатында Павлодар қаласына барып келді. Жұмыс барысында №16 мекетепке, балалар техникалық мектебіне барды, № 96 ясли-балақшасының «Радуга» үйлесімділік дамыту орталығының, №25 мектептің рухани-адамгершілік тәрбиелеуді ұйымдастырудың, гимназиялық сыныптармен №39 неміс лингвистикалық мектебінің жұмыс тәжірибесі ұсынылды. «Ертіс дарыны» аймақтық ғылыми-тәжірибелік орталықтың дарынды балалармен жұмыс тәжірибесінің презентациясы үлкен қызығушылыққа ие болды.  Күн соңында білім бөлімінде дөңгелек үстел өтті, онда білім бөлімінің басшысы З.К.Мукашева «Образование в цифрах и фактах» атты Палодар қаласының білім жүйесін ұсынды, сектор меңгерушілерімен диалогтік әңгіме, мұғалім мәртебесін көтеру, электронды оқытуды, инновациялық және эксперименталдық жұмысты дамыту мәселелері бойынша ой алмасулар өтті.  Қарағандыдан делегацияның келуі 30 қазанда «Қазақстан-Павлодар» және «Ирбис» телеарналарында  кешкі жаналықтарда жарияланды, онда, сұхбат кезінде  Қарағанды қаласы білім бөлімінің басшысы Д.Ш.Жекебаев Қарағанды және Павлодар қалалары арасындағы ынтымақтастық бұрыннан келе жатқан дәстүр екенін және алдағы уақытта жалғасатынын атап өтті.

Дәстүр бойынша олимпиада КММ «№ 2 лицейінде» өтті. Мұнда Қарағанды қаласының 32 білім мекемесінен 159 11 сынып оқушылары қатысты. I айналымда оқушыларға 4 пәнге – математика, физика, биология, химия 80 тесттік тапсырма ұсынылды. II айналымда жоғарыда аталған төрт пәнге 15 практикалық тапсырма берілді. Олимпиада тапсырмаларын орындауға 5 астрономиялық сағат берелді. Олимпиада нәтижелерімен мұнда танасуға болады.

Білім қызметкерлерінің кәсіби мерекесі қарсаңында К. Станиславский атындағы Қарағанды облыстық орыс драма театрында агымдағы жылдың 2 қазанында Мұғалімдер күніне арналған салтанатты ісшара өткізілді.  Мерекеге орай қаланың мұғалімдер қауымын Қарағанды қаласының әкімі Н.Е. Әубәкіров, қалалық мәслихат хатшысы Қ.Н. Оспанов құттықтап, білім беру ұйымдарының басшыларын, қала мұғалімдерін және педагогикалық еңбек ардагерлерін Құрмет грамоталарымен, алғыс хаттармен және дипломдармен марапаттады. Ісшара барысында кәсіби мереке құрметіне және Қарағанды қаласының 80 жылдығына орай білім саласының ардагерлеріне қала әкімі Н.Е. Әубәкіров естелік мерейтой медальдарын табыс етті.  Балалар мен жеткіншектер Сарайының «Искорка» үлгілі би ансамблінің мүшелері (көркем жетекшісі Севостьянова Г.А.) орындаған театрландырылған көрініс, сонымен қатар қаланың жас педагогтарының үгіт қойылымы мерекенің ең көрікті номерлеріне айналды.  Мерекеде өздерінің сазды құттықтауларымен К. Байжанов атындағы концерттік бірлестіктің солистері, балалар мен жеткіншектер Сарайының «Бозторғай» вокал студиясы, сонымен қатар Тәттімбет атындағы колледждің «Кең дала» хор ұжымы бөлісті. Қарағанды қаласының білім бөлімі қала педагогтарын кәсіби мерекемен құттықтайды және зор денсаулық пен шығармашылық табыс тілейді! 

2014 жылғы 13 қыркүйекте отбасы Күні қарсаңында «Ғасыр» базары аумағында Қызыл Ай Қоғамының Қарағанды облыстық филиалы, «Мир добра» ҚБ, «Право на жизнь» ҚҚ Қарағанды қаласы білім бөлімінің қолдауымен республикалық «Отбасыны қолдау апталығы» және «Мектепке жол» жыл сайынғы жалпы республикалық акциясы аясында қайырымдылық ісшара өткізді. Ісшара барысында Қызыл Ай Қоғамының волонтерлері «Өзін-өзі басқару отбасыдан басталады» тақырыбында флеш-моб көрсетті және жеткіншектер мен ата-аналарға психологиялық-педагогикалық және басқа да ақпараттық көмек көрсету бойынша көшпелі кеңес беру пунктінің жұмысы ұйымдастырылды. Сонымен қатар, ісшара ұйымдастырушыларымен 20 балаға кеңсе жабдықтары табыс етілді және 100 астам балаға күзгі киім таратылды.

4-5 қыркүйек күндері Шығыс Қазақстан облысының Абай ауданында Қазақстан Республикасының жалпы білім беретін оқу орындарының оқушылары арасында ХҮ республикалық Абай оқулары өтті. Республикалық Абай оқуларына Қазақстанның 19 облысынан 64 оқушы қатысып, бақ сынасты. Қарағанды қаласының №61 орта мектебінің 10 сынып оқушысы Орныхан Айнұр «Өлең- сөздің патшасы, сөз сарасы» Абай, Шәкәрім шығармаларын жатқа оқу номинациясы бойынша 300 өлеңді жатқа оқып, жүлделі 3 орынға ие болды. Ұйымдастыру комитетінің дайындаған мәдени танымдық бағдарламасы бойынша қатысушылар биологиялық орталыққа саяхат жасап, Абай, Мұқтар Әуезов мұражайымен танысты. Абай ескерткішіне гүл шоқтарын қойды.

Балалар мен жеткіншектердің арасында салауатты өмір салтын насихаттау, оқушыларды спортқа және бос уақытты белсенді өткізуге тарту мақсатында «Денсаулық фестивалі - 2014» атты республикалық акция аясында қаланың білім беру ұйымдарында «Белсенді ұзақ өмір - жүз жасты тойлауға кепіл!» ұранымен жаппай спорттық ісшаралар ұйымдастырылды. Акция қарсаңында мектептерде «денсаулық бұрыштары», тақырыптық стендтер дайындалып, сынып сағаттары, ойын викториналар және түрлі байқаулар өткізілді. Сонымен қатар, мектептердің спорт алаңдарында және корттарда спорт түрлерінен сайыстар, көңілді старттар, ойын викториналар мен кросстар өткізілді. Аталған ісшараларға ата-аналар қауымдастығының өкілдері де белсенді түрде қатысты

Қаланың білім беру ұйымдарында 2014 жылғы 1 қыркүйекте жаңа 2014-2015 оқу жылының басталуына арналған салтанатты жиындар өткізілді.  Салтанатты жиындарға оқушылар, педагогтар, ата-аналар, сонымен қатар арнайы шақырылған қонақтар, олардың ішінде қала және облыс басшылығы, әкімдіктер мен мемлекеттік мекемелердің өкілдері, ардагер ұстаздар, қалалық білім бөлімінің мамандары қатысты.  Білім күнімен және жаңа оқу жылының басталуымен №3 гимназияның оқушыларын және педагогтарын Қарағанды қаласының әкімі Н.Е. Әубәкіров құттықтады. Салтанатты ісшара соңында қала әкімі Н.Е. Әубәкіров мектеп мұражайын және оқу кабинеттерін аралап, гимназияға сыйлық ретінде интерактивті тақтаны табыс етті.  Жалпы жаңа оқу жылында мектеп табалдырығын алғашқы рет 6,5 мыңнан астам бірінші сынып оқушылары аттады. Ал қала бойынша оқушылардың жалпы саны 57 мыңнан аса оқушыны құрайды. Қарағанды қаласының білім бөлімі қала мектептерінің оқушылары мен педагогтарын жаңа оқу жылымен құттықтай отырып, жаңа жетістіктер мен табыс тілейді!

Қарағанды қаласының білім бөлімі 2014 жылғы 29 тамызда №57 мектеп-лицейінде ағымдағы жылдың 01 тамыздан бастап 30 қыркүйекке дейін өткізіліп жатқан «Мектепке жол» атты жалпы республикалық акциясы аясында қайырымдылық ісшарасын өткізді. Акция аясынада көптеген демеушілер әлеуметтік қорғалмаған отбасыларынан шыққан 1300 астам балаға кеңсе жабдықтары, мектеп және спорттық формалар түрінде көмек көрсетті. Қайрымдылық ісшара барысында жаңа оқу жылына 70 балаға сыйлықтар табыс етілді. Демеушілер ретінде ісшараға «Еуразиялық банкі» АҚ, «Сбербанк» АҚ өкілдері, Лямина Е.А. және Койшигарина Б.Б. жеке кәсіпкерлер, сонымен қатар №15 орта мектептің Қамқоршылық кеңесінің мүшелері қатысты. «Мектепке жол» акциясы аясындағы мектеп жасындағы балаларды білім ұйымдарында оқумен қамту бойынша және оларға әлеуметтік қолдау көрсету жөніндегі ісшаралар жалғасуда.

Қарағанды қаласының әкімдігінде 2014 жылғы 27 тамызда Қарағанды қаласының әкімі Н.Е. Әубәкіровтің қатысуымен педагог қызметкерлерінің дәстүрлі тамыз кеңесі өткізілді. Ағымдағы жылы «Білім берудің инновациялық стратегиясы мемлекеттің, қоғамның және жеке тұлғаның тұрақты даму факторы» тақырыбына арналған кеңесі барысында Елбасы Н.Ә. Назарбаевтың Қазақстан халқына биылғы  «Қазақстан жолы - 2050:  бір мақсат, бір мүдде, бір болашақ» Жолдауында педагогтар қауымдастығы алдына қойған маңызды міндеттерді іске асыру жөнінде мәселелер талқыланды. Сонымен бірге, оқушылардың функционалды сауаттылығын дамыту арқылы оқытудың сапасын одан әрі жоғарлату, инклюзивті білім беруді дамыту, оқушыларды қосымша біліммен қамтамсыз ету, мектептердің материалды-техникалық базаларын жетілдіру мәселелеріне қала педагогтары ерекше назар аударды. Мәжіліс жұмысына білім беру саласындағы бақылау жөніндегі Департаментінің, облыстық білім Басқармасының, қала аудандары білім беру қызметкерлерінің кәсіподақ төрағалары, білім саласының ардагерлері, білім ұйымдарының басшылары мен педагогтары, ата-аналар қауымдастығының өкілдері және арнайы шақырылған қонақтар, оның ішінде педагогикалық шеберлік Орталығының (Астана қ.), ЮНЕСКО клубтарының Қазақстандық Ұлттық Федерациясының (Алматы қ.) өкілдері қатысты.  Сонымен қатар, кеңеске қатысқан педагогтар «Экспо-2017» Халықаралық көрмесін қолдауға арналған оқушылар жобаларының қалалық көрмесімен танысты. Мәжіліс қорытындысы бойынша жаңа 2014-2015 оқу жылының маңызды міндеттері анықталды.       

Қарағанды қаласы білім бөлімінің бастамасымен 2014 жылдың 14 тамызында №27 орта мектепте жыл сайынғы жалпы республикалық «Мектепке жол» атты акцияға арналған қайырымдылық ісшара өткізілді. Жаңа оқу жылына дайындық барысында балаларға әлеуметтік көмек көрсетуге бағытталған бұл акция 1 тамызда басталып, биылғы жылы «Балаға мейірім сыйла!» ұранымен ұйымдастырылуда. Ісшара барысында демеушілерден: қалалық мәслихаттың депутаты Ж.А. Мұхтаров, «БТА Банк» АҚ, «Тұрғын үй жинақ құрылыс Банкі» АҚ бөлімшелерінің өкілдері, жеке кәсіпкерлер Б.Р. Жиенбекова және Р. Кұралов, сонымен қатар, ата-аналар қауымдастығы өкілдері атынан әлеуметтік көмекке мұқтаж 20 балаға мектеп және спорттық формасы, жазу құралдары табыс етілді. «Мектепке жол» акциясы ағымдағы жылдың 30 қыркүйегіне дейін жалғасады.

Қарағанды қаласы білім бөлімімен оқушыларды сауықтыру, балалардың арасында салауатты өмір салтын насихаттау мақсатында 2014 жылғы жаз маусымында Бұқар-Жырау ауданының Асыл кентінде орналасқан №2 өнер мектебінің «Салют» балалар сауықтыру орталығында оқушылардың демалысын ұйымдастыру бойынша белсенді жұмыс атқарылды.  «Салют» орталығында балалардың жазғы демалысы ағымдағы жылдың 04 маусымында басталып, 14 тамызында аяқталды. Орталықта 2014 жылғы жаз бойы 5 ауысым ұйымдастырылып, 1800-ден астам бала қамтылды. «Салют» орталығында балаларға қызықты танымдық бағдарлама ұсынылып, ал ауысымдар «Алақай» сурет, «Би жұлдызы» хореографиялық, «Үлкен шанырақ» өлкетану және басқа да тақырыптық бағыттар бойынша ұйымдастырылды. Балалар әртүрлі байқауларға, ойындарға және басқа мәдени ісшараларға белсенді қатысты. Спорттық алаңдарда балалар үшін көңілді эстафеталар және спорттың әр түрлерінен сайыстар ұйымдастырылды. Сонымен бірге, орталықта балалармен үйірме жұмысы да өткізілді. Ал ағымдағы жылы ашылған жаңа жүзу бассейні балалардың сауықтырылуына және демалуына ерекше әсерін тигізді. 

2014 жылдың 14-25 шілдесі  аралығында «№ 4 жалпы білім беру мектеп-интернаты» КММ жеті кадет оқушылары Белорусия Республикасы төтенше жағдайлар министрлігі және Белоруссия жастары қоғамдық бірлестігінің өрттен қорғаушылар ұйымы өткізген ХІІ Халықаралық жас өрттен қорғаушылар слетіне қатысты.  Слетқа Қазақстан, Польша, Сербия, Армения, Украина, АҚШ, Азербайжан, Ресей және басқа да елдердің өкілдерінен барлығы 12 команда қатысты.  Қазақстан командасы жас ерекшелігі жағынан ең жас команда болғанымен, жас  қорғаушыларымыз жалпы командалық қана емес жеке сынақтардан да өте жақсы көрсеткіш көрсете білді.  Жалпы командалық ең үздік нәтижені балалар «Спортландия «Жеңіске бірге жетеміз» кезеңінде көрсете отырып, екінші орынды жеңіп алды. Слеттің қортындысы бойынша Қазақстан жас қорғаушылар командасы  5 орынға ие болды.  Жеңімпаздарды  және осы бағытта жұмыс жасаған мұғалімдерді құттықтаймыз!