2020 жылдың 27 тамызында, сағат 11.00-де on-line режимінде жыл сайынғы педагог қызметкерлерге арналған қалалық тамыз кеңесі Қарағанды қаласының әкімі Н.Е. Аубакировтың қатысуымен «Білім және ғылым: жаңа оқу жылының ерекшеліктері» тақырыбында өтеді.  Қосылу «Қарағанды қаласының білім бөлімі» ММ ресми «Facebook» парақшасында https://www.facebook.com/kargoo.gov.kzжүргізіледі.

2020 жылдың 20 тамыз күні ZOOM (Cloud Meetings) бағдарламасы арқылы ақын, ағартушы, жазба қазақ әдебиетінің, қазақ әдеби тілінің негізін қалаушы, философ Абай Құнанбайұлының рухына арналған  XXI Республикалық Абай оқуларының облыстық кезеңі қашықтықтан өтті. Жыл сайын ұйымдастырылатын рухы биік байқаудың мақсаты-қазақ халқының әдеби мұраларын дәріптеу, мектеп оқушыларының классикалық әдебиеттерді оқуға деген қызығушылығын арттыру және Абай мен Шәкәрім шығармаларындағы эстетикалық талғам мен тұлғалық қасиетті  насихаттау, ұлылар поэзиясына, ұлттың рухани мұрасына деген сүйіспеншілігіне тәрбиелеу. Биылғы Абай оқулары 6 бағыт бойынша өткізілді. 1-бағыт.«Өлең – сөздің патшасы, сөз сарасы»  Абай өлеңдерін жатқа оқу бағыты бойынша №61 ЖББОМ оқушысы Мұрат Дильназ  1-орынды иеленді. 2-бағыт. «Абайдың қара сөздері» бағыты бойынша Абай қара сөздерін жатқа мәнерлеп оқу бойынша №61 ЖББОМ оқушысы Әлмұханбет Ботажан Қанағатқызы 1-орынды иеленді. 3-бағыт. «Абайдың ақын шәкірттерінің шығармалары» - Шәкәрім Құдайбердіұлы, Ақылбай Абайұлы, Мағауия Абайұлы шығармаларын жатқа оқу номинациясы бойынша №23 ЖББОМ оқушысы Шегай Милана  2- орынды иеленсе, №56 НОМ оқушысы Өтемісова Мөлдір Кеңгесбайқызы мадақтамамен марапатталды. 4-бағыт. «Көңілім әнді ұғады» – Абай және Шәкәрім әндері мен күйлерін орындау номинациясы бойынша №38 гимназия оқушысы Ширинова Гюнель 1-орынды иеленсе, №77 МБК оқушысы Берікқызы Аида мадақтамамен марапатталды. 5-бағыт. «Жүйріктен жүйрік озар жарысқанда»  бағыты бойынша №41 мектеп-гимназия оқушысы  Наурызбай Аятолла  2-орынды иеленсе, №93 гимназия оқушысы Каверина Полина мадақтамамен марапатталды. Жүйрігі өзгелерден оза шапқан жас дарындар мен жетекшілерін жеңістерімен құттықтаймыз! Республикалық кезеңге жолдама алған үш жеңімпазымызға сәттілік...

«Қарағанды қаласының білім бөлімі» ММ биылғы оқу жылында әлеуметтік қорғалмаған отбасылардың балаларына материалдық көмек мектеп формасы және мектепке қажетті кеңсе заттары түрінде берілетіндігін хабарлайды.  Аталған көмек мемлекеттік атаулы әлеуметтік көмек алуға құқығы бар отбасылардан шыққан балаларға (АӘК), мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балаларға, жетім балаларға, ата-анасының қамқорлығынсыз қалып, отбасыларда тұратын балаларға, төтенше жағдайлардың салдарынан шұғыл жәрдемді талап ететін отбасылардан шыққан балаларға, білім беру ұйымының алқалы басқару органы айқындайтын білім алушылар мен тәрбиеленушілеріне беріледі.  Ата-аналарға (заңды өкілдерге)  баласы оқитын мектеп әкімшілігіне бір жолғы материалдық көмек алу үшін құжаттар пакетін ұсыну қажет. Отбасының бір мүшесіне атаулы әлеуметтік көмек алмайтын жан басына шаққандағы орташа табысы 31 183 теңгеден аспауы тиіс.  • Қажетті құжаттар пакеті:  - Өтініш;  - АӘК үшін: жергілікті атқарушы органдар ұсынатын мемлекеттік атаулы әлеуметтік көмек алушыларға тиесілілігін растайтын анықтама;  - Мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылар үшін: жан басына шаққандағы орташа табысы ең төменгі күнкөріс деңгейінен төмен отбасыларға жалақы туралы анықтамалар (ата-аналар жұмыс орнынан екі анықтаманы ұсынады, егер ата-анасының біреуі жұмыс істемесе, онда еңбекке жарамсыздығын растау қажет-мүгедектігі туралы анықтама немесе еңбек биржасы орнынан оның есепте тұрғандығы туралы анықтама, алименттер, асыраушысынан айрылу бойынша жәрдемақы және басқа да жәрдемақы түрлері).  - Жетім бала және қамқорлықтағылар үшін: қорғаншылықты (қамқоршылықты), патронаттық...

    1-ші маусымнан бастап 12-ші маусымға дейін «Балалар еңбегін пайдалануды болдырмауға қарсы 12 күн» Ұлттық ақпараттық кампаниясы «Бала еңбегін пайдалануға жол жоқ!»» ұранымен басталды.    Ақпараттық кампанияның өткізудің негізгі мақсаты қоғамның назарын, соның ішінде ересектерді, балаларды және олардың ата-аналарын балалар еңбегінің ең нашар түрлерін қолданудың алдын алу мәселелеріне аудару, сондай-ақ осы саладағы құқықтық ақпараттандыру болып табылады.    Білім беру ұйымдарында көптеген дайындық жұмыстары жүргізілді: ата-аналар мен оқушыларға арналған тақырыптық ақпарат стендтері жаңартылды, стендтерде «балаларға психологиялық көмек көрсететін қызметтердің байланыс телефондары, кәмелетке толмағандарға арналған еңбек заңнамасы нормаларының түсіндірмесі орналастырылған, сондай-ақ қоғамдастықпен түсіндірме жұмыстары жүргізілді.     Сонымен қатар, а.ж. 10 маусымында осы Науқан шеңберінде қалалық мектептердің педагогикалық ұжымдары полиция бөлімшелерінің инспекторларымен бірлесіп, балалар еңбегінің ең нашар түрлерімен айналысатын балаларды анықтау үшін мектеп аудандарында орналасқан сауда орындарына, жеке кәсіпорындарға шұғыл алдын-алу рейд шараларын жүргізді.      Аталмыш науқан шеңберінде оқушылар үшін әртүрлі қашықтықтан                   іс-шаралар өткізілді: онлайн сурет, шығарма байқаулары, көрмелер, дебаттар, семинарлар, тренингтер, конференциялар, науқандар және т.б.

     3 және 4 маусым күндері Қарағанды қаласының мектептерінде 11 сынып түлектеріне Соңғы қоңырау соғылып,  орта білім туралы аттестаттар табыс етілді.  Биылғы жылы  11 сыныпты 2378 оқушы аяқтап, оның ішінде 55 оқушы «Үздік аттестат», 68 оқушы "Алтын белгі" белгісін алды.      Қарағанды қаласының білім бөлімі түлектерді құттықтайды! Сіздер мектепті ұлы Абайдың 175 жылдығына орай аяқтағалы отырсыздар, "Адам ақылмен, білімімен, ерік-жігерімен, жақсы тәрбиемен ерекшеленуі тиіс", " Бай болғың келсе - қолөнерге үйрен. Уақыт өте келе,  қабілет таусылмай, байлық таусылатыны" деген сөздерді өз "Қара сөзінде" атап өткен.      Өздеріңіздің педагогтар бен ата-аналарыңыздың арқасында жақсы білім мен лайықты тәрбие алғандарыңызға біз сенімдіміз.      Оқуды жалғастырыңыз – белгіленген жолмен батыл жүріңіз - бұл сізге болашақта таңдаған істің нағыз кәсіпқойы болуға көмектеседі! Қазақстан игілігі үшін жаратыңыз!      Біздің қаламыздың және еліміздің болашағы бүгінгі мектеп бітірушілерге  байланысты.     Біздің атақты жерлестеріміздің есімдерінің арасында көп ұзамай сіздердің есімдерініз пайда болады деп үміттенеміз!

«Қарағанды қаласының білім бөлімі» мемлекеттік мекемесінің мамандары 2020 жылдың 03 маусымында «Шанс» орталығында тәрбиеленушілерді балалар мерекесімен құттықтады. Қазіргі уақытта орталықта қиын өмірлік жағдайға тап болған 7 кәмелетке толмаған бала бар. Балаларды қорғау күні - аға буынға балалардың өмірге, білім алуға, және демалуға құқықтарын құрметтеу қажеттілігі туралы ескерту болып табылады. Бұл планетаның кішкентай тұрғындары психологиялық және физикалық зорлық-зомбылықтан қорғалуы керек. Мерекенің соңында балаларға тәтті сыйлықтар, заттар, азық-түлік жиынтықтары ұсынылды.

 Еліміздің ертеңгі тізгінін қолға алар түлектер, Сіздерді «Соңғы қоңырау»  мерекесімен құттықтаймын!      Міне тағы бір оқу жылы аяқталып, қаламыздың түлектері бүгінгі салтанатты жиында балалықпен, мектеппен қоштасқалы тұр. Бұл күн – мектеп бітіруші түлектердің есінде қалатын әсерлі күн.      Түлектер өздерінің он бір жыл білім алған алтын ұяларымен қоштасса, ұстаздар сүйікті шәкірттерін өмірге қанаттандырады.     Барша жас түлектерді алда үлкен сын күтіп тұр. Барлықтарыңа Ұлттық Бірыңғай тестілеуден абыроймен өтіп, Қазақстанымыздың білікті маманы атануларыңа тілектеспін.      Ал мектептегі алғашқы жылдарын сәтті аяқтап, бірінші сыныптан екіншіге аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап, жайдары көңіл күймен жаңа оқу жылына оралуларыңызға тілектеспін.

    2020 жылғы 01 маусымында «ZOOM» платформасында бейне конференция форматында «Жас Ұлан» ұйымының көшбасшылары, тәлімгерлер мен жетекшілеріне арналған «Білімді жастар - ел болашағы» атты  оn-line кездесуі  өтті.      Кездесудің басты мақсаты: ұлттық және жалпы адамзаттық құндылықтарға рухани сәйкес дүниесі кең тұлғаны қалыптастыру, балалар мен жасөспірімдерді қазақстандық патриотизм рухында тәрбиелеу.     Оқушылармен диалог ретінде  ұйымдастырылған кездесу  барысында  әр  түрлі мәселелер, оның  ішінде  мемлекеттік  тілдің  мәртебесін  көтеру, мектептерде  оқушылардың  тиімді  бос  уақыттарын  ұйымдастыру, мектеп  аумақтарын абаттандыру және оқушылардың әлеуметтік  жобалардың  қалалық  байқауына,  спорттық  сайыстарға  және  тағы басқа іс-шараларға қатысулары жөніндегі тақырыптар талқыланды.      Сонымен қатар, шылым шегу және  жасөспірімдер арасында түрлі  құқық бұзушылықтардың орын алуы жөніндегі мәселелер бойынша және қашықтықтан оқытудыі тиімділігі жөнінде оқушылар  белсене өз пікірлерін және аталған күрделі  мәселелердің  шешу  жолдарын ортаға  салды.     Кездесу соңында,  оқушылардың идеяларын  және  ұсыныстарын тыңдап,  қалалық білім бөлімінің тәрбие және әлеуметтендіру секторының меңгерушісі Г.Т.Хасенова «Жас Ұлан» белсенділерін алдағы байқауыларға белсене қатысуға шақырып, оларға оқуда  жаңа  табыс  тіледі.

Қарағанды қаласы білім бөлімі оқу-әдістемелік кабинетінің 2019-2020 оқу жылына арналған жоспарына сәйкес, "Рухани жаңғыру" мемлекеттік бағдарламасын жүзеге асыру мақсатында "инклюзивті еріктілер мектебі" жобасы  "Азамат" қоғамдық бірлестігімен біріге отырып, мемлекеттік әлеуметтік тапсырыс аясында 2020 жылдың 1 ақпанынан 15 мамырына дейін 1941-1945 жылдардағы Ұлы Отан соғысындағы Жеңістің 75 жылдығына арналған "Жеңіс гүлдері" атты гүлзардың ең үздік дизайнына қалалық конкурс өткізілді.  Байқау қорытындысы бойынша жеңімпаздарға Халықаралық балаларды қорғау күні қарсаңында Қарағанды қаласында Нүркен Әбдіров ескерткішінің жанында бір жылдық гүл көшеттерін отырғызуға құқық берілді. Аталған іс-шараға Қарағанды қаласы білім бөлімінің өкілдері, "Азамат" қоғамдық бірлестігінің өкілдері, еріктілер, Қарағанды қаласының білім беру ұйымдарында оқитын ерекше білім беру қажеттілігі бар балалар және олардың ата-аналары қатысты. Іс-шараның негізгі мақсаты: ерекше білім беру қажеттілігі бар балаларды әлеуметтік маңызы бар іс-шараларға тарту, олардың әлеуметтік бейімделуін және шығармашылық қабілеттерін ынталандыру, туған өлкесіне деген сүйіспеншілігін арттыру. Іс-шара барысында байқау жеңімпаздары марапатталып, сыйлықтар табыс етілді.

             2020 жылғы 22 мамыр күні  «Жыл оқушысы - 2020» IX қалалық байқаудың ақтық мәресі, алғаш рет ZOOM платформасында қашықтық форматында болып өтті. Конкурстың тікелей эфирі «Қарағанды қаласының білім бөлімі» ММ Facebook әлеуметтік желісінде жүргізілді.         Бұл байқау Қарағанды қаласы әкімдігінің қолдауымен Қарағанды қаласының білім бөлімі бекіткен "Дарынды балалар" жобасының құрамдас бөлігі, яғни оқушылардың  білім деңгейін арттыру үшін,  білімнің әр саласы бойынша шығармашылық және зерттеу жұмыстарына тарту, жеке тұлғалық қабілеттердің жаңа деңгейін қалыптастыру, болашақтағы қоғамның зиялы қауымын - талантты және қызығушылықтары жоғары оқушыларды анықтау, дамыту және қолдау көрсетуге жағдай жасау.     Биылғы жылы байқауға Қарағанды қаласының мектептерінен 200 оқушы қатысты. Екі кезеңнің қорытындысы - эссе жазу, шешендік шеберлік таныту, сондай-ақ үшінші сырттай кезеңнің - оқушы жетістігінің портфолиосын сараптау нәтижесінде  ақтық кезеңге қатысатын 27 оқушы анықталды.     Байқаудың ақтық кезеңінде қатысушылар бейнероликтерін көрсетті, онда өздерінің әуес істері мен қызығушылықтары туралы айтып, әртістік қабілеттерін, IT-технологиялар, режессерлік және монтаж саласындағы дағдыларын көрсетті. Әрбір қатысушының  көрсетілімі өз алдына ерекше, қызықты болды!     27 оқушы қатысқан ақтық мәреде 6, 7, 8, 9, 10 және 11-сынып оқушыларының арасынан 2020 жылдың үздік оқушылары анықталды.     6-сынып оқушыларының арасынан 2020 жылғы үздік оқушы атағын «№ 97 гимназия» КММ оқушысы Бондарев Владислав жеңіп алды.     7-сынып оқушыларының арасынан 2020 жылғы үздік оқушы атағын «№ 36 ЖББОМ» КММ оқушысы Мұсағали Құндыз жеңіп алды.     8-сынып...