Қарағанды қаласының білім бөлімі 2017 жылғы  21 желтоқсан күні №102 мектеп-гимназиясының базасында ұлы қайраткер Қазыбек бидің 350 жылдық мерейтойына орай  «ҰЛТТЫҚ РУХ ЖӘНЕ ҚАЗЫБЕК БИ МҰРАСЫ» атты  гуманитарлық-ағартушылық конференциясын өткізді.             Конференция  басталмас бұрын «Тарихи-географиялық қайта қалпына келтіру-2017»  сайысы жеңімпаздарының экспозициялық көрмесі ұйымдастырылып, №38 гимназия және №23 мектеп оқушылары «Жеті Жарғы» мен «Аңырақай» шайқастары тақырыбында театрландырылған  қойылым көрсетті Конференцияға Қарағанды қаласы әкімінің орынбасары И.Ю.Любарская, Е.А.Бөкетов атындағы Қарағанды мемлекеттік университетінің арехеология, этнология және отандық тарих кафедрасының доценттері З.Ғ.Сақтағанова мен М.С. Жакин қатысты.   Сонымен қатар конференцияға 79 білім ұйымынан педагогтар және 9-11 сыныптардың оқушылары да қатысты. Конференцияға қазақ, орыс және ағылшын тілдерінде 64 жұмыс ұсынылды. Педагогтар мен оқушылардың үздік деген жұмыстары конференцияның пленарлық отырысында  тыңдалды.           Білім бөліміне қарасты №102 МГ оқушысы  Таирова Валерия, №77 МББК оқушысы Абильдинова Назерке, №16 ОМ оқушысы Тельман Улыкбек қазақ халқының даңқты ұлы, қоғам қайраткері, Қазақ хандығының дамуына зор үлес қосқан «Қаз дауысты Қазыбек» атанған Қазыбек би туралы қызықты жұмыстарын ұсына білді.        Конференция жұмысының қорытындысы электронды нұсқадағы жинақ болады. Бұл жинақ «Қарағанды қаласының білім бөлімі» ММ сайтында жарияланатын болады. 

2017 жылдың 08 желтоқсан күні «№5 ЖББОМ» КММ аясында бастауыш мектептің негізгі пәндерінен 3-4 сынып оқушылары арасында қалалық олимпиада ұйымдастырылды.                Олимпиаданың мақсаты:білім алушылардың ана тіліне деген құрметін арттыру, ғылыми-зерттеуге қызығушылығын дамыту, дарынды балаларды қолдау, бастауыш сынып оқушыларының бәсекеге қабілеттілігін арттыру.                 Олимпиадаға қаланың  76 мектебінен 157 оқушы қатысты. Олар бастауыш мектептің негізгі пәндерінен: қазақ тілі, математика, дүниетанудан өз білімдерін көрсетті.                 Пәндік олимпиаданы өткізуде білім беру бөлімінің басшысының бұйрығымен ұйымдастыру комитетінің құрамы бекітіліп,   оған білім беру бөлімінің әдіскері, білім беру ұйымдарының жоғары біліктілік санаты бар оқытушылары кірген болатын.                 Олимпиада тапсырмалары бастауыш білім берудің мемлекеттік жалпыға міндетті стандартына сай құрастырылды.                Оқушылардың олимпиададағы жұмыс ұзақтығы 120 минут болды. Әр пән бойынша 20 тест тапсырмалары беріледі. Уақыт аяқталғаннан кейін қатысушылардың жұмыстары тексеріліп, бағаланды.                Олимпиада қорытындысы бойынша 48 оқушы қалалық білім бөлімінің 1, 2, 3 дәрежелі дипломдарымен марапатталып, 14 оқушыға математика пәнінен «Жас математик», қазақ тілі пәнінен «Тіл білгірі» номинациялары берілді.                Олимпиада...

     2013 жылдан бері технология пәніне оқушылардың қызығушылықтарын арттыру, білім дәрежелерін анықтау және  технология пәні мұғалімдерінің кәсіби шеберліктерін дамытуына жағдай жасау мақсатында Қарағанды қаласының білім бөлімі 9-шы сынып оқушыларының арасында технология пәні бойынша қалалық олимпиада өткізіп келеді.       Жыл сайын олимпиадағы қатысушылардың саны артуда. № 59 мектепте 2017 жылдың 8, 12-ші желтоқсан аралығында қала  мектептерінен 98 оқушы қатысты. Олимпиада екі кезеңде өтті - теориялық және практикалық. Теориялық  кезеңде – 6-9 сынып аралығында  «Технология» пәнінің тараулары бойынша  тест тапсырмаларын орындады. Практикалық кезеңде ең жоғарғы ұпай жинаған 42  оқушы өтті.       Ер балалар мен қыз балалардың  мата және ағашпен жұмыс істеу дағдыларын көрсететін практикалық тур, әсіресе күрделі және қызықты өтті.          Қыз балалар кестемен безендірілген  «Taқия» бас киімін тікті. Ал ер балалар үшін практикалық іс-әрекет ағаштан  тілу  технологиясы бойынша  сәнді безендірілген сандықша жасады. Оқушылардың жасаған әрбір жұмысы өте қызықты  және жеңіске лайық болды.           № 59 мектепте ұйымдастырылған қалалық олимпиаданың жоғары дәрежеде өткенін және жақсы жағдай жасалғанын, әсіресе қызықты практикалық тапсырмаларды  құрастырғаны үшін, қатысушармен олардың мұғалімдері алғыстарын білдірді.      Қатысушыларға, жеңімпаздарға, сондай-ақ №59 мектептің ұжымына  (директор - Балмуханова Д.К.) ұйымдастырушыларға алғысымызды білдіреміз.

2017 жылдың 14 желтоқсанында Қарағанды қаласының білім бөлімінің ұйымдастыруымен Балалар және жасөспірімдер сарайында Қазақстан Республикасының Тәуелсіздігі күніне  арналған «Менің елім –Тәуелсіз Қазақстан» атты гала концерт ұйымдастырылды. Бұл іс-шараға қаланың мемлекеттік, жеке меншік балабақшалары және шағын орталықтары қатысты. Гала концертке қатысушылар 07-12 желтоқсан аралығындағы іріктеу кезеңінен өткен 55 мектепке дейінгі ұйымнан келген 565  мектеп жасына дейінгі бала қатысты. Шараның мақсаты Қазақстан Республикасы Тәуелсіздік күніне орай және жалпы ұлттық құндылыққа негізделген  «Мәңгілік Ел» идеясын іске асыру аясында мектеп жасына дейінгі балалардың шығармашылығын қолдау және насихаттау сонымен қатар «Рухани жаңғыру» бағдарламасында қойылған міндеттерді жүзеге асыру. Ең үздік болып өздерінің шығармашылық қабілеттерін көрсете білген  18 мектепке дейінгі ұйымдардың тәрбиеленушілері танылды. Олар: «Алтын сақа», «Тілек», «Айгөлек», «Жұлдыз», «Айсұлу», «Ақниет», «Гауһар», «Балапан», «Алданыш», «Балбөбек», «Алмагүл», ЧУ «Ақжарқын», «Алпамыс», «Бәйтерек»  сонымен қатар №82, 20, 68, 51 мектеп негізіндегі шағын орталықтардың тәрбиеленушілер. 

13.12.2017ж №42 «Тілек» балабақшасында Қазақстан Республикасының Тәуелсіздігі күнін мерекелеу аясында патриоттық сананы ынталандыратын рухани ұлттық құндылықтарды жаңғырту, жастар бойындағы ұлттық сананы ояту, жас ұрпақ санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру мақсатында ауқымды «Болашаққа бағдар: рухани жаңғыру» атты семинар тренинг өткізілді. Іс - шараға «Тілек», «Балақай», «Қуаныш» балабақшаларының тәрбиешілері мен ата - аналары қатысып, Елбасы Н.Ә. Назарбаевтың  «Болашаққа бағдар: рухани жаңғыру» мақаласының басты мақсататтарын талқылап, пікір алмасты. Облыстық өлкетану мұражайымен қарым-қатынас аясында балалар мен қонақтар үшін «Ұлы дала елі» атты көрме ұйымдастырылды. Сонымен қатар, қонақтарға «Тілек» балабақшасының жас бүлдіршіндері «Желтоқсаннан бастау алған Егемен» атты концерттік бағдарлама дайындады. Мерекелік іс-шараны №1 өнер мектебінің тәрбиеленушілері «Тәуелсіздік- терең ұғым» атты сахналық көрінісімен аяқтады.

Бүгін, 2017 жылдың 12 желтоқсаны Нұр Отан ғимаратында облыстық «Жыл мұғалімі 2017» байқауының финалдық туры ұйымдастырылды. Финалдық турға «Қарағанды жыл мұғалімі - 2017» байқауының жеңімпазы, «№85 ЖББОМ» КММ бастауыш сынып мұғалімі О. А. Сибагатуллина қатысты. Сайыс 4 кезең бойынша өтті. Олар – «Еркін микрофон», «Педагогикалық жағдаят, «Мұғалімнің жексенбілік күні» тақырыбындағы үй тапсырмасы. Байқаудың қорытындысы бойынша О. А. Сибагатуллина II жүлделі орынға ие болды. Байқаудың жеңімпаздары мен қатысушыларын шын жүректен құттықтаймыз!

2017 жылғы 11 желтоқсанда  Қарағанды қаласының ​​білім  бөлімі «Рухани жаңғыру» бағдарламасы аясында   «Тәуелсіздік сабағы» акциясын өткізді. Акцияның  мақсаты  көшбасшылық  қасиеттерді  дамыту, оқушыларды қалалық  мемлекеттік құрылымдардың қызметіне қатыстыру арқылы, белсенді азаматтық ұстанымды қалыптастыру болып табылады. Қарағанды ​​қаласы мектептерінің 9-11 сынып оқушыларынан құрылған  топ жастар мәслихатының өкілімен, тәрбие жұмысы жөніндегі директордың орынбасары және «Адам. Қоғам. Заң» пәні мұғалімінің жетекшілігімен Октябрь аудандық әкімдігіне, Октябрь  аудандық прокуратурасына,  Қарағанды ​​облысының  Ішкі стер Департаментіне  және Қарағанды ​​облысының Төтенше жағдайлар Департаментіне барды.Сапар барысында мектеп оқушылары мен мектеп көшбасшылары Тәуелсіздіктің  26 жылында мемлекеттік ұйымдардың қалыптасу және қызмет ету тарихымен танысып, әр мемлекеттік ұйымның ұжымымен   пікірлесіп,  сұхбаттасты.

Қоғамның зерделі таңдаулыларды қалыптастырудың тиімді бір жолы -  оқушылар арасында  жалпы білім беретін пәндер бойынша оқушылардың Республикалық олимпиадасын өткізу.  Олимпиада оқушылар мен ұстаздардың өзін көрсете білуіне мүмкіндік бере отырып,  дарынды жастарды анықтауға және талантты жастардың одан әрі дамуына мүмкіндік туғызады, оқушылардың  зияткерлік іс-әрекетін ұйымдастырады.   Республикалық олимпиада 5 кезеңде өткізіледі.  2017 жылдың қараша айында Қарағанды қаласының барлық мектептерінде  І-ші  (мектепішілік)  кезең өтті.  Оқушылардың ғылыми жұмысқа және жеке пәндерді тереңдетіп оқып-үйренуде  қызығушылықтарының артуын олимпиадаға қатысушылар санының жыл сайын көбеюінен  байқауға болады. Осы күндері  Қарағанды қаласында өткізіліп отырған олимпиаданың  ІІ кезеңінде (қалалық)  өздерінің зерделі қабілеттері мен білімдерін көрсетуге мектепішілік кезеңнің 1715 жеңімпазына тамаша мүмкіндік берілді. Биылғы жылы  ағылшын, қазақ, орыс тілдері, Қазақстан тарихы, география, математика пәндері   танымал пәндер болып табылды. Пәндік олимпиадалар Қарағанды қаласының сегіз білім ұйымында (№ № 3, 23, 39, 57, 58, 59, 63, 93) өткізілді.             Қалалық олимпиада – оқушылар мен тәлімгерлер үшін  өте маңызды сынақ. 2018 жылдың қаңтар айында өтетін облыстық кезеңде жеңімпаздар Қарағанды қаласының намысын қорғайтын болады.             Қарағанды қаласының білім бөлімі 2017-2018 оқу жылында  оқушылар Қарағанды қаласын  тек облыстық қана емес, республикалық кезеңде де лайықты түрде көрсететіндеріне сенеді, әрі  қалалық олимпиаданың барлық қатысушылары мен тәлімгерлеріне сәттілік, шығармашылық жеңіс, ғылыми жаңалықтар мен жаңа биіктерге жете...

2017 жылдың қараша айының 30-шы жұлдызы күні «Балақай» балабақшасында Қазақстан Республикасының Тұнғыш Президенті Нұрсұлтан Әбішұлы Назарбаев күніне арналған мерекелік шаралар өтті. Балабақшаның барлық тәрбиеленушілері мерекелік шеруге қатысып, таза ауада спорттық эстафеталарда сайысып, қазақтың ұлттық ойындарын ойнады. Балалар информатика кабинетінде Тұнғыш Президент туралы «Елін сүйген – Елі сүйген Елбасы» атты фильм тамашалап, ноутбукте «Қазақстан картасын құрастыр» атты электронды ойынын ойнау арқылы жарысып, «Бәйтерек» мүсінін жабыстырды. Тәрбиеленушілер достық  залында  Н.Ә. Назарбаевтың өмірбаянымен, Қарағанды металлургия комбинатындағы еңбек  қызметімен танысты. Барлық шаралардың мақсаты – ерте жастан патриоттық  сезімге, Отанға және өз Президентіне деген махаббат  және құрметке тәрбиелеу.

Мемлекеттік мереке - Тұңғыш Президент күні қарсаңында Пришахтинск кішкентай тұрғындары тамаша сыйлыққа ие болады: 30 қарашада тағы бір мектепке дейінгі мекеме - «Бота» жекеменшік балабақшасы ашылды. Балабақша 1998 жылдан бастап жеке меншік болып табылады және мақсаты бойынша пайдаланылмаған типтік ғимаратта орналасқан: ғимаратта бұрын кондитерлік және ойын-сауық клубы болған. Балабақшаның құрылтайшысы Нұрғожина Гакку Отанғалиқызы осы ғимаратты 2016 жылдың қарашасында сатып алған және жыл бойы сұр, ескерілмеген ғимарат заманауи, жайлы балабақшаға айналды: изоляторы бар медициналық кабинет, музыкалық зал, оқшауланған ұйықтайтын бөлмелері бар топтық бөлмелер жарақталған. Қазіргі уақытта ғимараттың бір бөлігін қалпына келтіру жұмыстары жүргізілуде, 2018 жылы тағы төрт топ және спорт залы ашылады. Биылғы жылы Пришахтинске үшінші жекеменшік балабақша ашылды. «Бота», «Азбука» және «Одарешка» балабақшаларын іске қосу Пришахтинскінің мектепке дейінгі ұйымдарындағы кезектілік мәселесін шешеді: бүгінгі күні кезекте барлығы 403 бала тұр, ал жыл басында кезекте 3-тен 6 жасқа дейінгі мыңға жуық бала болған. «Бота» балабақшасында 150 орынға мемлекеттік тапсырыс енгізілген, әлеуметтік қорғалмаған отбасынан 17 баланы автобуспен әкелу жоспарлануда. Балабақшаның ашылуына Қарағанды қаласының әкімі Н.Е.Әубәкіров пен Қалалық мәслихаттың хатшысы Бексұлтанов К.Б. қатысты. Балалардың ата-аналары осы мүмкіндікті пайдаланып, әкімге тек мемлекеттік тапсырыс бергені үшін ғана емес, ата-аналық ақшалай төлем мемлекеттік балабақшалардағыдай - 11000 теңге, сондай-ақ жолдарды жөндеуге және Пришахтинск қаласын абаттандырылғаны үшін ризашылығын білдірді.

2017 жылдың 28 қарашасы күні Қазақстан Республикасының Бірінші Президенті мен Қазақстан Республикасының Тәуелсіздік күні қарсаңында «№ 23 ЖББОМ» КММ базасында «Туған жер» бағдарламасын жүзеге асыру аясында тарихи-этнографиялық мұражайдың салтанатты ашылу өтті.   Шақырылған қонақтар қатарында Қарағанды қаласы білім бөлімінің өкілдері, Қазыбек би атындағы кәсіподақ ұйымының төрайымы, қала мектептерінің басшылары, Қамқорлық Кеңес мүшелері және мектептің атақты түлектері болды.   Бағдарлама аясында қонақтар үшін оқушылар мектеп ішінде саяхат жүргізді. Саяхат соңында қонақтар «Халықтар достастығы» арбатына шақырылды. Бұл шараны «ЭКСПО-2017» Халықаралық көрмесінен кейінгі әсерлерін алған мұғалімдер мен оқушылар ұйымдастырды. Келген қонақтар әлемнің 16 мемлекетінде болды: Қазақстан, Ресей, Испания, Жапония, Корея, Израиль, Татарстан, Грузия, Египет, Украина, Белоруссия, Қырғыз, Сауд Арабиясы, Германия, Өзбекстан, Индия. Қонақтар назарына ұлттық дәстүр, би өнері, тағамдары көрсетілді.   Келесі кезең: тарихи-этнографиялық мұражайдың салтанатты ашылуы болды. Қарағанды қаласы білім бөлімінің жалпы және орта білім бөлімінің меңгерушісі Наталья Владимировна Головина мен Қамқорлық Кеңесінің мүшесі Виталий Евгеньевич Кандибулатовтың құттықтау сөзінен кейін мұражайдың ашылу рәсімі болды – қызыл лента кесілді.   Мұражай жетекшісі – Жанат Мустахиновна Қуанышбаевна мектеп басшыларына саяхат өткізді. В.Е.Кандибулатов мұражайдың ашылу құрметіне сыйлық тарту етті – туған өлкенің тарихы, мәдениеті, этнографиясын сипаттайтын кітаптар.

Қарағанды облысы Білім басқармасының ұйымдастыруымен 2017 жылғы 26 қарашада «Мұрагер» мамандандырылған мектеп – интернатының ғимаратында Қазақстан Республикасының Тұңғыш Президенті күніне орай мектеп оқушылары арасында облыстық пікірсайыс турнирі өтті.Турнирдің мақсаты– өз көзқарасы мен пікірін дәлелдей алатын, өз мүддесін сауатты әрі дәлелді түрде қорғай алатын жастарды іздеу, облыс оқушылары арасында пікірсайыс қозғалысын дамыту. Байқауға 37 команда, орыс лигасы -15, қазақ лигасы – 22, қатысушылар саны – 111 оқушы. Қарағанды қаласынан  4 команда қатысты. Турнирдің қорытындысы бойынша келесі жеңімпаздар анықталды. Қазақ лигасы:  I орын Қарағанды қаласы №23 ЖББОМ «РУХ» командасы. ІІ орын Қарағанды қаласы №18  ЖББОМ «ЖАС ҚАНАТ» командасы. Үздік спикер:Амантай Ернияз – Қарағанды қаласы, №18 ЖББОМ оқушысы. Орыс лигасы: ІІ орын Қарағанды қаласының №97 гимназиясының  «НИРВАНА» командасы. ІІІ орын  Қарағанды қаласының № 2 лицейінің  «АНДРОМЕДА» командасы: Үздік спикер: Щебентовская Александра – Қарағанды қаласы, № 97 гимназияның оқушысы.