2012 жылғы 10 ақпанда №3 гимназиясында Қарағанды қаласының әкімі                             Б.Т. Әбдішевтың қатысуымен «Біздің  қала - біздің  мақтанышымыз!»  тақырыбында  қала  Күніне  арналған интерактивтік  сабақ  өткізілді.     Интерактивтік сабақтың тақырыбын талқылауға гимназияның 6-11 сынып оқушылары, тарих пәнінің мұғалімдері, сынып жеткшілері және он-лайн режимі  арқылы  80-ге  жуық  мектептердің  оқушылары  қатысты.     Сабаққа қатысқандар Қарағанды қаласының тарихымен, маңызды жетістіктерімен және мәдени дәстүрлерімен танысып, жаңа әлеуметтік маңызы бар объектілердің,  спорт  орталықтардың салынуын, жалпы Қарағандының көркейіп келе жатқанын байқады. Қарағанды қаласының құрметті және белгілі азаматтары туралы ақпаратты оқушылар ерекше қызығушылықпен тыңдады. Сабақ барысында оқушылар қала әкіміне өз  сұрақтарын қойды.  Мерекеге  орай  қала  әкімі  білім  ұйымдарына  Қарағандының  тарихы  туралы  кітаптарды  сыйға  тартты.     Сонымен  қатар, қала әкімі Б.Т. Әбдішев Сортировка кентіндегі №22 мектеп-интернаттың шағын-орталығын  аралап  қайтты. 

  2012 жылғы 01 ақпанда балалар мен жеткіншектер Сарайында «Ең үздік сынып жетекшісі» қалалық байқаудың қорытындысы жарияланды. Аталған байқау Қарағанды қаласы білім бөлімінің ұйымдастыруымен және Қазыбек би атындағы мен Октябрь аудандарының білім қызметкерлері кәсіподақ ұйымдарының қолдауымен алғашқы рет өткізілді.     Байқау білім ұйымдарының сынып жетекшілердің кәсіби деңгейлерін анықтау, олардың жұмыстарын жандандыру және жалпы мұғалім  мамандығының мәртебесін  көтеру  мақсатында  өтті.     Үшінші соңғы турда білім ұйымдарының 15 сынып жетекшілері қатысты. Байқаудың қорытындысы бойынша бірінші орынға Рахимова Салиман Егімбайқызы (№9 гимназиясы) ие болды. Екінші орынға ие  болғандар: Лейман Вера Петровна (№45 гимназиясы) мен Ахажанова Гүлбаршын Қайлиолақызы (№ 97 гимназиясы). Үшінші  орынға Молостова Светлана Олеговна (№30 ОМ); Тұсжанова Жанаргүл Нұрмуханқызы (№76 ОМ); Қадырманова Сәуле Қойшыбайқызы (№ 87 ОМ) және Абитаева Назгүл Ермекқызы (№ 101 мектеп-лицей) ие  болды. Жеңімпаздар Қарағанды  қаласы білім бөлімінің грамотасымен және ақшалай сыйлықпен, ал басқалары байқауға  белсенді  қатысқандары  үшін  дипломмен марапатталды. Сонымен  қатар, барлық  қатысушыларға  №1 өнер  мектептің  оқушылары  жасаған бұйымдар  сыйлыққа  табыс  етілді.

        Қарағанды  қаласы  білім  бөлімінің  бастамасымен  «Батыр»  санаторлық  балабақшасында қаладағы мектепке дейінгі ұйымдардың және шағын-орталықтардың тәрбиешілері мен денешынықтыру тәрбиесі жөніндегі инструкторлар үшін «Балабақшадағы  қысқы  туризм»  тақырыбында  әдістемелік  бірлестіктің  отырысы  өткізілді.        Әдістемелік бірлестіктің отырысы барысында қысқы  уақытта  балалардың  денсаулықтарын сауықтыру  және  шынықтыру және олардың  ойынға  деген  қызығушылықтарын  арттыру  мәселелері   талқыланды.       Отырыстан кейін «Батыр» санаторлық балабақшасы тәрбиеленушілерінің және ата-аналарының қатысуымен «Қысқы жолда» атты денешынықтыру-сауықтыру іс-шара  ұйымдастырылды. Балалар  екі  топқа  бөлініп,  ойын  арқылы  әр  түрлі  тапсырмаларды  орындап, шаңғы тепті,  төбешіктен сырғанады, хоккей ойыны элементтерін орындады. Ойын аяғында балаларға  сыйлықтар  берілді.

  2012 жылғы 20 мен 30 қаңтар аралығында бейнелеу өнерінің облыстық  мұражайында Қарағанды қаласы №1 өнер мектебі бейнелеу өнерінің бөлімі  оқушыларының  «Балалық  шақ  қуаты»атты  есептік  көрмесі  өткізілуде. Көрмеде жас дарындылардың  және мектепті  аяқтауға жақын қалғандардың  да жұмыстары  жиналды.  Көрмеде ұлттық стильдегі жұмыстар, теріден жасалынған түрлі бұйымдар,  компьтерлік графика сабақтарында шығарылған композициялар және әр түрлі  суреттер кеңінен ұсынылған. Ал мектеп оқушылары жасаған керамика  бұйымдары  ерекше назарға лайық, өйткені аймағымызда тек осы мектепте ғана жалғыз керамика  шеберханасы  жұмыс  істейді. Балалардың  жарқын  суреттері балалық өзінділікпен  ерекшеленеді. «Балалық  шақ  қуаты»  атты  көрмесін  тамашалауға  шақырамыз.

  2012  жылғы  21 қаңтарда балалар  мен  жеткіншектер Сарайында жалпы білім беретін пәндер бойынша оқушылардың Республикалық олимпиадасының қалалық кезеңінің  жеңімпаздарын  марапаттау  рәсімі  өткізілді.     15 жалпы білім беретін пәндер бойынша өткен қалалық олимпиада  жас дарындыларды айқындау мен қолдау, оқушылардың интеллектуалды қабілеттерін және танымдық қызығушылықтарын дамыту мақсатында  ұйымдастырылды.     Ағымдағы оқу жылы  Республикалық олимпиаданың қалалық  кезеңіне 1718 оқушы қатысты. 174 оқушы жеңімпаздар және жүлдегерлер атанды. Салтанатты іс-шара  барысында олар жеке номинациялар бойынша Қарағанды қаласы білім бөлімінің  грамоталарымен  және  сыйлықтармен  марапатталды. Сонымен қатар, пән  мұғалімдеріне  де  грамоталар  табыс  етілді.     Қарағанды  қаласы білім бөлімінің  дипломдарымен, 500  мың, 1 миллион теңгеге сертификаттарымен  және  география  мен  тарих  кабинеттерін  алуға  сертификаттармен үздік  білім  ұйымдары  марапатталды.  Осы  білім  ұйымдарының  оқушылары  олимпиада  қорытындысы  бойынша  ең  көп  жүлделі  орындарға  ие  болды.

21 января в 10:00 во Дворце детей и юношества состоится церемония чествования победителей и призёров городского этапа Республиканской олимпиады школьников. Приглашаем учащихся, занявших 1-3 места и их педагогов для участия в церемонии награждения. 

  Күннің  күрт  суытуына  байланысты  «Қыс  мерзіміндегі білім  ұйымдарындағы  оқу  режимі  туралы»  білім  және  ғылым  Министрлігінің  2006  жылғы  27 қыркүйектегі № 509  бұйрығы   негізінде  2012  жылғы 19  қаңтарда  Қарағанды  қаласындағы  білім  ұйымдарының 1-4  сыныптарда  оқу сабақтары  тоқтатылады.     Температуралық  режимнің  өзгеруін қадағалап,  балаларды  қараусыз қалдырмауға  өтінеміз. 

      2012 жылғы 14 қаңтарда «Ең  үздік сынып  жетекшісі»  қалалық  байқаудың екінші туры ресми түрде басталды. Аталған байқау білім ұйымдарындағы  сынып  жетекшілерінің  кәсіби деңгейлерін  анықтау, олардың  жұмыстарын  жандандыру және жалпы мұғалім мамандығының мәртебесін көтеру мақсатында  ұйымдастырылуда.       Қарағанды  қаласы  білім  бөлімінің  бастамасымен өткізіліп  жатқан  «Ең  үздік сынып  жетекшісі»  байқауы  үш  турдан  тұрады.       Бірінші мектепішілік турда сынып жетекшілері өз шеберліктерін  тақырыптық  сынып  сағаттарын  өткізу  барысында  көрсетті. Бірінші  турға   қатысқан  сынып  жетекшілерінің  арасынан  ең  үздіктері  екінші  турға  өтті. Екінші  тур барысында олар «Мен және менің  сыныбым» бейнефильмді  дайындайды.      Соңғы үшінші турда сынып  жетекшілері  шығармашылық  тапсырмаларды  орындайды.      Байқаудың  қорытындысы  қаңтар  айының  соңында жарияланады.           

  2011 жылғы 28 желтоқсандаҚазақстан Республикасы Тәуелсіздігінің 20-жылдығына арнайы Ермеков 106/3 көшесінде орналасқан 320 балаға жаңа «Бәйтерек» балабақшасының  салтанатты ашылуы  өткізілді.      Жаңа «Бәйтерек» балабақшасы Елбасы Н.Ә. Назарбаевтың бастамасымен іске асырылып жатқан «Балапан» мемлекеттік  бағдарламасы  аясында салынған.      Үш қабаттан  тұратын  балабақша ғимараты қазіргі заманға сай салынған. Барлық бөлмелері заманауи талаптарға сәйкестенген.          Логопедия топтары ашылды.  Балаларды  оқытуға  және  тәрбиелеуге  жақсы  материалдық  база  қамтамасыз  етілді.      Жаңа балабақшаның  ашылуына  Қарағанды  қаласы  әкімдігінің  басшылары мен  өкілдері,  Қарағанды  облысы  білім бөлімінің мамандары, тәрбиешілер,  балалар  және  ата-аналар  қатысты.      Салтанатты іс-шара  барысында  Қарағанды  қаласының  әкімі      Б.Т. Әбдішев  сөз  сөйледі. 

Ең  қызықты  мерекелерінің  бірі - Жаңа  жыл мерекесі  қарсаңында 2011 жылғы 26 желтоқсан күні  К. Станиславский  атындағы театрда Қарағанды  қаласы  әкімінің  жаңа  жылдық  шыршасы  өтті. Жаңа жылдық мерекеге 200-дей бала және олардың ата-аналары, мұғалімдері қатысты. Келе жатқан 2012 Жаңа  жылмен  балаларды  Қарағанды  қаласының  әкімі  Б.Т. Әбдішев  құттықтады. Балаларға арналған сүйікті ертегі кейіпкерлерінің қатысуымен  қызықты қойылым көрсетіліп, сонымен қатар мерекелік фуршет ұйымдастырылды. Мереке  соңында  балаларға  сыйлықтар берілді.

       2011 жылғы 23 және 24 желтоқсанда Қарағанды қаласының  бірнеше мектептері  мен  гимназияларында  жалпы  білім беру  пәндері бойынша оқушылардың Республикалық олимпиадасының 2-ші  қалалық  кезеңі  өтуде.      Осы жылы 1790 оқушы - мектептерде өткен олимпиаданың 1-ші  кезеңінің  жеңімпаздары  2-ші  қалалық  кезеңіне  қатысуда.     15  жалпы  білім  беру пәндері  бойынша  өтіп  жатқан  олимпиада  жас дарындыларды айқындау  мен  қолдау, оқушылардың  интеллектуалды  қабілеттерін  және танымдық  қызығушылықтарын дамыту мақсатында  ұйымдастырылды.      Олимпиаданың 2-ші қалалық кезеңінің  жеңімпаздары 2012  жылғы қаңтарда өткізілетін  облыстық  кезеңде  Қарағанды  қаласының  атынан  қатысады. 

16 желтоқсан күні барша қазақстандықтар еліміздің басты мерекесі – Қазақстан Республикасы Тәуелсіздігінің 20-жылдығын атап өтеді. Тәуелсіздік жылдар бойы Қазақстан Елбасы Нұрсұлтан Әбішұлы Назарбаевтың сындарлы саясатының арқасында зор жетістіктерге жетіп, көп ұлтты мемлекетімізде бейбітшілік пен келісім, тұрақтылық пен игілік орнықты. Құрметті әріптестер! Мерекелеріңіз құтты болсын! Барлықтарыңызға зор денсаулық, әр шаңыраққа береке мен баянды бақыт тілеймін! Қазақстанның тұрақты дамуы мен кемелденуі жолындағы еңбектеріңіз табысты, барлық бастамаларыңыз сәтті болсын! Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің Тәуелсіздігі баянды болсын! Қарағанды қаласы білім бөлімінің бастығы, Д. Ш. Жекебаев