Қарағанды қаласының білім бөлімі  №27 мектепте Халықаралық  отбасы күніне  арналған «Мөлдір бұлақтан» атты отбасылық шығармашылықтың қалалық фестивалін өткізді.   Аталған іс-шара отбасылық құндылықтар мен дәстүрлерді насихаттау, отбасыны белсенді қоғамдық және мәдени жұмысқа тарту, өскелең ұрпаққа эстетикалық және әдептілік тәрбие беру ісінде отбасылық шығармашылықтың рөлін арттыру, білім ұйымдарының отбасылармен байланысын нығайту мақсатында  ұйымдастырылуда. Фестивальға мектеп және мектепке дейінгі ұйымдарында өткізілген алдын ала турдан өткен 40 отбасы қатысты. Олар өз өнерлерін ән, би, әр түрлі қойылымдар және ата- аналары мен балалар жасаған қол өнер бұйымдарын  ұсыну арқылы  көрсетті. Фестиваль қорытындысы бойынша Гран-приге мектепке дейінгі ұйымдар арасынан-Казкеновтар отбасы («Айсұлу» балабақшасы), жалпы білім беретін ұйымдар арасынан-Владимировтар отбасы (Техникалық лицей) ие болды. Гран-при иегерлері және жеке номинациялардағы жеңімпаздар Қарағанды қаласы білім бөлімінің грамотасымен және сыйлықтармен марапатталды.

  Сіздерді 1 мамыр – Қазақстан халқының бірлігі Күні мерекесімен шын жүректен құттықтаймын! Қазақстанның көпұлтты халқының татулығы, ынтымақтастығы, бейбітшілігі біздің еліміздің ең басты байлығы. Біздің елімізде қалыптасқан ұлттар тұтастығы мен халықтар достығының арқасында бүгінде мемлекетіміз өркендеп, ілгері басып келеді.  Біздің мемлекетіміздің басты жетістігі еліміздің халықтарының ұлтаралық және конфессияаралық келісімі, өзара түсіністігі мен сыйластығы болып табылады. Қазақстанның көпұлтты халықтары арасындағы бірлік пен ынтымақтастығы нығая берсін! Баршаларыңызға, әр отбасына, әр қазақстандыққа шынайы көңілмен бақыт-береке тілеймін.    Қарағанды  қаласы  білім  бөлімінің  бастығы Д.Жекебаев

  Қарағанды қаласының білім бөлімі 2012 жылғы 26-27 сәуірде мектеп үгітбригадалары арасында «Салауатты тамақтану - салауатты ұлт» қалалық  конкурсын өткізді. Конкурс оқушылар арасында салауатты өмір салтын насихаттау, дұрыс тамақтану дағдыларына оқушыларды бейімдеу, сонымен қатар олардың шығармашылық қабілеттерін айқындау  мақсатында  ұйымдастырылды. Биылғы оқу жылында конкурсқа 67 білім ұйымдарының  үгітбригадалары қатысты. Олардың көріністерін қазылар алқасының құрамына енгізілген қалалық білім бөлімінің мамандары, салауатты өмір салты Орталығының, «Сау ұрпақ» мемлекеттік емес ұйымының, «Жас Отан» жастар қанатының өкілдері, медицина қызметкерлері бағалады. Конкурстың қорытындысы бойынша I жүлделі орынға №95, №97 гимназиялардың, II жүлделі орынға №16, №30 орта мектептердің, №101 мектеп-лицейдің, №9 гимназияның, III жүлделі орынға №23, №73, №46, №51 орта мектептердің, №38 гимназияның  үгітбригадалары ие болды.  Жеке номинацияларда №41, №81,№ 4, №34, №51, №56, №25, №40 орта мектептердің, №57 мектеп-лицейдің, №4 мектеп-интернаттың  үгітбригадалары жеңімпаздар болып атанды. Сонымен қатар, қазылар алқасы № 85, №137, №17 орта мектептер, №92 гимназия, №53 мектеп-лицей оқушыларының  шығармашылық қабілеттерін  және  жақсы  дайындықтарын атап өтті.   Қарағанды қаласының білім бөлімі конкурстың барлық қатысушыларына алғыс айтып,  жаңа  жеңістерге жете берулеріне тілек білдіреді.

  Қарағанды қаласының №2 өнер мектебінде екі күн бойы өткізілген жаңа педагогикалық технологияларды енгізу арқылы  балалар көркем өнер мектептері  мен өнер мектептерінде оқу - тәрбие үдерісін жандандыру тақырыбына арналған VII Республикалық ғылыми-практикалық  коллоквиум өз жұмысын аяқтады. Іс-шараға еліміздің барлық облыстарынан келген қосымша білім беру ұйымдарының 70 жуық басшылары мен педагогтары коллоквиум барысында  қызықты идеяларды  және  манызды ұсыныстарды  ортаға  салды.   2012 жылғы 26 сәуірде өткен салтанатты іс-шарада коллоквиум қорытындысы  шығарылып, сертификаттар табыс етілді. Салтанатты  іс-шараның  ресми бөлігінен  кейін коллоквиумға  қатысқандар №2 өнер  мектебінің  оқушылары  мен  ұстаздары  дайындаған мерекелік концертті тамашалады. Аталған мектеп Қарағандыдағы  қосымша білім беретін ұйымдардың арасындағы үздіктерінің  бірі болып,  дарынды жастарды тәрбиелеу ісіне  үлкен  үлесін  қосып келе жатқанын  атап  кету қажет.

2012 жылғы 20 сәуірде «Қазіргі  заманғы  менеджердің  кәсіби құзырлығын дамыту білім сапасын көтерудің  шарты»тақырыбында ХIV аймақтық  ғылыми-практикалық  конференция өтті. Конференцияға  400  астам педагогтар  қатысты. Білім ұйымдары басшыларының  қатысуымен жалпы отырыс балалар мен  жеткіншектер Сарайында  өткізілді. Конференция пәндік секциялардың жұмысымен  жалғасты. Әр  қатысушыға жыл сайын шығарылатын ғылыми-практикалық конференцияның жинағы тапсырылды.    Жалпы отырыста  «Білім  ұясы» атты  республикалық  конкурстың  облыстық турының қатысушылары - №101 мектеп-лицейдің, №93, 38  гимназиялардың, № 35 мен 51 орта мектептердің директорлары Қарағанды қаласы білім  бөлімінің  алғыс  хатымен  марапатталды.    Ғылыми-практикалық  конференциясының  қорытындысы  ретінде 2011-2020  жылдарға арналған білім дамытудың Мемлекеттік бағдарламасы  талаптарына  сәйкес  білім  дамуының  бағыттарын айқындайтын  шешімдер  қабылданды.

  Қарағанды қаласы білім бөлімінің бастамасымен  2012 жылғы 13-14 сәуірде №57 мектеп-лицейде қала білім ұйымдарының оқушылары арасында қалалық пікірталас турнирі  өткізілді.   Қалалық турнир мектептегі пікірталас ойындарын жандандыру және насихаттау, өскелең ұрпақтың әлеуметтік  білімдерінің дамуына  шарттар  жасау,   оқушылардың қоғамдық белсенділіктерін арттыру, сонымен қатар олардың шешендік  қабілеттерін  дамыту  мақсатында ұйымдастырылды. Турнирге қазақ лигасының 19 командасы және орыс лигасының 19 командасы қатысты.  Оларды  білім ұйымдары  тарих пәнінің  мұғалімдері,  пікірталас  клубының  мүшелері  - академик Е.А. Бөкетов атындағы Қарағанды мемлекеттік  университетінің  студенттері  бағалады. Турнир қорытындысы бойынша жүлделі орындарға қазақ лигасының  командалары: №41 ОМ «Әділет - 6» (1 орын),  №36 ОМ «Самұрық» (2 орын),  №92 гимназия «Әділет - 92» (3 орын);  орыс лигасының  командалары: № 38  гимназия «Форвард» (1 орын), №25 ОМ «Сенім» (2 орын), №92 гимназия «Әділет» (3 орын)  ие болды. Сонымен қатар, қазылар алқасы  турнирдың  үздік  спикерлерін таңдады. Қарағанды қаласының білім бөлімі турнирге белсене қатысқан барлық  командаларға алғыс  білдіреді  және  оқушыларға  жаңа табыс  тілейді.

       Қарағанды қаласы білім бөлімінің бастамасымен 2012 жылғы 18 сәуірде балалар музыка және өнер мектептерінің хор бөлімдері  оқушылары үшін соломен ән айтудың «Vivat, талант!» атты екінші  қалалық  конкурс басталады.      Аталған конкурс балаларға эстетикалық тәрбие беру, жас дарындыларды анықтау  және  қолдау, сонымен қатар, өскелең ұрпақтың  шығармашылық  қабілеттерін  дамыту  мақсатында  ұйымдастырылады.       Конкурс  классикалық  және  эстрада  әндер  бағыттарында өткізіледі. Балалар  6-9, 10-13, 14-17  жас  аралығы бойынша үш топқа бөлінеді.        Байқаудың қорытындысы бойынша жеңімпаздар мен номинаттар  Қарағанды  қаласы  білім  бөлімінің грамоталарымен марапатталады.   

  Қарағанды қаласының білім бөлімі  қалалық  жол полициясы бөлімімен  бірлесе  отырып, 2012 жылғы 11-12 сәуірде  жол қозғалысы  жас  инспекторларының қалалық  байқауын  өткізді.  Байқау  жол-көлік жарақаттануды алдын алу жөніндегі  жұмысты арттыру, жол ережесін нақты сақтау қажеттілігіне балалардың назарын  аудару, балалардың жолда жүру мәдениетін қалыптастыру мақсаттарында  ұйымдастырылған. Биылғы оқу жылында аталған қалалық байқауға 48 білім ұйымдарының оқушылары  қатысты.   Жас  инспекторлар  үздік  білімдерін  жол жүру ережелерінің білімпаздары, эрудиттер, санитарлар конкурстарында, жоғары  дайындықтарын ән мен сап және қазақстандық жол полициясының 20-жылдығына арналған үгітбригадалар  және басқа конкурстарда көрсете білді.  Екі күн  бойы  өткен  байқаудың  қорытындысы  бойынша  жүлделі  орындарға  ие  болғандар: №16 орта мектеп, №101 мектеп-лицей, №77 және № 23 орта  мектептер, №4 мектеп-интернат. Он мектеп әр түрлі номинацияларды  жеңіп алған: №27, 41, 100, 59, 12, 13, 35, 18, 42  орта  мектептер, №39 гимназиясы. Қарағанды қаласының білім бөлімі барлық қатысушыларға және білім ұйымдары отрядтарының жетекшілеріне  алғыс білдіріп,  шығармашылық табыс  тілейді!

  Қарағанды қаласының білім бөлімі мектеп жасындағы балалар мен жасөспірімдер  арасында  тұрмыстық  және жол-көлік жарақаттарының алдын алу жөніндегі  өтіп  жатқан республикалық айлық аясында 2012 жылғы 10 сәуірде №101 мектеп-лицейде «Балалардың жолда жүру мәдениетінің маңыздылығы»  тақырыбында  он-лайн  режимінде  семинар  өткізді. Іс-шараның мақсаты: тұрмыстық және жол-көлік жарақаттануына қоғамның  назарын  тигізу,  жол  ережесін  балаларға  үйрету жөніндегі  жұмысты  арттыру  арқылы жол-көлік апаттарының алдын алу; балалардың тұрмыста және жолда жүру мәдениетін қалыптастыру. Семинарға  қалалық  білім  бөлімінің  мамандары, Қарағанды  қаласының  жол полициясы басқармасының, салауатты өмір салты Орталығының өкілдері, ортопед - дәрігерлер, ата-аналар  қоғамдастығының өкілдері  және  қаладағы  білім  ұйымдарының  мұғалімдері  мен  5-11 сынып  оқушылары  қатысты. Семинар барысында шақырылған мамандардың ақпараттары тыңдалып, балалардың  жолда  жүру  мәдениетін  қалыптастыру  мәселесі  талқыланды. Сонымен қатар,  №68, 77 орта  мектептердің, №101 мектеп-лицейдің және №45, 95 гимназиялардың  жол  қозғалысының  жас  инспекторлары  өз  жұмыстары  туралы баяндап берді.

  2012 жылғы 07 сәуірде Қарағанды облысының Ішкі істер департаменті  жанындағы «Динамо» спорттық кешенінде Қарағанды қаласы білім бөлімінің  қолдауымен Дүниежүзілік денсаулық күніне орай № 66, 35 орта  мектептердің, № 97 гимназияның және қаланың ішкі істер басқармасы командалары арасында  волейболдан  жарыстар  өткізілді. Спорттық жарыстар салауатты өмір салтын насихаттау, жастарды спортқа баулу,  сонымен қатар  оқушылардың  пайдалы бос уақыттарын ұйымдастыру  арқылы, олардың арасында  құқық бұзушылықтың алдын алу мақсатында  ұйымдастырылды. Жарыс  қорытындысы  бойынша I орынға - № 66 орта  мектептің  командасы,  II орынға - № 35 орта  мектептің  командасы, III орынға - №97  гимназияның  командасы  ие  болды. Сонымен қатар, Дүниежүзілік денсаулық  күніне  орайластырылған  спорттық  жарыстар  Қарағанды  қаласының  барлық білім  ұйымдарында  өтті.

  5 сәуір және 11 сәуір аралығында Қарағанды қаласының алты білім ұйымында (№11, 52, 86, 58, 35, 41) Халықаралық PISA-2012 зерттеуі өткізіледі.   PISA зерттеуі (Programme for International Student Assessment) – Халықаралық экономикалық ынтымақтастық және даму ұйымы ЭЫДҰ (OECD - Organisation for Economic Co-operation and Development) жүзеге асыратын бағдарлама. PISA 2012 зерттеуі – 2000 жылдан 60 астам елдердің қатысуымен өткізілетін зерттеудің бесінші циклы.  PISA зерттеуінің мынадай ерекшеліктері: • Ол білім беру саласындағы ең ауқымды халықаралық зерттеулердің бірі болып табылады; • 15-жастағы оқушылар қатысады; • Оқушылардың ересек жастағы өмірге қаншалықты дайын екені бағаланады;  • Оқушылардың оқу, математика және жаратылыстану салаларындағы білім жетістіктері бағаланады. Әдетте, PISA негізгі зерттеуіне әрбір елден 4 500-ден 10 000-ға дейін оқушылар қатысады. PISA зерттеуіне қатысу өте маңызды болып саналады, өйткені зерттеу нәтижелерін: • қазақстандық оқушылар негізгі мектепті бітіргеннен кейін оқуды жалғастыруға қаншалықты дайын екендіктерін анықтауға; • мектептер, білім беру жүйесі және мемлекет туындаған мәселе бағыттарын анықтап, оларды біртіндеп жақсарту үшін; • әртүрлі елдердегі оқушылардың жетістіктерін және білім беру үрдісін салыстыруда қолдануға болады.   2012 жылдың 5 сәуірінде қаламыздың  №11 және № 52 орта мектептерінің 66 оқушысы осы зерттеуге қатысты.

Қарағанда  қаласында 2012 жылғы  26-30 наурыз  аралығында   гуманитарлық  пәндер бойынша оқушылардың Республикалық олимпиадасы өтті.  Олимпиадаға  Қазақстанның  барлық  аймақтарынан  570  дарынды  оқушылар  қатысты. Еліміздің басты интеллектуалдық сайысында Қарағанды облысының  намысын 10-11 сыныптардың 50 оқушысы, олардың ішінде 7 біздің  қаламыздағы  білім  ұйымдарында  оқитын  оқушылар  қорғады.  Республикалық олимпиаданың екі турының  қорытындысы  бойынша  жүлделі  орындарға ие болған қарағандылық оқушылар: Пичугина Дарья, № 1 гимназия - I орын, Уматов Мухаммадсидик, № 97 гимназия - II орын, Ааб Яна, № 1 гимназия - II орын, Балашов Иван, № 2 лицей  - III орын  және  «2012  жылғы  ең  үздік шығарма» номинациясында  диплом,  Юнеман Роман, № 97 гимназия - «Жас полиглот»  номинациясында  диплом, Шагирова Тоғжан, № 38 гимназия - III орын, Ревенко Ольга, № 38 гимназия - IV орын, Аймақ Аружан, № 38 гимназия - Сулейман Демирель атындағы Университетінің  гранты (Алматы қ.). Сонымен  қатар, Қарағанды  облысының  командасы  I  жалпыкомандалық  орынға  ие  болып,  «2012  жылғы  ең  үздік  олимпиадалық  команда»  болып  танылды. Қарағанды қаласының білім  бөлімі  олимпиада  жүлдегерлерін, мұғалімдерді және  ата-аналарды  құттықтап,  оқушыларға  табыс  пен  жаңа  жеңістер  тілейді!