Наурыз мейрамы қарсаңында Қарағанды қаласының білім бөлімі 2013 жылғы 15 наурыза №39 гимназияда «Жыл басы-Наурыз» атты оқушы жастар арасында қалалық айтыскерлер сайысын өткізді.   Сайыс ұлттық мәдени құндылықтарды насихаттау, айтысты халық ауыз поэзиясы формаларының бірі ретінде дәріптеу; дарынды жастарды қолдау, сонымен қатар оқушыларға рухани-адамгершілік және патриоттық тәрбие беру мақсатында ұйымдастырылды.  Байқауға қала мектептерінен 26 оқушы қатысты, олар ән сайысы барысында өз пікірлерін білдіре отырып, домбырадағы тамаша ойындарын көрсетті. Айтыскерлер Наурыз мейрамының тарихы бойынша білімдерімен сайысып, мерекеге байланысты негізгі дәстүрлер және қазақ халқының басты рухани құндылықтары туралы айтты. Сайыс қорытындысы бойынша жүлделі орындарға ие болғандар: Бас жүлде - Ғалым А. (№39 гимназия); I орын - Боткай Д. ( «Дарын» мектебі); II  орын - Әділов М. (№65 орта мектебі), Хоичбай Х. (№8 орта мектебі); III орын- Аманқұл А. (№18 орта мектебі), Борашева А. (№36 орта мектебі), Хурмет Ө. (№68 МББК).      

Қарағанды қаласының білім бөлімі Наурыз мейрамы қарсаңында 2013 жылғы 12 наурызда №23 орта мектебінде жеке күй орындаушылар мен ұлттық аспаптар ұжымдары арасында «Күй қайнары» атты байқау-фестивалін ұйымдастырды. Байқау дарынды оқушыларды қолдау, күй өнерін және ұлттық мәдени  дәстүрлерді насихаттау мақсатында өткізілді.  Байқауға білім беру ұйымдарынан 50 оқушы және ұлттық аспаптарының 5 ұжымы қатысты. Музыкалық сайыс қорытындысы бойынша келесі жеңімпаздар анықталды: ұжымдар арасында: Гран-при - №23 ОМ, I орын - №12 ОМ, II орын - №36, 81 ОМ; III орын - №92 гимназия; күй орындаушылар арасында - 11-13 жастағы категорияда: Гран-при - Наурызұлы Бексұлтан (№8 ОМ), I орын - Төлеуғазин Ақтілек (№36 ОМ); II орын - Сейтжанова Фарида («Мұрагер» мектебі), Нұрмағанбетов Арыстан (№92 гимназия); III орын - Диас Қайрат (№50 ОМ), Мұсатай Жанель (№10 ОМ). 14-17 жастағы категорияда: Гран-при - Қылышбаев Нұрболат (№12 ОМ); I орын - Сүлейменова Ляззат (№61 ОМ), Әбен Жасұлан (№92 гимназия); II орын - Садуақас Дарын (№81 ОМ), Несіпбаева Фариза (№68 МББИК); III орын - Шаймерден Дәурен (№77 МББК), Копеев Серік (№57 МЛ), Түймебаева Айсұлу (№10 ОМ). Гран-при, I және II орындарға ие болған  жеңімпаздар «Күй қайнары» облыстық байқау-фестиваліне қатысады. 

Қарағанды қаласының білім бөлімі 2013 жылғы 05 наурызда №2 өнер мектебінде Халықаралық әйелдер күніне арналған салтанатты іс-шара өткізді.  Мерекеге қалалық білім бөлімінің мамандары, ардагер ұстаздар, қала мектептерінің директорлары және олардың орынбасарлары, мұғалімдер қатарынан көп балалы аналар қатысты. Іс-шара барысында Қарағанды қаласы білім бөлімінің бастығы Д.Ш. Жекебаев, білім қызметкерлерінің аудандық кәсіподақ ұйымдарының төрағалары И.М. Тришкина, Э.В. Литвиненко, сонымен қатар білім беру ұйымдары директорларының шығармашылық тобы және қала мектептері мұғалімдерінің хоры әйел қауымын құттықтады.   Мерекеде өздерінің музыкалық құттықтауларын «Аяла», «Волшебная страна» би ұжымдары, «Бозторғай» вокал тобы, №2 өнер мектебінің оқытушысы Ж.С. Сәдуақасов, №27 орта мектеп мұғалімі Е.Ермек сыйға тартты. Сонымен қатар, іс-шарада Халықаралық әйелдер күні қарсаңында педагог-әйелдерді Қарағанды қаласы әкімінің, Қарағанды облысы білім басқармасының, қалалық білім бөлімінің құрмет грамоталарымен және алғыс хаттарымен марапаттау рәсімі өткізілді. Қарағанды қаласының білім бөлімі барлық әйелдерді көктемнің тамаша мерекесі 8 наурыз күнімен шын жүректен құттықтай отырып, зор денсаулық, мол бақыт, сәттілік пен береке тілейді! 

  2013 жылдың 20 ақпанында № 95 мектеп-гимназия «Алғырлар - 2013» атты үздік зерттеу жобалары фестиваліне есігін ашты. IІІ қалалық   жас зерттеушілердің  «Алғырлар - 2013» фестивалі  –  бұл Қарағанды қаласының инновациалық, эксперимендалдық  және  жалпы орта білім беретін  мектептеріндегі дарынды оқушыларды анықтаудың бір тәсілі. Алғырлар – 2013» атты фестиваль Қарағанды қаласы Білім бөлімінің ұйымдастыруымен өткізілді.  Қуантатын жағдай, қонақтардың сұрақтарына  оқушыларымен бірге ғылыми жетекшілері де жауап берді. Жетекшілер -  Қарағанды мектептерінің шығармашылық ізденіс үстіндегі  мұғалімдер, жас зерттеушілердің ғылыми ізденуіне жол ашушылар.  Пленарлық отырыста  №38 гимназия, № 6, 58, 77 ЖББОМ ең үздік жоба жұмыстары тыңдалды.    Бүгін өз жобаларын 39 оқушы (11 инновациялық  - № 1, 3, 9, 38, 45, 53, 57, 93, 95, 97, 101), 6 эксперименталдық  (1, 3, 13, 35, 23, 33) және 13 жалпы білім беретін мектептері (№ 6, 77, 58, 83, 15, 65, 64, 23, 35, 16, 48, 76, 86) ұсынды, бұл әрқайсы үшін – жеке кішкене ашулар.  Жобаларды «Тіл және әдебиет», «Язык и литература», «Физика, математика», «Информатика», «Валеология», «Химия и биология» атты 6 секцияда  қазақ және орыс тілдерінде қорғады. Биылғы жылдың секциялар жұмысының ерекшелігі, оқушылардың зерттеу жұмыстарын іріктегенде Қарағанды қаласы білім бөлімінің әдіскерлері атсалысты, үздік 6 жұмысты облыс деңгейіне ұсынды:  толығырақ...

Қарағанды қаласының білім бөлімі 2013 жылғы 14 ақпанда №68 МИББК негізінде алғашқы рет оқушы жастар арасында қалалық айтыскерлер сайысын өткізді.   «Бала тәрбиесі - өзекті мәселе» тақырыбындағы сайыс ұлттық мәдени құндылықтарды насихаттау, айтысты халық ауыз поэзиясы формаларының бірі ретінде дәріптеу; дарынды жастарды қолдау, сонымен қатар оқушыларға рухани-адамгершілік тәрбие беру мақсатында ұйымдастырылды.  Байқауға қала мектептерінен 14 оқушы қатысты, олар ән сайысы барысында өз пікірлерін білдіре отырып, домбырадағы тамаша ойындарын көрсетті. Айтыскерлер тәрбиедегі жанұяның рөлі, отбасылық құндылықтардың маңыздылығы, ұлттық салт-дәстүрлерді кеңінен насихаттау қажеттілігі жөнінде, сонымен қатар жастарға интернеттің жағымсыз әсері және балалардың компьютермен шамадан тыс айналысуы туралы айтып өтті.    Сайыс қорытындысы бойынша жүлделі орындарға ие болғандар: Гран-при - Доскей Б., облыстық дарынды балаларға арналған «Дарын» мектеп-интернаттың оқушысы; I орын - Әділов М., №65 орта мектептің оқушысы; II орын - Рыспай Қ., №39 гимназияның оқушысы, Шәріпбеков Ә., №77 МББК оқушысы; III орын - Несіпбай Е., №68 МИББК оқушысы, Тулегулов Т., №54 орта мектептің оқушысы.   

  2013 жылғы 09 ақпанда балалар мен жеткіншектер Сарайында Қарағанды қаласы білім бөлімінің «Ашық есіктер күні» өткізілді. Жыл сайын өткізілетін іс-шара барысында білім бөлімінің мамандары қаланың білім ұйымдарындағы оқу-тәрбие үрдісінің әртүрлі мәселелері бойынша азаматтарды қабылдады. Барлығы 63 өтініш қарастырылды. Түскен өтініштердің көбісі, барлығы 39 сұрақ, балабақшалардағы кезекшілік, баланы бір мектепке дейінгі ұйымнан басқа ұйымға ауыстыру бойынша қойылды. Балаларды мектепке дейінгі дайындық сыныптарына орналастыру бойынша 10 сұрақ, ал оқушыларды гимназияларға қабылдау жөнінде 7 өтініш түсті. Сонымен қатар азаматтарға ОЖСБ өткізу ережелері, негізгі мектепті бітірген оқушылардың оқуды жалғастыруы, көлікте жеңілдікпен жүру, №21 орта мектептегі спорттық залды жөндеу және басқа мәселелер бойынша түсініктеме берілді.   «Ашық есіктер күні» аясында Қарағанды қаласы білім бөлімінің бастығы Д.Ш. Жекебаев қала мектептерінің қамқоршылық және ата-аналар комитеттерінің төрағаларымен және білім ұйымдарының басшыларымен кездесті. Кездесу барысында 2012 жыл бойынша білім бөлімінің жұмыс қорытындылары және алдағы уақыттағы басты мәселелер айтылды. Өткізілетін жұмыс жөнінде қалалық қамқоршылық кеңесінің төрағасы Р.Р. Зиязитдинова сөз сөйледі. Кездесу соңында ата-аналар өз сұрақтарын қойды.

  Қарағанды қаласының Күнін мерекелеу қарсаңында 2013 жылғы 05 ақпанда балаларды қосымша біліммен одан әрі қамту, оқушылардың шығармашылық және спорттық қабілеттерін дамыту мақсатында қаламыздағы көп салалы мектептен тыс ұйымы - балалар мен жеткіншектер Сарайының бөлімшесі Сұрыптау кентіндегі №22 мектеп-интернат жанында ашылды.  Бөлімшенің салтанатты ашылуына Қарағанды қаласы әкімінің орынбасары И.Ю. Любарская, қалалық мәслихаттың хатшысы Оспанов Қ.Н., қалалық білім бөлімінің басшылығы, оқушылар, педагогтар және ата-аналар қатысты.  Бөлімшеде бүгінгі күні 300 жуық бала қытысып жүрген бейнелеу және қолданбалы өнерінің, хореографиялық, вокалдық, театрлық шеберліктің үйірмелері, шахмат секцияларының және тағы басқалардың жұмысы ұйымдастырылды.    Іс-шара барысында қатысушылар үйірмелердің және секциялардың жұмысымен танысып, балалар мен жеткіншектер Сарайының шығармашылық ұжымдары дайындаған концерттік бағдарламаны тамашалады. Бөлімшенің оқушылары мен педагогтарына қала әкімдігінен бағалы сыйлық табыс етілді.

  Мектепке дейінгі ұйымдар тәрбиеленушілері арасында дене шынықтыру мен спортты дәріптеу, балаларды салауатты өмір салтына қатыстыру мақсатында Қарағанды қаласы білім бөлімінің ұйымдастыруымен 2013 жылғы 28 қаңтарда «Батыр» балабақшасында мектепке дейінгі үлкен жастағы балалар үшін  «Толағай» атты қалалық спорттық жарыстар басталды. Сонымен қатар, спорттық жарыстар «Алтынай», «Тілек», «Балдырған» балабақшаларының негізінде өткізіліп, 2013 жылғы 31 қаңтарға дейін болады. Жалпы жарыстарға 400 жуық балалар қатысып, өздерінің күштерін, жылдамдықтарын, сонымен қатар спорттық және жылжымпаздық машықтарын көрсетеді. Іс-шара қорытындысы бойынша жүлделі орындарға ие болған жеңімпаздар және «Ең спорттық команда», «Жас спорт дарындылары», «Жас олимпиадалықтар», «Болашақ рекордшылар» номинациялар бойынша жүлдегерлер анықталады. 

  Қарағанды қаласының білім бөлімі 2013 жылғы 17 қаңтарда №93 гимназияда 15 жалпы пәндер бойынша өткен республикалық олимпиаданың қалалық кезеңінің жеңімпаздарын салтанатты марапаттау рәсімін өткізді.  Ағымдағы жылы олимпиаданың қалалық турына 1599 қатысты, олардың 186 жүлделі орындарға ие болды. Қалалық олимпиаданың жеңімпаздары мен жүлдегерлері білімнің әр салаларында үздік болуға айтулы ынталарын көрсете білді. Жоғары нәтижеге №93, 97 гимназиялардың, №2 лицейдің, №38, 3, 9, 39,1, 92, 45 гимназиялардың және №101 мектеп-лицейдің оқушылары қол жеткізді. Интеллектуалды сайыстың қорытындысы бойынша «Ең үздік олимпиада командасы» №93 гимназияның командасы болып танылды. Олар 10-бірінші, 7-екінші, 5-үшінші жүлделі орындарға ие болды. Сонымен қатар, №6, 61, 41, 12, 66, 68, 74, 76, 41, 81 жалпы білім беретін мектептер оқушыларының қатысуы нәтижелі болды. Білім бөлімі басшылығының және мамандарының, білім ұйымдары мұғалімдерінің және ата-аналардың қатысуымен өткен салтанатты іс-шара барысында олимпиада жеңімпаздары және жүлдегерлері білім бөлімінің дипломдарымен және бағалы сыйлықтармен марапатталды. №2 өнер мектебінің оқушылары өз өнерлерімен бөлісті.

  2013 жылдың 8-9 қаңтарында 15 жалпы білім беретін пәндерден оқушылардың Республикалық олимпиадасының ІІІ (облыстық) кезеңі өтті. Биылғы жылы олимпиаданың бұл кезеңінде Қарағанды қаласының білім ұйымдарынан 68 оқушы қатысты. Оқушылардың 51 олимпиада жүлдегерлері және жеңімпаздары (1 орын – 11, 2 орын – 19, 3 орын – 21) болды, сонымен бірге пәнді жетік меңгергені үшін 6 оқушы құрмет грамотамен марапатталды. Жеңімпаздарымыз Қарағанды қаласының абыройын Талдықорған және Тараз қалаларында өтетін олимпиаданың Республикалық кезеңінде қорғайды (облыстық кезеңде 1-2 орын алған жеңімпаздарымыздан таңдау жасалады).  Облыстық олимпиаданың жүлдегерлері және жеңімпаздары әр –түрлі білім салаларының ең үздігі аталуға мақтанарлық талпыныстарын көрсетті. № 2 лицей, № 38, 93, 97, 1, 3, 45 гимназия, № 101 мектеп-лицей оқушылары тамаша табыстарға ие болы.    қорытындысы

Қарағанды қаласы білім бөлімінің бастамасымен №3 гимназияда оқушылар арасында қысқы қалалық пікірталас турнирі өткізілді. Турнирге қазақ лигасының 7 командасы және орыс лигасының 10 командасы қатысты.  Пікірталас турнирі өскелең ұрпақтың әлеуметтік біліктілігін дамыту, оқушылардың белсенді азаматтық ұстанымдарын қалыптастыру, сонымен қатар жастар арасында пікірталас қозғалысын насихаттау мақсатында ұйымдастырылды. Басты сот комиссиясының құрамына «Қазақстан болашағы үшін жастар қозғалысы» қоғамдық бірлестігінің және қаладағы білім беру ұйымдарының мұғалімдері кірді. Турнирдің қорытындысы бойынша қазақ лигасының командалары арасында жүлделі орындарға ие болғандар: I орын-« Әділет-7» (№41 ОМ), II орын-«Сұңқар» (№61 ОМ), III орын - «Әділет-6» (№41 ОМ); орыс лигасының командалары арасында: I орын - «Форвард» (№38 гимназия), II орын - «Лидер» (№9 гимназия), III орын - «А.В.А.» (№97 гимназия). Сонымен қатар, үздік спикерлер ретінде Есентаев Ж., Турганбаев А. (№41 ОМ), Аденов Қ. (№61 ОМ), Жилкибаева А., Лежнина М. (№38 гимназия), Попов В. (№97 гимназия) анықталды. 

Қарағанды қаласының білім бөлімі сіздерді санаулы күндерден кейін табалдырығымыздан аттайтын Жаңа 2013 жылмен шын жүректен құттықтайды!   Жаңа жыл - әрбір адамның жыл сайын асыға күтетін ең бір тамаша да әсерлі, болашаққа үлкен үміт артып, жақсы тілек ететін мерекелерінің бірі. Бұл күні өткенді саралап, келешекке бағыт-бағдар жасаймыз. Үміт пен сенімге толы осы сәтте өткен жылды қортындылаймыз. Алдымыздағы жаңа мақсат-міндеттерді белгілейміз. Өткен жыл еліміз үшін шын мәнінде бірлік пен берекенің, жаңа жетістіктер мен мүмкіндіктердің жылы болды деп айтуға болады. Олай болса келе жатқан жыл кең байтақ елімізге молшылық, қасиетті жерімізге құт береке әкелсін деп тілейік.  Құрметті әріптестер! Жаңалық пен жақсылықты үміт ететін Жаңа жыл барлықтарыңызға шаттық, мол табыс, құт-береке әкелсін, еңбектеріңіз жемісті болсын. Әр жанұяға бақыт құсы ұялап, қуаныш сыйласын.  Жаңа жыл құтты болсын!     Қарағанды қаласы білім бөлімінің бастығы Д. Ш. Жекебаев