Қазақстан халқы Ассамблеясының 20-жылдығын мерекелеу аясында 2015 жылғы 09 қаңтарда «Балақай» балабақшасында осы мектепке дейінгі ұйымның және балабақша ашылған күннен бастап жұмыс істеп жатқан Достық Залының 5 жылдық мерейтойына арналған салтанатты ісшара өтті.  Достық Залы облыстағы жалғыз балалар Қазақстан халқы Ассамблеясы болып табылады, онда  балалар ойын түрінде Қазақстанда тұратын әртүрлі ұлт өкілдерінің дәстүрлерімен және әдет-ғұрыптарымен танысады.  Балабақшада «Балалардың көпмәдениетті тәрбиесін» бағдарламасы белсенді түрде іске асырылады, оның мақсаты балаларда мәдениетаралық құндылықты, әртүрлі ұлт өкілдерімен жақсы қарым-қатынасты құру болып табылады. Көпмәдениетті тұлғаны қалыптастыру әртүрлі жұмыс түрлері арқылы жүзеге асады: ойын әрекеті, тақырыптық сабақтар, өзіндік көркемөнер жұмыстары, мерекелік және ойын-сауық бағдарламаларды ұйымдастыру.    Ісшараға облыстық білім Басқармасының, Қарағанды қаласы білім бөлімінің мамандары, ата-аналар қоғамдастығы, білім беру қызметкерлерінің кәсіподақ өкілдері және басқалар қатысты, олар  құрылған күнінен бастап балабақшаның тарихымен, жетістіктерімен және дәстүрімен танысты.  Ісшараға қатысушыларға Достық Залына және лингвистика кабинетіне экскурсия ұйымдастырылды. Қонықтар және қатысушылар алдында шығармашылық нөмірлермен балабақшаның тәрбиеленушілері өнер көрсетті.  

Ең  қызықты  мерекелерінің  бірі - Жаңа  жыл мерекесі  қарсаңында К. Станиславский атындағы Қарағанды облыстық орыс драма театрында 2014 жылғы 25 желтоқсанда Қарағанды қаласы әкімінің атынан қайырымдылық жаңа жылдық шырша мерекесі өткізілді. Ісшараға әлеуметтік-қорғалмаған отбасылардан 200-ден астам бала қатысты.  Балалар үшін Аяз Ата мен Ақшақардың және ертегі кейіпкерлерінің қатысуымен нағыз мереке ұйымдастырылды. Қала әкімімен бірге балалар мерекелік шыршаның шамдарын жағып, жаңа жылдық ертегіні тамашалады. Қарағанды қаласының әкімі Н.Е. Әубәкіров кішкентай қарағандылықтарды келе жатқан Жаңа жылмен құттықтады және балаларға оқуда үздік болуын, барлық армандарының орындалуын тіледі.   Жаңа жылдық мереке соңында балаларға «Теремок» атты театрланған ертегі көрсетіліп, сыйлықтар табыс етілді. 

Қазақстан Республикасының Тәуелсіздік Күні қарсаңында Балалар мен жеткіншектер Сарайында ту көтеруші топтардың V облыстық байқауының финалы өткізілді. Финалға Қарағанды қаласының 20 астам мектептері қатысты. Байқау оқушыларға әскери-патриоттық тәрбие беру, олардың белсенді азаматтық ұстанымдарын қалыптастыру, сонымен қатар Қазақстан Республикасының мемлекеттік рәміздеріне құрметпен қарауды тәрбиелеу мақсатында ұйымдастырылды. Облыстық байқаудың қорытындысы бойынша жүлделі орындарға келесі қала мектептері ие болды: №93 гимназия және №32 ОМ (2 орын), №45 гимназия (3 орын), №34 ОМ (4 орын)

Қазақстан Республикасының Тәуелсіздік Күнін мерекелеу қарсаңында және Қарағанды қаласының 80-жылдығы аясында Қарағанды қаласының білім бөлімі және М. Жумабаев атындағы №39 гимназия 2014 жылдың 12 желтоқсанында Қарағандыда алғашқы рет «Мектеп. Отбасы. Мемлекет» тақырыбында Халықаралық ғылыми-тәжірибелік конференция өткізді.   Конференция Елбасы Н.Ә. Назарбаевтың Қазақстан халқына «Нұрлы жол-Болашаққа бастар жол» атты биылғы Жолдауында қойған маңызды мақсаттарды іске асыру, отбасы институтын дамыту және оның мәртебесін жетілдіру, отбасылық құндылықтарды насихаттау, сонымен қатар отбасы мен мектеп арасындағы ынтымақтастықты дамыту мақсатында ұйымдастырылды. Алқалы жиында Қарағанды қаласы білім бөлімінің басшысы Д.Ш. Жекебаев құттықтау сөз сөйледі. Өз баяндамаларын Испания, Канада, Монголия, ҚХР, Литва, Мексика және басқа да елдерден келген мектеп және жоғары оқу орындарының  педагогтары ұсынды. Сонымен қатар, конференцияға Қарағанды қаласы мектептерінің директорлары мен педагогтары, Қарағанды қаласының отбасылық тәрбие Орталығының өкілдері, ата-аналар қауымдастығы қатысты.    Алқалы жиыннан кейін конференцияға қатысушылар және қонақтар тренинг форматында өткізілген үш секцияның жұмысына және гимназияның тарихи-этнографиялық мұражайына экскурсияға қатысты. Ісшара соңында қатысушыларға шығармашылық бағдарлама ұсынылып, онда 11 сынып оқушылары дайындаған спекталь, «Шолпан» үлгілі би ансамблінің билері және гимназия оқушылары мен педагогтары дайындаған қойылымдар көрсетілді.

Қоғамның зерделі таңдаулыларын қалыптастырудың тиімді бір жолы -  оқушылар арасында  жалпы білімдік пәндер бойынша Республикалық  олимпиада өткізу.  Олимпиада оқушылар мен ұстаздардың өзін көрсете білуіне мүмкіндік бере отырып,  дарынды жастарды анықтауға және талантты жастардың одан әрі дамуына мүмкіндік туғызады, оқушылардың  зияткерлік іс-әрекетін ұйымдастырады.    Республикалық олимпиада 5 кезеңде өткізіледі.  2014 жылдың қараша айында Қарағанды қаласының барлық мектептерінде  І-ші  (мектепішілік)  кезеңі өтті.  Олимпиадаға қатысушылар санының жыл сайын өсуінен  оқушылардың ғылыми жұмысқа деген қызығушылықтарының өсуі  жайлы, немесе  жеке пәндерді тереңдетіп оқып-үйренуде  қызығушылықтарының өсуі туралы пікір айтуға болады.Биылғы жылы  Қарағанды қаласында 2014 жылдың 11-12 желтоқсанында өткізілген  олимпиаданың  ІІ кезеңінде (қалалық)  мектепішілік кезеңнің 1600 жеңімпазына өздерінің зерделі қабілеттері мен білімдерін көрсетуге тамаша мүмкіндік берілді. Биылғы жылы  ағылшын, қазақ, орыс тілдері, Қазақстан тарихы, география, математика пәндері   танымал пәндер болып табылды.  Пәндік олимпиадалар Қарағанды қаласының сегіз білім ұйымында (№ № 3,16,23,48,63,81,95,101) өткізілді. Қалалық олимпиада – оқушылар мен тәлімгерлер үшін  өте маңызды сынақ. 2015 жылдың қаңтар айында олимпиаданың облыстық кезеңінде жеңімпаздар Қарағанды қаласын көрсетеді. Қарағанды қаласының білім бөлімі оқушылардың 2014-2015 оқу жылында  Қарағанды қаласын  тек облыстық қана емес, республикалық кезеңде де лайықты түрде көрсететіндеріне сенеді, әрі  қалалық олимпиаданың барлық қатысушылары мен тәлімгерлеріне сәттілік, шығармашылық жеңіс, ғылыми жаңалықтар мен жаңа биіктерге жетуді тілейді.

2014 жылы 11 желтоқсанда «Қарағанды қаласының білім бөлімі» ММ қаламыздың мектепке  дейінгі ұйымдары арасында Қазақстан республикасының Тәуелсіздік Күні мерекесі қарсаңында өткізілетін дәстүрлі іс –шараға айналған «Менің елім – Тәуелсіз Қазақстан» атты патриоттық ән фестивалінің гала-концертті өткізді. Іріктеу кезенінде 39 балабақша және 13 шағын орталықтардан 547 бала  қатысты. Гала-концертке 18 мектепке дейінгі  мекемеден 131 бала қатысты. Балалар туған жері, сүйікті қаласы, тәуелсіз және гүлденіп жатқан  Отаны туралы әндерді сезімталдықпен және әсерлі орындады.Фестиваль соңында балалар бағалы сыйлықтармен және дипломдармен марапатталды.

2014 жылдың 3-5 желтоқсаны аралығында  ҚР Білім және ғылым миистрлігімен  Теміртау қаласында жаратылыстану-математикалық бағытындағы пәндер  бойынша  Республика мектептерінің 11 сынып оқушылары арасында VII Президенттік олимпиаданың қорытынды кезеңі өтті. Мемлекет басшысы Н.Ә.Назарбаевтың жеке тапсырмасы бойынша өткізілетін олимпиаданың басты идеясы - отаншылдық рухты,  интеллектуалды,  мықты, жоғары білімді қазақстандық оқушыларды тәрбиелеу және жаратылыстану-математикалық ғылымды тереңдеп оқу. Президенттік олимпиаданы жүргізу барысында дарынды балаларды анықтау және іріктеу  үшін әртүрлі тәсілдер қолданылды: олимпиаданы on-line түрде өткізу, тест жүргізу, эссе жазу, теориялық және тәжірибелік тапсырмаларды орындау. Олимпиада не бәрі алтыншы рет жүрізіліп отырса да республикамыздың ұстаздары, оқушылары мен ата-аналары арасында жағымды пікірге ие болды. Қорытынды кезеңге ҚР 18 өңірінен барлығы 173 оқушы қатысты. Қарағанды облысынан   барлығы  14 оқушы қатысып, оның ішінде 6 оқушы Қарағанды қаласы білім ұйымдарының намысын қорғады (№2 лицей – 5 оқушы, №38 гимназия – 1 оқушы).  Алтын медальге ие болып, І дәрежелі дипломмен марпатталған: № 38 гимназия 11 сынып оқушысы – Дарья Шестакова № 2 лицей 11 сынып оқушысы – Александр Наумов Қүміс медальге ие болып, ІI дәрежелі дипломмен марпатталған № 2 лицей 11 сынып оқушысы – Марк Исаев Қола медальге ие болып, ІІІ дәрежелі дипломмен марпатталған: № 2 лицей 11 сынып оқушысы – Ярослав Степанов № 2 лицей 11 сынып оқушысы – Алишер Турсумбеков Жаратылыстану-математикалық бағытындағы пәндер  бойынша  Республика мектептерінің 11 сынып оқушылары арасында өткен VII Президенттік олимпиаданың жеңімпаздары Қазақстан Республикасы жоғары оқу орындарының грант иегерлері атанды. Жеңімпаздарды, білім ұйымдарын және...

Қазақстан Республикасының Тұңғыш Президенті Күні 2014 жылғы 01 желтоқсанда балалар мен  жеткіншектер Сарайында Елбасы Н.Ә.Назарбаевтың бастамасымен 2011 жылы құрылған «Жас Ұлан» бірыңғай републикалық балалар мен жасөспірімдер ұйымының қатарына білім беру ұйымдарының оқушыларын  салтанатты  қабылдау өткізілді.   «Жас Ұлан» ұйымының негізгі мақсаттары өскелең  ұрпақтың  патриоттық  сезімдерін арттыру, оқушылардың қоғамдық, әлеуметтік, танымдық және шығармашылық қабілеттерін дамыту; оқушы жастардың әлеуметтік маңызы бар  бастамаларын  жүзеге  асыру болып  табылады. Қазіргі уақытта қала бойынша «Жас Ұлан» БЖҰ қатарында 11 мың жуық оқушылар бар.   Салтанатты ісшара барысында жас «жасұландықтар» салтанатты  түрде  ант  беріп, оларға арнайы  шақырылған  қонақтар, нақты айтқанда ардагер ұстаздар  көк түсті галстуктерді тақты. Салтанатты ісшара соңында оқушыларға Қазақстан Республикасының Тұңғыш Президеті Н.Ә. Назарбаевтың өмірбаяны және еңбек жолы туралы деректі фильм көрсетілді.

Қарағанды қаласы білім бөлімінің қолдауымен балалар мен жеткіншектер Сарайында 2014 жылғы 29 қарашада Қазақстан Республикасының Тұңғыш Президенті Күніне арналған  «Менің елім - Қазақстан» атты қалалық мерекелік фестиваль өткізілді.  Фестиваль оқушыларға рухани-адамгершілік және патриоттық тәрбие беру, Тәуелсіз Қазақстанның жетістіктері үшін өскелең ұрпақта мақтаныш сезімін қалыптастыру, сонымен қатар оқушыларды шығармашылық пен мәдениетке тарту мақсатында ұйымдастырылды.  Мереке барысында көптеген облыстық, республикалық және халықаралық байқаулар мен фестивальдардың жеңімпаздары балалар мен жеткіншектер Сарайының шығармашылық ұжымдары мен ансамбльдері, оның ішінде «Волшебная страна», «Ритмы», «Искорка» үлгілі хореографиялық ансамбльдер, «Джеронимо» заманауи би ансамблі, көптеген республикалық байқаулардың жеңімпазы Мауиянов Медет және басқалар өздерінің музыкалық қойылымдарымен бөлісті.   Фестивальға қала мектептерінің 300 астам оқушылары мен педагогтары қатысты. 

2014 жылдың 3-5 желтоқсаны аралығында Қарағанды және Теміртау қалаларында жаратылыстану-математикалық бағытындағы пәндер бойынша VII Президенттік олимпиаданың қорытынды (республикалық) кезеңі  өтеді. Бұл кезеңге Қазақстан Республикасының барлық өңірінен 11 сыныптың 173 оқушысы қатысады. Қарағанды облысы командасының намысын  16 оқушы қорғамақ, оның 6 оқушысы Қарағанды қаласының білім ұйымдарында оқиды. Олар: 1. Наумов Александр –№ 2 лицей 2. Степанов Ярослав –№ 2 лицей 3. Шестакова Дарья –№ 38 гимназия 4. Турсумбеков Алишер –№ 2 лицей 5. Исаев Марк –№ 2 лицей 6. Яушев Рустем –№ 2 лицей 2014 жылдың  2 желтоқсанында Қарағандыға келген қатысушылар командаларын Қарағанды қаласы білім ұйымдарының өкілдері қарсы алды.  3 желтоқсанда Теміртау қаласының  Қарағанды мемлекеттік индустриялық университетінде VII Президенттік олимпиаданың ашылу салтанаты өтеді. Барлық қатысушыларға қорытынды кезеңді сәтті және лайықты өтуді тілеміз. Ең мықтылар жеңсін!

Қазақстан Республикасы Тұңғыш Президенті Күнін мерекелеу аясында Қарағанды қаласының білім бөлімімен 2014 жылғы 25-27 қараша аралығында Теміртау қаласындағы Қазақстан Республикасы Тұңғыш Президентінің Орталығына қаланың білім беру ұйымдары 6-10 сынып оқушыларының экскурсиялары ұйымдастырылды. Экскурсиялар оқушыларды қазақстандық патриотизм рухында тәрбиелеу, олардың өз елі және оның жетістіктері үшін мақтаныш сезімдерін жетілдіру мақсатында өткізілді. Экскурсия барысында оқушылар Тәуелсіз Қазақстанның тарихымен, Қазақстан Республикасы Тұңғыш Президенті Нұрсұлтан Әбішұлы Назарбаевтың өмірбаянымен, еңбек және саяси жолымен танысты. Экскурсияларға жалпы қала мектептерінің 100 жуық оқушылары мен педагогтары қатысты.  

Қарағанды қаласы білім бөлімінің бастамасымен 2014 жылғы 10 қарашада №57 мектеп-лицейінде білім беру ұйымдарының оқушылары арасында қалалық пікірталас турнирі өткізілді. Турнир «Әлеуметтік желілерде цензура ақталған» және «Үкімет Қазақстан Республикасының зейнетақы жүйесін жастар арасында жариялаудың тиімді механизмін ұсынады».  Қалалық турнир оқушылардың белсенді азаматтық ұстанымын қалыптастыру, олардың көшбасшылық және шешендік қабілеттерін дамыту, сонымен қатар мектептік пікірталас ойындарды жандандыру мақсатында ұйымдастырылды. Турнирге қаланың 32 мектебінен 39 команда қатысты. Қатысушыларды қазылар алқасының мүшелері, оның құрамындағы қалалық білім бөлімінің мамандары, Е.А. Бөкетов атындағы Қарағанды мемлекеттік университетінің студенттері - пікірталас клубының мүшелері, білім ұйымдарының тарих пәні бойынша мұғалімдері бағалады. Пікірталас турнирінің қорытындысы бойынша жүлделі орындарға ие болған командалар анықталды: қазақ лигасы - «Әділет 7» №41 ОМ (Бас жүлде), «Алаш» №57 МЛ (1 орын), «Әділет 8» №41 ОМ (2 орын), «Жас сұңқар» №18 ОМ (3 орын); орыс лигасы - «45 калибр» №45 гимназия (Бас жүлде), «Лидер» №9 гимназия (1 орын), «Альфа-спираль» №30 ОМ (2 орын), «Авангард» №93 гимназия (3 орын). Турнирдің үздік спикерлері ретінде Муратов Ж., №41 ОМ (қазақ лигасы); Чугунова В., №97 гимназия (орыс лигасы) атанды. Жеңімпаз командалар және үздік спикерлер Қарағанды қаласы білім бөлімінің грамотасымен және естелік сыйлықтармен марапатталды.