Қоғамның зерделі таңдаулыларды қалыптастырудың тиімді бір жолы -  оқушылар арасында  жалпы білім беретін пәндер бойынша оқушылардың Республикалық олимпиадасын өткізу.  Олимпиада оқушылар мен ұстаздардың өзін көрсете білуіне мүмкіндік бере отырып,  дарынды жастарды анықтауға және талантты жастардың одан әрі дамуына мүмкіндік туғызады, оқушылардың  зияткерлік іс-әрекетін ұйымдастырады.    Республикалық олимпиада 5 кезеңде өткізіледі.  2016 жылдың қараша айында Қарағанды қаласының барлық мектептерінде  І-ші  (мектепішілік)  кезең өтті.  Оқушылардың ғылыми жұмысқа және жеке пәндерді тереңдетіп оқып-үйренуде  қызығушылықтарының артуын олимпиадаға қатысушылар санының жыл сайын көбеюінен  байқауға болады. Осы күндері  Қарағанды қаласында өткізіліп отырған олимпиаданың  ІІ кезеңінде (қалалық)  өздерінің зерделі қабілеттері мен білімдерін көрсетуге мектепішілік кезеңнің 1578 жеңімпазына тамаша мүмкіндік берілді. Биылғы жылы  ағылшын, қазақ, орыс тілдері, Қазақстан тарихы, география, математика пәндері   танымал пәндер болып табылды.  Пәндік олимпиадалар Қарағанды қаласының сегіз білім ұйымында (№ № 3, 16, 23, 39, 57, 58, 63, 81) өткізілді. Қалалық олимпиада – оқушылар мен тәлімгерлер үшін  өте маңызды сынақ. 2017 жылдың қаңтар айында өтетін облыстық кезеңде жеңімпаздар Қарағанды қаласының намысын қорғайтын болады. Қарағанды қаласының білім бөлімі 2016-2017 оқу жылында  оқушылар Қарағанды қаласын  тек облыстық қана емес, республикалық кезеңде де лайықты түрде көрсететіндеріне сенеді, әрі  қалалық олимпиаданың барлық қатысушылары мен тәлімгерлеріне сәттілік, шығармашылық жеңіс, ғылыми жаңалықтар мен жаңа биіктерге жете берулерін тілейді.

Қарағанды қаласында Тәуелсіздік күні мерекесін тойлау қарсаңында  «№7 дарынды балаларға арналған Ж.Жабаев атындағы мектеп-интернат» базасында жалпы пәндер бойынша мектеп оқушыларының арасында «Дарын» ғылыми жобалар сайысының облыстық  кезеңі болып өтті. Содан кейін қатысушылар өздерінің дайындап келген жоба жұмыстарын төрт маңызды бағытта он алты секцияға бөлініп қорғады. Қарағанды облысы мектептерінің 8-11-сыныптарының  оқушылары дайындаған барлығы 304 жұмыс тыңдалды. Қарағанды қаласының мектептерінен барлығы 101 жұмыс ұсынылды, олардың 42-сі сайыстың жүлдегері мен жеңімпаздары атанды.    Қазылар алқасы жұмысына жоғарғы оқу орындарының 45 оқытушы-профессоры қатысып, оқушылардың еңбектерін бағалады. Қазылар алқасы оқушылардың таңдап алған тақырыптарының маңызды да қажетті екендігін атап өтті. Жүлделі орындарға ие болған жұмыстар сайыстың республикалық кезеңіне өтті. Әр түрлі дәрежедегі дипломдарға ие болған оқушылар 2016 жылдың 14 желтоқсанында on-line тәртібінде зерттеу жұмысына қатысты  пән бойынша тестілеуден өтеді.       Сайыс нәтижесімен осы жерде танысуға болады.   Жүлдегерлер мен жеңімпаздарды құттықтап, on-line тестілеуде сәттілік тілейміз!!!

2016 жылдың 2 желтоқсанында Қарағанды қаласының Кеңдала-2 шағынауданында жаңа мемлекеттік «Шаңырақ» балабақшасы ашылды.  Балабақша 2014-2015 жылы қолданысқа берілген жаңа тұрғын үйлер арасында орналасқан.  Балабақшаның ашылу рәсіміне Қарағанды облысының әкімі Н.Қ.Әбдібеков қатысып, бүлдіршіндер мен олардың ата-аналарын жаңа, заманауи балабақшаның ашылуымен құттықтады. Бақша ұжымына сәттілік пен өркендеу тілеп, сыйлық сыйлады. Балабақшаны аралау кезінде әкім тағам бөліміне, музыкалық, спорттық залдарға кіріп, мерекелік ісшараларды тамашалады, сонымен қатар «Аналар мектебінің» алғашқы сабағына қатысты. Балабақшаға заманауи, ыңғайлы жағдайда тәрбиеленетін 400 бала қабылданған. 

Қарағанды қаласы білім бөлімінің ұйымдастыруымен 2016 жылғы 25 қарашасында №63 ЖББОМ базасында жалпыұлттық ««Mәңгілік Ел» идеясын жүзеге асыру мақсатында Қазақстан Республикасы Тұңғыш Президентінің Күні және Қазақстан Республикасы Туелсіздігінің 25-жылдығына арналған «ЭКСПО-2017» Халықаралық мамандандырылған көрмені дайындау және өткізу аясында оқушылардың шағырмашылық жұмыстарының көрмесі өткізілді.   Конкурсты өткізудің негізгі мақсаты: «ЭКСПО-2017» байланысты оқушыларды ғылыми жобалар әзірлеуге ынталандыру; оқушыларды ғылыми-зерттеушілік, оқу-білімге,  іс-әрекеттерге баулу; талантты және дарынды жас зерттеушілерді іріктеп қолдау және жаңа жүйеқұраушы «Мәңгілік Ел» құндылығын жалпыұлттық патриоттық идеясын жүзеге асыру. Осылай, оқушылар өздерінің тәжірибелі үлгілерін, макеттерін ұсынып, табиғи қорларды ұтымды пайдалану, жердегі өмірге ең жақсы жағдайлар жасау туралы ойларымен бөлісті.  Оқушылар мен ғылыми жетекшілері өздерінің жұмыстарын «Энергияны үнемдеу», «Жасыл экономика», «Экология» және «Бизнес-жобалар» бағыттарында ұсынады. Ең үздіктері қалалық көрмеге қатысқандары үшін Диплом және сертификаттармен  марапатталды. Конкурсқа 17 білім ұйымынан 23 жоба ұсынылды және де №101, 57, 53, 36, 16, 97, 4, 51, 15, 68, 22, 58, 9, 18, 64, 93, «Алпамыс» б/б білім ұйымдарының оқушылары мен ғылыми жетекшілері қалалық көрмеге қатысқандары үшін диплом және сертификаттармен  марапатталды. Олар өздерінің жұмыстарын «Энергияны үнемдеу», «Жасыл экономика», «Экология» және «Бизнес-жобалар» бағыттарында ұсынып, байқау нәтижесінде жүлделі орындарға келесі мектептердің оқушылары ие болды:  «Энергияны үнемдеу» бағыты: 7. Божбанов Алдияр, ШЛ № 101 – І место 8....

Қазақстан Республикасы Тәуелсіздігінің 25 жылдығын мерекелеу аясында 2016 жылдың 25 қарашасында Қарағанды облысы әкімдігінің қолдауымен ЮНЕСКО Клубтарының Қазақ Ұлттық Федерациясының (KazFUCA) алғашқы жергілікті өкілдігінің салтанатты ашылуы өткізілді.  Ісшараға Қазақстан Республикасының ЮНЕСКО мен ИСЕСКО істерінің Ұлттық Комиссиясының,  Қазақстан, Қырғызстан,Тәжікстан және Өзбекстан бойынша Алматы қаласындағы ЮНЕСКОның Кластерлік Бюросының басшылығы, облыс және қала әкімшіліктері, ЮНЕСКО Клубтарының Қазақ Ұлттық Федерациясының, Қарағанды және басқа аймақтардың ЮНЕСКО Клубтарының өкілдері, сонымен бірге Қарағанды облысы білім басқармасының, Қарағанды қаласы білім бөлімінің басшылығы, қосымша білім беретін ұйымдарының директорлары және басқалары қатысты.  Ісшара барысында облыстағы жеті ЮНЕСКО Клубтарының, анық айтқанда Қарағанды қаласы №2 өнер мектебінің, Қарағанды қаласы «Мұрагер» мамандырылған мектеп-интернаттың, Бұқар-Жырау ауданы Ботақара кентінің балалар өнер мектебінің, Сатпаев қаласы балалар өнер мектебінің, Балқаш қаласы балалар өнер мектебінің, Шахтинск қаласы А.Исмаилов атындағы балалар көркемөнер мектебінің және Бұқар Жырау ауданы Дубовка кентіндегі балалар өнер мектебінің жұмысы ұсынылып, Клубтардың шығармашылық көрмелері ұйымдастырылды. ЮНЕСКО Клубтарының Қазақ Ұлттық Федерациясының жергілікті өкілдігінің офисі Қарағанды қаласының №2 өнер мектебінде ашылды. Салтанатты ісшарада №2 өнер мектебінің басшылығына жергілікті өкілдігінің мәртебесі берілгені туралы Сертификат табыс етілді және ісшараға қатысушылар №2 өнер мектебінің жұмысымен танысып, ЮНЕСКО Клубының жас мүшелері мен өнер шеберлерімен дайындалған концерттік бағдарламаны тамашалады.

Қазақстан Республикасы Тәуелсіздігінің 25 жылдығын тойлау аясында 2016 жылғы 23 қараша күні №83 ЖББОМ ғимаратында V қалалық «Ғ.Мұстафин оқулары» өтті.Байқауға қаланың 28 білім беру ұйымдарынан  52 оқушы қатысты.Байқау нәтижесінде жүлделі орындарға келесі мектептердің оқушылары ие болды: «Сөз мәнері» бағыты бойынша:  І  орын - Сайфуллина Флюра, №74ЖББОМ ІІ орын- Ким  Джейсан, №101МЛ ІІ орын- Мухамедрахим Арман, №93 гимназия ІІІ орын- Федоренко Екатерина, №83 ЖББОМ ІІІ орын- Попова Анастасия, №81ЖББОМ ІІІ орын- Салехова Диана, №38 гимназия  ІІІ орын - Вольман Роман, №33МБК «Сахналық қойылым» бағыты бойынша      І  орын –№9 гимназия оқушылар тобы     ІІ орын –№15ЖББОМ оқушылар тобы ІІІ орын –№83ЖББОМ оқушылар тобы Жазушының туғанына 114 жыл толуына арналып өткен шара өз мақсатына жетіп, қатысушылар мен көрермендердің көңілінен шықты.

2016 жылғы 23 қараша күні №86 ЖББОМ базасында ағылшын тілін оқып жатқан бастауыш сынып оқушыларының арасында  «My Magic Box» атты  шығармашылық байқау өтті. Байқаудың мақсаты-бастауыш буын оқушыларының арасында ағылшын тілін үйренуге деген қызығушылықтарын арттыру, дарынды балаларды анықтау. Байқауға қаланың білім беру ұйымдарынан 2,3,4-сыныптарда оқып  жатқан 46 оқушы қатысты. Байқауға қатысушылар ағылшын тілінде өзінің отбасы, достары, қызығушылықтары, сүйікті қаласы туарлы айтты.

2016 жылғы 23 қарашада  № 81 мектеп  базасында «Мен құқылымын»  атты қоғам қайраткері Б.Сырттановтың 150 жылдық және қазақтың бірінші бейресми «Қазақ мемлекетінің уставы» атты Конституциясының 105 жылдық мерейтойларына арналған қалалық байқау болып өтті. Конкурстың мақсаттары мен міндеттері тұлғаның  құқықтық мәдениетін және азаматтық белсенді ұстанымдарын қалыптастыру,құқық саласындағы білімдерін қалыптастыру, сондай-ақ зияткерлік-шығармашылық әлеуетін дамыту. «Мен құқылымын» байқауына 9-10-сынып оқушылары қатысты. Конкурсқа қатысуға 66 оқушы  сұраныс берілді. Байқау 2 кезең бойынша өткізілді: I кезең – іріктеу.  II кезең – қорытынды.  «Интеллектуалдық марафон» атты 1-кезеңде  оқушылар тест тапсырмаларын шешіп,Қазақстан Республикасының Конституциясы бойынша өздерінің құқықтық жағдайларға қатысты терең білімдерін көрсетті. Қорытынды кезеңде байқауға қатысушылар ұсынылған мәселе бойынша мысал келтіре отырып өздерінің жеке көзқарастарын ортаға салулары керек болатын.  Жүлделі орындар екі кезеңнің қорытындысы бойынша төмендегідей болды: Қазақ тілінде оқытатын мектептердің нәтижесі: • І орын- №68 МББК-Жумабаева Гаухар,  №81ОМ-Алтайқызы Жанерке; • ІІ орын №92 гимназия-Исмаилова Малика;  №68 МББК-Бахиева Жадыра; • ІІІ орын - №68МББК-Серик Молдир,  №76 ЖББОМ-Қаныш Фатима,  №41ЖББОМ-Саметова Жайна, №92гимназия-Батырбаева Карина.   Орыс тілінде оқытатын мектептердің нәтижесі: • І орын-38 гимназия -Ефизов Давид, ЧСОУ «Friendship»-Дзюбина Надежда, № 62 ЖББОМ -Куур Елизавета,  №66ЖББОМ-Реснянская Екатерина; • ІІ орын-№93 гимназия -Киверова Дарья, №2 лицей-Мурзаев Ян, ШЛ №93гимназия -Тумакова Мария, №101 МЛ-Шрейнер Ангелина; • ІІІ орын-№1 гимназия-Васильченко Ангелина,...

2016 жылдың 23-26 қараша аралығында Қарағанды және Теміртау қалаларында жаратылыстану-математикалық бағытындағы пәндер бойынша IX Президенттік олимпиаданың қорытынды (республикалық) кезеңі өтуде. Бұл кезеңге Қазақстан Республикасының барлық өңірінен 11 сыныптың 155 оқушысы қатысады.  Қарағанды облысы командасының намысын  7 оқушы қорғайтын болады. Оның бір мүшесі №53 МЛ оқушысы Ившин Андрей екенін атап өту қажет. 22-23 қарашада Қарағандыға келген командалардың  қатысушыларын Қарағанды қаласы білім ұйымдарының өкілдері қарсы алды.  23 қарашада Теміртау қаласының  Қарағанды мемлекеттік индустриялық университетінде IX Президенттік олимпиаданың ашылу салтанаты өтті. Ашылудан соң біздің қаланың педагог-психологтары (15, 16, 92, 93, 101) барлық оқушыларды, олимпиада қатысушыларын позитив пен жеңіске бағыттау мақсатында олармен релакс-тренинг жүргізді! Барлық қатысушыларға қорытынды кезеңді сәтті және лайықты өтуді тілеміз. Ең мықтылар жеңсін!

2016 жылғы 18 қараша күні С.Сейфуллин атындағы қазақ драма театрында облыстық педагогикалық алқа отырысы өтті. Алқа отырысы аясында білім беру ұйымдарындағы білім алушыларды қорытынды аттестаттау, талапкерлерді жаңа форматтағы  Ұлттық Бірыңғай тестілеуден өткізу, облыстың білім беру ұйымдарында инновациялық жобаларды енгізу мәселелері талқыланды. Сондай-ақ, білім беру ұйымдарының (мектептер, қосымша білім беру, мектепке дейінгі мекемелер)  2015 жылғы 1 қыркүйегі мен  2016 жылдың 1 қыркүйегі арасындағы қызметінің оқу-әдістемелік орталығымен облыстық Рейтингінің қорытындысы шығарылды.Рейтингтік бағалау нәтижесі бойынша Қарағанды қаласының білім бөліміне ІІ орын иеленгені үшін 5000000 теңгенің сертификаты тапсырылды.  Қарағанды қаласы білім беру ұйымдарының басшылары мен педагогтарына кәсіби қызметте белсенді қатысып, шығармашылық танытқандары үшін алғысымызды білдіреміз. Құттықтаймыз!

«Қарағанды қаласының білім бөлімі» мемлекеттік мекемесі  Орталық Қазақстан газетінде 20 қазан 2016 жылы жарияланған журналист  Қызғалдақ Айтжанованың «Өз жерімізде өгейдің күйін неге кешеміз?» және 10 қараша 2016 жылғы Халықаралық «Қазақ тілі» қоғамы Қарағанды облыстық филиалының басшысы Темірғали Көкетаевтың «Тақиямызды төбеге атқанда, Тазымыз көрініп қалмасын» атты мақаларында көрсетілген қаламыздағы қазақ сыныптарының жабылуы жайындағы мақалаларында жазылған пікірлерге қарсылық білдірмек. Облысымыздың басты басылымы болып табылатын «Орталық Қазақстан» газеті журналистерінің қалалық білім бөлімінің кәсіби талдауына сүйенбей «ел аузында» жүрген сөздерін дәлелді деректей етіп жариялауы жанға жара салады. Мақалада жазылғандарға  өз деректерімізді келтіруді жөн көріп отырмыз. Егемен ел болған ширек ғасырдан бері қаламыздың қазақ тілді сыныптары мен мектептерінің саны артқанын атап кетуге болады. Егер 1991-1992 жылдары қаламызда бірде-бір қазақ мектебі болмаса, бүгінгі күні Қарағанды қаласында орналасқан 78 мектептің 10-ы таза қазақ мектебі де 57-сі аралас мектеп.  2016-2017 оқу жылында Қарағанды қаласы бойынша 63317 оқушы білім алады. Оның ішінде қазақ тілінде білім алатын оқушылардың саны  23253 болса, 40064 -сы орыс тілінде білім алады.  Төменде берілген кесте негізінде кейінгі 3 жылда Қарағанды қаласында жыл өткен сайын қазақ тілінде білім алуға ынталы оқушылардың қатары жыл санап артып келе жатқанын, яғни сәйкесінше ашылған қазақ сыныптарының саны былтырғы оқу жылына қарағанда 64 сыныпқа артқанын көруге болады. Оқу жылдары  Сыныптар саны  Оқушылар саны 2016-2017       1070                        23258 2015-2016       1006          ...

Қарағанды қаласы білім бөлімінің ұйымдастыруымен 4 қараша 2016 жылы сағат 15.00 де №15 ЖББОМ базасында білім беру ұйымдары оқушыларының арасында Қазақстан Республикасы Тәуелсіздігінің 25жылдығына орай  «Бұл палата «Болашақ» бағдарламасын алып тастау керек  дейді. Бұл палата Қазақстан Республикасының білім беру жүйесіне үштілділікті енгізудің тиімді механизмін ұсынады» тақырыптары бойынша қалалық пікір-сайыс турнирі өткізілді.       Қалалық пікір-сайыс турнирі оқушылардың белсенді азаматтық ұстанымдарын қалыптастыру, мектеп оқушыларының көшбасшылық қасиеттері мен шешендік қабілеттерін дамыту, мектепшілік дебат қозғалыстарын жандандыру мақсатында өткізілді.       Қалалық турнирге қаланың 42 білім беру ұйымынан 44 команда қатысты.Жас пікір-сайысқа қатысушылардың пікірі мен ұсыныстарын Е.А.Букетов атындағы ҚарМУдің дебат клубының мүшелері-студенттер, білім беру ұйымдарының тарих пәнінің мұғалімдері  бағалады.Пікір-сайыс қорытындысында қазақша лига бойынша жүлделі орындарды иеленген  командалар анықталды: «Ұлан» №39 гимназия командасы (Бас жүлде) «Әділет-8» №41 ЖББОМ, «Рух №23 ЖББОМ» -1 орын. «Жасқанат» №18 ЖББОМ, «Әділет-9» №41 ЖББОМ -2 орын «Алаш» №57 МЛ, «Dream team» №39 гимназия- 3 орын. Орыс лигасы: «Лидер»№9 гимназия (Бас жүлде) «Форвард»№38 гимназия, «59 аргументов» №59 ЖББОМ-1орын «45 калибр» №45 гимназия, «Думан»№62 ЖББОМ- 2 орын «32 килобайт» №32 ЖББОМ, «9 ВАЛ» №9гимназия- 3 орын      Турнирдің  үздік спикерлері болып №45 гимназияның оқушысы Давыденко Виолетта, №57 МЛ оқушысы Абзалқызы Асел, №39 гимназия оқушысы Сейтказиева Аружан, №23 ЖББОМ оқушылары Елемес Арайлым,Мейрманов...