Қарағанды қаласының білім ұйымдарында 2012 жылғы 01 қыркүйекте жаңа 2012-2013 оқу жылына арналған салтанатты жиындар өткізілді.
Салтанатты іс-шараларға ата-аналар, педагогикалық еңбек ардагерлері, қадірлі қонақтар қатысты. Салтанатты іс-шаралар барысында оқушылар мен педагогтарды Білім күнімен облыс, қала және Қарағанды қаласы аудандары әкімшіліктерінің, сонымен қатар қаладағы мемлекеттік мекемелердің басшылары және өкілдері құттықтады. №101 мектеп-лицейде өткен салтанатты жиын барысында оқушыларды жаңа оқу жылмен Олимпиада чемпионы, боксер Серік Сапиев құттықтады.
Салтанатты жиындардан соң оқушылар Қазақстан Республикасы мемлекеттік рәміздерінің 20 жылдығына арналған «Мемлекеттік рәміздер-ұлт мақтанышы» тақырыбындағы бірінші сабаққа қатысты.
Білім бөлімі қала мектептерінің оқушылары мен мұғалімдерін жаңа оқу жылымен құттықтай отырып, жаңа жетістіктер мен сәттілік тілейді!
Contacts
