Мектеп оқушыларының жалпы білім беретін пәндер бойынша Республикалық олипиадасы – бұл қоғамның зиялы буын өкілдерін қалыптасырудың тиімді жолы. Олимпиада-талантты жастарды анықтауға, дарынды жастардың әрі қарай дамуына жағдай жасайды, оқушылар мен олардың ұстаздарының жаңа қырынан көрінуіне жол ашады, мектеп оқушыларын зияткерлік іс-әрекетте біріктіреді.
Мектеп оқушыларының республикалық олимпиадасы 4 кезеңнен тұрады.
2020 жылғы 18-20 қараша аралығында Қарағанды қаласының білім беру ұйымдарында олимпиаданың І кезеңі (мектепішілік) өткізілді.
Мектеп оқушыларының ғылыми жұмыстармен айналысуға және жекелеген пәндерді оқып үйренуге деген қызығушылықтарының артуын олимпиадаға қатысушылардың санының жыл сайын көбейіп отырғанынан байқауға болады.
Мектеп олимпиадасы - оқушыға және оның ұстазына деген үлкен сын.
Мектепішілік олимпиаданың жеңімпаздары өз мектептерінің намысын 2020 жылы желтоқсан айында өтетін аталмыш олимпиданың қалалық кезеңінде қорғайтын болады.
Қарағанды қаласының білім бөлімі 2020-2021 оқу жылында біздің мектеп оқушылары алда тұрған қалалық олимпиадада ғана емес, сондай-ақ облыстық, республикалық олимпиадаларда да Қарағанды қаласының намысын қорғайды деп сенім білдіреді. Барлық олимпиадаға қатысушылар мен олардың тәлімгерлеріне табыс, шығармашылық жеңіс тілей отырып, биік белестерді бағындыра беріңіздер дейміз.
Contacts
