2019 жылдың 12 тамызынан 10 қазанына дейін жаңа оқу жылының басталуына дайындық аясында «Қарағанды қаласы білім бөлімі» бойынша «Қауіпсіз мектеп автобусы» атты республикалық акциясы өткізілді.
Акцияның мақсаты оқушыларды оқу орындарына тасымалдауды ұйымдастыру кезінде жол қауіпсіздігін қамтамасыз ету, балаларды мектеп автобусымен тасымалдау кезінде жол-көлік оқиғаларының алдын алу болды.
Ұраны - «Қауіпсіз мектеп автобусы үшін».
Республикалық акция балаларға, ата-аналарға және қоғамға жол қауіпсіздігі мен балаларды тасымалдау ережелері туралы ескерту болуы керек.
Акция аясында мектепте жоспарланған шаралар:
- жол қозғалысы ережелерін бұзу бойынша қауіпсіздік сабақтары, жол қозғалысы ережелері туралы парақшалар, брошюралар тарату;
- бастауыш сынып оқушылары мен олардың ата-аналары арасында «Жарқын бол» сынып сағаттарын өткізу. Жол қозғалысының қауіпсіздігі бойынша жас инспекторлардың театрландырылған қойылымдарын ұйымдастыру;
- асфальтта суреттер конкурсы (қараңғыда жарқырайды);
- жол қозғалысы ережелері туралы әлеуметтік роликтерді көрсету және т.б.;
- жол қозғалысы ережелерін сақтау бойынша дәрістер, ата-аналар жиналыстары;
- жол пайдаланушыларын жолдарда сақ болуға шақыратын флешмобтар.
Әр баланың амандығы үшін жол сақшылары мен ұстаздар қаншалықты жауапты болса, ата-ана үшін де артылар жауапкершіліктің жүгі солармен тең. Қауіпсіздікті насихаттаған іс-шара әрбір жеткіншектің санасына жол ережесін сақтауды сіңіре білді. Жол қауіпсіздігіне қатысты мәселенің шешімін табатын игі шаралар мұнымен тоқтап қалмақ емес, бұдан әрі түрлі деңгейде жалғасын табатынына сенеміз.
