«Мектепке жол» жалпыреспубликалық акциясы жалғасуда

2019 жылғы 01 тамызында №92 гимназияда «Мектепке жол» жалпыреспубликалық акциясына арналған баспасөз-конференциясы өткізілді. Аталған іс-шараға Қарағанды қаласының 42 демеушілері: білім бөлімі, жергілікті полиция, қалалық мслихапты, білім ұйымдары өкілдері және т.б. қатысты.

Баспасөз-конференцияның өткізілуі мақсаты: жалпыреспубликалық «Мектепке жол» акцияның өтуі туралы қала тұрғындарына ақпарат беру.

Жыл сайынғы жалпы жалпыреспубликалық «Мектепке жол» акциясы биыл 2019 жылдың 1 шілдесінен  30 қыркүйекке дейін «Жүректен жүрекее» ұранымен өтеді.

Іс-шара барысында акцияның мақсаттары түсіндіріліп, әлеуметтік көмекке мұқтаж балаларға  мектеп заттары, оқу құралдары Қазыбек би ауданының                 135 оқушысына (рюкзактар; мектеп, спорттық киімдер) табыс етілді.

Дәстүр бойынша акция барысында мектеп жасындағы балаларды білім ұйымдарында оқумен қамту, әсіресе күн көрісі төмен отбасылардан шыққан балаларға әлеуметтік көмек көрсету жөніндегі іс-шараларды өткізу жоспарлануда. Жалпы, мектеп жасындағы барлық балалар, оның ішінде аз қамтылған, көп балалы, жайсыз, толық емес, ерекше қажеттілігі бар балалардың, жетім балалар мен ата-анасының қамқорынсыз қалған балалардың, девиантты мінез-құлықты, тәуекел тобындағы және өзге де әлеуметтік осал топтағы балалардың оқумен қамтылуына жағдай жасау жөніндегі жан-жақты шаралар қабылданады.

Акцияны тиімді ұйымдастыру мақсатында мектеп акцияларын ұйымдастыру және өткізу жөніндегі қадамдық жоспар әзірленді.

Акцияға бизнес-құрылымдарын, үкіметтік емес ұйымдарды және мемлекеттік органдарды тарту мақсатында алдын ала PR-науқандар өткізіліп, білім ұйымдарында акция туралы стендтер түрінде ақпараттық бұрыштар құрылды, билбордтар, баннерлер, тартылмалы жазулар орнатылып, акция логотипі басылған арнайы қағаздар, плакаттар таратылады.

Қайрымдылық іс-шара барысында жаңа оқу жылы қарсаңында жылдан-жылға балаларға мектеп және спорттық форма, кеңсе жабдықтарымен бірге рюкзактар түрінде сыйлықтар табыс етіледі.

Бұдан басқа, азаматтардың өтініштерін жедел қарастыру үшін білім ұйымдарында шұғыл желілердің, «сенім» телефондарының, қоғамдық қабылдаулардың жұмысын үздіксіз ұйымдастырылды: 343413, 343640, 343719.