Қарағанды қаласы білім бөлімінің бастамасымен 2012 жылғы 24 ақпан мен 24 наурыз аралығында өтіп жатқан туберкулезді алдын алу жөнінде айлық аясында ағымдағы жылдың 16 наурызында №16 орта мектепте білім ұйымдарының 9-11 сынып оқушыларының қатысуымен «Туберкулезді тоқтатайық!» тақырыбында интерактивтік сабақ өткізілді.
Он-лайн режимінде өткен сабақ Елбасы Н.Ә. Назарбаевтың Қазақстан халқына биылғы Жолдауындағы міндеттерді жүзеге асыру, оқушылардың арасында салауатты өмір салтын насихаттау, сонымен қатар оқушылардың өз денсаулықтарына деген жауапкершіліктерін арттыру мақсатында ұйымдастырылған.
Қарағанды қаласы білім бөлімінің мамандары, облыстық туберкулезге қарсы диспансер дәрігерлерінің, облыстық салауатты өмір салтын қалыптастыру Орталығы өкілдерінің қатысуымен өткен сабақ барысында оқушылар ақпараттық-алдын алу бейнематериалдарын көріп, №45 гимназия оқушыларының туберкулез мәселесі бойынша зерттеу жұмысымен танысып, өз сұрақтарына жауап алды.
Contacts
