«Жыл командасы-2019» жас оқушылардың XVIII қалалық интеллектуалдық марафоны

     2019 жылғы 20 сәуірде «Жыл командасы-2019»  жас оқушылардың XVIII қалалық интеллектуалдық марафоны өтті.
     Марафон дәстүр бойынша «№2 лицей» КММ өтті. Оған Қарағанды қаласының 78 білім ұйымынан 4 сыныптардың оқушыларынан құралған 78 команда қатысты. Олимпиаданың әр қатысушысына барлығы 60 сұрақтан құралған дүниетану, математика, қазақ, орыс және ағылшын тілдерінен тапсырмалар берілді. Команданың әр мүшесінің ұпай сандары қосылып, соңында ең көп ұпай жинаған команда жеңіске жетті.
     Тапсырмалар түрлі деңгейде болғандықтан, оқушылар өздерінің тек пән бойынша білімдерін ғана көрсетіп қоймай, сонымен қатар логикалық ойлау қабілеттері мен білгірліктерін көрсете алды. Әр қатысушыға тапсырманы орындауға 2 сағат (120 минут) уақыт берілді.

     Инновациялық мектептер арасында үздік команда болып келесі оқушылардың командалары атанды:

1 орын мен «Жыл командасы-2019» атағын № 38 гимназияның оқушылары иеленді (153 ұпай).
2 орынды № 9 гимназиның командасы иеленді (141 ұпай).
3 орынды №92, № 93 гимназияларының командалары иеленді (135 ұпай).

     Жалпы білім беретін орта мектептер арасында үздік команда болып келесі оқушылардың командалары атанды:

1 орынды № 16 ЖББОМ командасы иеленді (119,5 ұпай).
2 орынды № 81 ЖББОМ командасы иеленді (117 ұпай).
3 орынды «Альтер» командасы иеленді (116 ұпай).


     «Жыл оқушысы-2019» атағын №38 гимназияның оқушысы Ильяс Куанышбеков иеленді. Ол өз командасына 56 ұпай әкелді және бұл осы жылдың ең үздік нәтижесі.