Қарағанды қаласының білім бөлімінің ұйымдастыруымен 2019 жылдың 19 наурыз күні 93 гимназия базасында он-лайн режимде «Балалар және отбасына қатысты мемлекет саясаты» тақырыбында жалпы қала мектептерінің ата-аналар жиналысы болды. Аталаған жиналысқа Қарағанды облысының дін істер басқармасының басшысы Н.Бикенов, Қарағанды қаласының жұмыспен қамту және әлеументтік бағдарламалар бөлімінің басшысының орынбасары Б.Талипова, Жастар ресурстық орталығы КММ директоры Б.Бекмурзаев және Қарағанды қаласының білім бөлімінің басшылары мен мамандары қатысты. Жиналысты Қарағанды қаласының білім бөлімінің міндетін атқарушы Р.Кенешова жүргізді. Жиналыста әлеуметтік салада жүзеге асырылатын тың бастамалар, мемлекеттің отбасы тәрбиесіне байланысты саясаты және қаланың білім ұйымында әлеументтік қолдау бойынша жүргізіліп жатқан жұмыстар, сонымен бірге оқушылардың тәрбиесіне және көзқарасына әлеуметтік желілердің әсері тақырыптары талданды.
Жалпы ата-аналар жиналысы жыл сайын жүйелі түрде өткізіліп отырады. Ата-аналар, қоғам, мемлекеттік органдармен бірлесе отырып өскелең ұрпақты тәрбиелеуде туындаған сұрақтарға жауап алады.
Байланыс телефондары
