«Алтын бесікке +» шақырамыз!

Қазақстан Республикасы Тұңғыш Президентінің Күні қарсаңында Қарағанды қаласының әкімі «Алтын бесік + » жекеменшік балабақшасының ашылуына қатысты.

Бұрын ғимаратта мейрамхана орналасқан, ал енді «Бизнестің жол картасы-2020» бағдарламасы бойынша қалпына келтірілген заманауи, жайлы, әдемі балабақша болады.Балабақшада 140 орындық 5 топ болады. 2018 жылдың желтоқсан айынан бастап мемлекеттік білім беру тапсырысын орналастыру жоспарланып отыр.

Балабақшада балаларды ерте әлеуметтендіру, тәжірибелік дағдылар мен шығармашылық қабілеттерін дамытуға бағытталған тәрбиедегі заманауи тәсілдер қолданылады. Барлық бөлмелер стандартты талаптарға сәйкес келеді, санитарлық талаптар мен өрт қауіпсіздігі нормалары сақталған.  Оқшауландыру қарастырылған және емшара бөлмесі бар медициналық кабиннетпен жабдықталған.Бейнелеу өнері, логопед және қазақ, ағылшын тілдерінің кабинеттері бар.

Балабақшаның құрылтайшыларында мектепке дейінгі білім беру ұйымдарын ашу және басқарудың тәжірибесі бар.

Бес жыл қызмет жасап келе жатқан «Алтын бесік» (қала әуежайы, 111/1) балабақшасы жоғары деңгейде мектепке дейінгі білім беру қызметін көрсетеді және ата-аналардан үлкен сұранысқа ие. «Алтын бесік» балабақшасының тәрбиеленушілері жаңа балабақшаның ашылуына қатысты.

4 желтоқсаннан бастап «Алтын бесік+» балабақшасына балаларды қабылдау басталады.

Мекенжай: Шахтеров, 36/1