Қарағанды қаласы педагогикалық қызметкерлерінің тамыз мәжілісі

2018 жылғы 24 тамызда Қарағанды қаласында «Төртінші өнеркәсіптік революция жағдайындағы адами капитал. Человеческий капитал в условиях четвертой промышленной революции»тақырыбы бойынша білім беру жүйесі педагогикалық қызметкерлерінің дәстүрлі тамыз мәжілісі өтті. Осы жылы басты назар білім берудің жаңа мазмұнын енгізу, Қазақстанды сандық жүйеге енгізу,  STEAM-білім беру мәселелеріне аударылды, «Рухани жаңғыру» идеологиялық бағдарламасының маңызды аспектілері талқыланды және т.б.  

Күннің бірінші жартысында Қарағанды қаласы №102 мектеп-гимназиясының акт залында пленарлық отырыс өтті, оған 500 аса адам қатысты- олар мектеп, балабақша, қосымша білім беру ұйымдарының басшылары, инклюзивті білім беру педагогтары, ақпараттандыру жөніндегі директорлардың орынбасарлары, психологтар, педагогикалық еңбек ардагерлері.Қарағанды қалалық мәслихаттың хатшысы  К.Б.Бексултанов, «Нұр Отан» ХДП Қарағанды филиалы төрағасының орынбасары Ю.В.Бадина, «Өрлеу» БАҰО» АҚ филиалы Қарағанды облысы бойынша ПҚ БАИдиректоры  С. Д.Муканова, Қарағанды облысы білім басқармасы басшысының орынбасары Б.Н. Адекенова құрметті қонақ болды.  

Баяндамамен Қарағанды облысының ақпараттандыру, мемлекеттік қызметтерді көрсету және мұрағаттар басқармасының басшысы Рашит Тлеугазинович Белгибаев, Қарағанды облысы НЗМ информатика мұғалімі Глеб Фаридович Давлетгариев, Бөкетов атындағы ҚарМУ оқытушысы  Нурсахан Ахметовна Бейсенбекова, білім бөлімі басшысының міндетін атқарушы Р.А.Кенешова сөз сөйледі.   

Барлық қатысушылар балалар салған суреттер көрмесін тамашалады, жаңа мазмұндағы оқулықтар көрмесі, сондай-ақ STEAM – орталықтар үлгілерінің, жобаларының презентациялары, мектеп жасына дейінгі балалардың робошығармашылығы және басқалар ұйымдастырылды. Мәжіліске қатысушыларға № 2 ӨМ халық аспаптар оркестрі өнер көрсетті.    

Мұғалімдерге арналған пәндер бойынша секциялық отырыстар №№ 5, 15, 16, 23, 39, 57, 59, 77, 83, 101, 102білім беру ұйымдары негізінде және Достық Үйінде жалғасты. Секциялық отырыстарда талқыланатын негізгі бағыттар Қазақстан Республикасында білім беру мазмұнын жаңарту және 2018-2019 оқу жылына арналған Әдістемелік-нұсқаулық хатты талқылау мәселелері болды.  

Қала әкімдігі және білім бөлімі тамыз мәжілісіне қатысушыларға, жемісті еңбектері үшін құрметті қонақтарға, сондай-ақ осы іс-шараны өткізуге тікелей үлес қосқан барлық білім беру ұйымдарының басшыларына алғыс білдіреді.