2018 жылдың 17 мамыры сағат 11.00-де №102 мектеп-гимназиясы базасында 2018 жылда балалар мен жасөспірімдердің жазғы демалысын, сауықтыруын және бос уақытын ұйымдастыру бойынша мүдделі ұйымдар өкілдерінің қатысуымен мекеме аралық жиналысы өтті.
Жиналыс жұмысына Қарағанды облысының қоғамдық денсаулық сақтау Департаменті, Қазбек би және Октябрь аудандарының қоғамдық денсаулық сақтау басқармасы, қалалық төтенше жағдайлар басқармасы, Қарағанды қаласының Оңтүстік-Шығыс полиция бөлімі, су құтқару және өртке қарсы қызметі, Қарағанды қаласының жастар ісі жөніндегі ресурстық орталығы өкілдері, сонымен қатар білім ұйымдарының директорлары, директордың тәрбие ісі жөніндегі орынбасарлары, мектеп жанындағы лагерь жетекшілері және мектеп медициналық қызметкерлері қатысты.
Жиналыс барысында жоғарыда айтылған мүдделі ұйымдар өкілдері жазғы демалысты ұйымдастыру және өткізу жұмыстары бойынша ақпарат берді.
Аталған жиналыс жұмысы барысында мектеп жанындағы сауықтыру лагерлерінің жұмысындағы өрт қауіпсіздігі, суда шомылу кезіндегі қауіпсіздік ережелері, жасөспірімдердің бос уақытын ұйымдастыру, мектеп жанындағы лагерледің жұмысы үшін рұқсат қағаздарын алу, жұқпалы және ішек ауруларының алдын алу, сонымен қатар «Жасыл ел» жастар еңбек жасақтары аясында жасөспірімдердің маусымдық бос уақыты бойынша мәселелер талқыланды.
Жиналыс қорытындысы бойынша барлық өткізілетін бірлескен жұмыс барысында өзара байланысты күшейту мақсатында ұсыныстар берілді.
Байланыс телефондары
