Қарағанды қаласы білім бөлімі және Қарағанды қаласының ішкі істер басқармасы бірлесе отырып 2018 жылғы 25-26 сәуірінде №101 МЛ және №32 орта мектебінде жыл сайынғы жол қозғалысы жас инспекторлардың қалалық байқауын өткізді.
Байқау мектеп жасындағы балалар мен жасөспірімдер арасында тұрмыстық және жол-көлік жарақаттарының алдын алу жөніндегі ағымдағы жылдың 01-30 сәуір арасында өтіп жатқан республикалық айлық аясында ұйымдастырылуда.
Іс-шараның мақсаты: жол-көлік жарақаттануды алдын алу жөніндегі жұмысты арттыру, жол ережесін нақты сақтау қажеттілігіне балалардың назарын аудару, балалардың жолда жүру мәдениетін қалыптастыру.
Биылғы оқу жылында аталған қалалық байқауға 42 білім ұйымдарының жас инспекторлары қатысты. Байқаудың бірінші күні (25 сәуірде) Қазыбек би ауданындағы білім ұйымдарының жас инспекторларының отрядтары, ал байқаудың екінші күні (26 сәуірде) - Октябрь ауданындағы білім ұйымдарының отрядтары қатысты.
Жас инспекторлар өз білімдерін, қабілеттерін бірнеше турларда көрсетті. Байқаудың қорытындысы бойынша «Отрядтың үздік презентациясы»,«Үздік білімпаз» және басқа номинацияларда жеңімпаздар атанып, қалалық білім бөлімінің грамотасымен марапатталды.
Contacts
