Жыл командасы-2018» жас оқушылардың XVII қалалық интеллектуалдық марафоны

     2018 жылғы 21 сәуірде «Жыл командасы-2018»  жас оқушылардың XVII қалалық интеллектуалдық марафоны өтті.
     Марафон дәстүр бойынша «№2 лицей» КММ өтті. Оған Қарағанды қаласының 76 білім ұйымынан 4 сыныптардың оқушыларынан құралған 76 команда қатысты. Олимпиаданың әр қатысушысына барлығы 60 сұрақтан құралған дүниетану, математика, қазақ, орыс және ағылшын тілдерінен тапсырмалар берілді. Команданың әр мүшесінің ұпай сандары қосылып, соңында ең көп ұпай жинаған команда жеңіске жетті.
     Тапсырмалар түрлі деңгейде болғандықтан, оқушылар өздерінің тек пән бойынша білімдерін ғана көрсетіп қоймай, сонымен қатар логикалық ойлау қабілеттері мен білгірліктерін көрсете алды. Әр қатысушыға тапсырманы орындауға 2 сағат (120 минут) уақыт берілді.

     Инновациялық мектептер арасында үздік команда болып келесі оқушылардың командалары атанды:

1 орын мен «Жыл командасы-2018» атағын № 93 гимназияның оқушылары иеленді (150 ұпай).
2 орынды № 9 және 38 гимназияларының командалары иеленді (134 ұпай).
3 орынды №1, № 3, № 97 гимназиялары командалары иеленді (125 ұпай).

     Жалпы білім беретін орта мектептер арасында үздік команда болып келесі оқушылардың командалары атанды:

1 орынды № 77 МБК командасы иеленді (116 ұпай).
2 орынды № 23 ЖББОМ командасы иеленді (114 ұпай).
3 орынды № 6, № 74, № 82 ЖББОМ командалары иеленді (113 ұпай).


    «Жыл оқушысы-2018» атағын №93 гимназияның оқушысы Аида Ерланова иеленді. Ол өз командасына 51 ұпай әкелді және бұл осы жылдың ең үздік нәтижесі.