«Roboland 2018» IV робототехникадан халықаралық фестивальдің қорытындысы

     2018 жылғы 30-31 наурыз аралығында Қарағанды қаласында «Жастар» спорт кешенінде «Roboland 2018» робототехникадан халықаралық фестиваль өтті. Фестиваль  жастар мен оқушылардың шығармашылық белсенділігін дамыту,  робототехниканы насихаттап, оны  білім беру саласындағы қауымдастықтарда біріктіріп, дамыту мақсатында өткізілді.  
     Фестивальдің ашылуына ҚР Білім және ғылым вице-министрі  Асхат Аймагамбетов қатысып, сайыскерлерге сәттілік тіледі.
Фестивальге Қазақстанның барлық облыстарынан, Ресей, Қырғызстан және Польшадан 800-дей команда, 2000-нан аса робототехникамен әуестенген оқушылар қатысты.
      Еліміздің басқа облыстарынан келген командаларды қарсы алып, шығарып салып, оларға фестивальге қатысты сұрақтар бойынша кеңес беріп, көмек көрсеткен қала мектептері педагогтарының атқарған үлкен жұмыстарын атап өту қажет. Қала бойынша бұл жұмысқа 130 волонтер тартылды.   
     «Roboland 2018» фестивалі қарсаңында 2018 жылғы 29 наурызда қаланың 5 мектебінде (38, 57, 92, 93, 101) фестиваль қонақтары мен спикерлері қала мұғалімдеріне «шеберлік сыныптарын» өткізіп, инновациялық оқыту түрлерін енгізу бойынша өздерінің тәжірибелерімен бөлісті. Аталған мектептер тәжірибе алмасу алаңына айналып, қаланың 400-дей мұғалімдеріне Ресей және Грекиядан келген әріптестерімен тілдесуге мүмкіндік берді.
      Сайыс «CLASSIK», «PREMIUM», «Creative PROJECT», «CHALLENGE», «KIDS» категорияларында 32 номинация бойынша өтті. Фестиваль роботтар арасында футбол, квадрокоптерлерді басқару, 3D-прототиптеу, су роботтарының лабиринті, виртуалы әлем, билейтін роботтар, шығармашылық жобалар, бастауыш сынып оқушыларына арналған әртүрлі категориялар  және т.б. сайыстар бойынша өткізілді.
      Фестиваль аясында қазақстандық және шетелдік өндірушілердің заманауи робототехникалық өнімдері көрмесі ұйымдастырылды. Жергілікті,  көрші және шет елдердінен келген тренерлер оқушыларға, педагогтарға және келген қонақтарға семинарлар мен «шеберлік сыныптарын» жүргізді.  
      Қарағанды қаласының атынан аталған фестивальге 24 білім ұйымдарынан  (3, 6, 8, 9, 13, 17, 23,  36, 32, 38, 39, 50, 53, 57, 63, 66, 81, 83, 92, 93,101, 4 инт, «Алмагуль» б/б, «Алпамыс» б/б) 69 команда қатысты. Сайыстың қорытындысы бойынша  Қарағанды облысы жүлделі орындардың саны бойынша 1 орынды иеленді. Қарағанды қаласының қоржынында 32 категория бойынша 19 жүлделі орын:

     Барлық жеңімпаздар Қарағанды облысы білім басқармасының дипломдары мен арнайы сыйлықтарымен марпатталды.
      Қарағанды қаласының білім бөлімі фестивальді өткізуге көрсеткен үлестері үшін еріктілерге үлкен алғысын білдіреді және барлық қатысушылар мен жеңімпаздарды, мұғалімдерді, ата-аналарды құттықтайды! Алда сәттілік пен жаңа жетістіктер тілейміз!