2017 жылдың 11 сәуір айында «Балақай» балабақшасында Дүниежүзілік авиация жене ғарышкер күніне арналған «Мәңгілік ел» атты ұлттық ойды орындау мақсатында Қарағанды облысы білім ұйымындарының тәрбиеленушілеріне арналған адамгершілік-патриоттық ашық семинар өтті.
Іс-шараның басты мақсаты – балаларды ерте жастан бастап патриоттық сезімге баулу, ғарышқа деген қызығушылығын арттыру, Қазақстандық ғарышкерлерді мысалға ала отырып отансүйгіштік пен абыройлыққа тәрбиелеу.
«Балақай» балабақшасы ұжымының жұмысын көруге облыстың түкпір- түкпірінен мұғалімдер келді.
Балабақшада «Павильон ЭКСПО-2017 – РАКЕТОДРОМ» атты баллар мен ата-аналардың қолдан жасаған бұйымдарынан көрме ұйымдастырылған.
Қонақтарға арналып адамгершілік- патриоттық тәрбие туралы баяндама оқылды, «Ғарышты бағындырғандар – біздің жерлестеріміз», «Біз айбарлы сарбаздар» атты тақырыпта сабақтар көрсетілді.
Балалар мен ата-аналардың қатысуымен «Ғарыш айлағы» атты ғылыми-танымдық және «Ардақты атамекенім, Отаным – Қазақстан» атты ұлттық-спорттық ойындар өтті.
Бейнелеу студиясында «Жұлдызға жетер қиын жол» атты үйірме жұмысында балалар жер шарлары мен жұлдыздарды суреттеді. Балалар барлық жұмыстарын қонақтарға сыйлады.
«Қарағанды – ғарыш айлағы» атты ата-аналардың қолдан тіккен ғарыштық киім үлгілерінің көрсетілімі болды.
Ісшара барысында балалар үш тілде Отан, ғарыш, достық туралы әндер шырқады.
Ісшара соңында барлық қатысушылар достық әнін шырқады.
Ісшараға Қарағанды обысы білім басқармасының, Қарағанды қаласы білім бөлімінің өкілдері, ата-аналар қоғамы, БАҚ өкілдері қатысты.
