Қарағанды облысының білім басқармасы №41 орта мектебімен бірлесіп Қарағанды қаласы білім бөлімінің қолдауымен 2017 жылдың 5 сәуірінде 9 сыныпта кәмелетке толмағандардың құқығын қорғау тақырыбына арналған құқықтық сабақ өткізілді.
Аталған сабақ оқушыларға құқықтық тәрбие беру, олардың құқықтық білімдерін, оның ішінде балалар мен жеткіншектердің құқықтары мен мүдделерін қорғау бойынша білімдерін жетілдіру және кәмелетке толмағандардың арасында құқық бұзушылықтың алдын алу мақсатында ұйымдастырылды.
Сабаққа Қарағанды облысы білім басқармасының және Қарағанды қаласы білім бөлімінің мамандары, сонымен бірге Қарағанды қаласының ІІБ ЖПҚ қызметкерлері қатысты.
Онлайн тәртібінде 200 жуық білім ұйымы қатысқан сабақ барысында оқушыларға қолданыстағы заңнама қағидалары, кәмелетке толмағандардың құқықтары мен міндеттері түсіндірілді. Оқушылар өздері де сабақтың тақырыбын талқылауға белсене қатысып, әртүрлі ситуациялық тапсырмаларды орындады және балалардың құқықтарын қорғау жөнінде әзірленген жобаларын ұсынды.
Онлайн тәртібінде құқықтық сабақтарды өткізу практикасы жалғасатын болады.
